Էլիզաբեթ Ռոմհիլդ
Էլիզաբեթ Ռոմհիլդ (Էլիզաբեթ Զավենի Դավիդյան, 1960, Կոպենհագեն, Դանիա), հայազգի նկարչուհի, քանդակագործ, դիզայներ։
Էլիզաբեթ Ռոմհիլդ | |
|---|---|
| Ի ծնե | Էլիզաբեթ Ռոմհիլդ |
| Ծնվել է | հոկտեմբերի 15, 1960 (63 տարեկան) |
| Ծննդավայր | Կոպենհագեն  Դանիա |
| Քաղաքացիություն | Դանիա |
| Մասնագիտություն | նկարչուհի |
| Ակտիվ շրջան | նկարիչ քանդակագործ դիզայներ |
| Կայք | elizabethromhild.com |
Կենսագրություն խմբագրել
Էլիզաբեթ Ռոմհիլդը ծնվել է Դանիայում։ Հայրը հայ է, մայրը՝ դանիացի։ Մանկությունն անցել է Իրանում։ Սովորել է Անգլիայում, ապրել Սաուդյան Արաբիայում, ԱՄՆ-ում, Ինդոնեզիայում, 1988 թվականից բնակություն է հաստատել Թաիլանդում։
Ինքնուս նկարիչ է։ 26 տարեկան հասակում սկսել է նկարել իրատեսական դիմանկարներ, այնուհետև՝ ծովանկարներ, լանդշաֆտներ։
Դասականի և մոդեռնիզմի համադրությամբ բնորոշվող ստեղծագործությունների հերոսը կինն է՝ իր գիտակցական ու ենթագիտակցական ապրումներով ու հույզերով։
Էլիզաբեթ Ռոմհիլդի աշխատանքները գտնվում են Դանիայի, Գերմանիայի, Շվեյցարիայի, Նիդերլանդների, Իտալիայի, Թաիլանդի, Ինդոնեզիայի, Սինգապուրի, Հոնկ Կոնգի, Ավստրալիայի, ԱՄՆ տարբեր մասնավոր հավաքածուներում
1986 թվականից մասնակցել է տարբեր անհատական և խմբակային ցուցահանդեսների Ինդոնեզիայում, Թաիլանդում, Դանիայում, Լոնդոնում[1], Շվեյցարիայում, Սինգապուրում, Իտալիայում, ԱՄՆ-ում[2]։
Մեջբերումներ Էլիզաբեթ Ռոմհիլդի մասին խմբագրել
|
Էլիզաբեթի սահուն կոմպոզիցիաները, որպես արևմտյան և արևելյան գեղարվեստական ավանդույթների խառնուրդ, նորովի են մեկնաբանում ու արևելյան միստիկայով պարուրում ժամանակակից եվրոպական արվեստի ժանրերը` արտահայտելով նրա սեփական, ուրույն ոճային առանձնահատկությունները։ Գույների դինամիկ փոխազդեցությունները, որոնք դուրս են թռչում նրա հանդուգն գունապնակից, առաջացնում են նույն զգացմունքները, ինչ կենսասեր հետիմպրեսիոնիստ նկարիչներ Գոգենի և Մատիսի գունային լուծումները, ինչպես նաև իսլամական արվեստից վերցված խորը երանգներն ու հարուստ խճանկարը։ Մեղեդային, ռիթմիկ կառուցվածքի և նուրբ ենթագիտակցական, բնազդային հղումների միջոցով Էլիզաբեթը վառվռուն գույներով արտահայտում է կանացի անկախությունն ու զգացմունքայնությունը, ընկալունակությունը, վերահսկողությունը և ունեցած դերը։ Ակնարկներով և նուրբ այլաբանություններով Էլիզաբեթը վառ գույներով, մանրամասն նկարագրում է հասարակության վերնախավի ճոխ զվարճանքները։ - Սթիվեն Փեթիֆոր, անկախ քննադատ
|
|
Ծանոթագրություններ խմբագրել
- ↑ Հայազգի նկարչուհու ստեղծագործությունների ցուցահադնեսը Լոնդոնում
- ↑ «Էլիզաբեթ Ռոմհիլդի վառվռուն գույներով ներաշխարհը». Արխիվացված է օրիգինալից 2016 թ․ մարտի 5-ին. Վերցված է 2016 թ․ փետրվարի 25-ին.