Էլդրիդ Լունդեն
Էլդրիդ Լունդեն (նորվ.՝ Eldrid Lunden; հոկտեմբերի 5, 1940[1], Նյոուսթդալ, Սոգն-օգ-Ֆյուրանե, Նորվեգիա[1]), նորվեգացի գրող և գրական վարպետության պրոֆեսոր։ Գրում է հիմնականում նյունորսկով։ Էլդրիդ Լունդենը հրատարակել է բանստեղծությունների 10 ժողովածու։ Նորվեգացի գրաքննադատները և մամուլը դասել է Լունդենին նորվեգական պոեզիայի ականավոր դեմքերի շարքում[2][3]։ Նրա բանաստեղծությունները իրենց ուրույն տեղն ունեն ժամանակակից նորվեգական գրականության մեջ՝ արժանանալով ինչպես երկրպագուների, այնպես էլ գրաքննադատների ուշադրությանը[2][4]։
Էլդրիդ Լունդեն նորվ.՝ Eldrid Lunden | |
|---|---|
 | |
| Ծնվել է | հոկտեմբերի 5, 1940[1] (84 տարեկան) |
| Ծննդավայր | Նյոուսթդալ, Սոգն-օգ-Ֆյուրանե, Նորվեգիա[1] |
| Մասնագիտություն | բանաստեղծուհի, համալսարանի դասախոս և գրող |
| Լեզու | նյունորսկ |
| Քաղաքացիություն |  Նորվեգիա |
| Կրթություն | Օսլոյի համալսարան |
| Գրական ուղղություններ | մոդեռնիզմ և էքզիստենցիալիզմ |
| Աշխատավայր | Telemark University College?[1] |
| Պարգևներ | |
| Ամուսին | Reidar Ekner? |
 Eldrid Lunden Վիքիպահեստում | |
Էլդրիդ Լունդենի վրա գրական ազդեցություն են ունեցել այնպիսի բանաստեղծուհիներ, ինչպիսին Էդիթ Սյոդերգրանը, և հատկապես Հալդիս Մուրեն Վեսոսը[2], ով ստեղծագործել է նյունորսկով, ինչպես Լունդենը։ Նրա ստեղծագործությունները իրենց վրա կրել են նաև ֆեմինիզմի երկրորդ ալիքը, որը տեղի է ունեցել 1960- 1970 թվականներին։ Նրա ստեղծագործություններում առկա քաղաքական գիծը մշտապես եղել է պրովոկացիոն և քննադատական, ներառյալ նաև բուն ֆեմինիստական շարժմանը ուղղված քննադատությունները[2]։ Իր ստեղծագործություններում, էսսեներում և քննադատություններում Լունդենը մեծապես անդրադառնում է գենդերի հետ կապված խնդիրներին։
Էլդրիդ Լունդենը աշխատել է որպես ուսուցչուհի միջնակարգ դպրոցում և քոլեջում, ինչպես նաև 1982 թվականին իր կողմից հիմնադրված Բեյի գրական վարպետության ակադեմիայում։ Նա տարեբր գրական ամսագրերում զբաղեցրել է խմբագրական պաշտոններ, այդ թվում նաև շվեդական «Café Existens» ամսագրում[2]։
Ծանոթագրություններ
խմբագրել- ↑ 1,0 1,1 1,2 1,3 1,4 1,5 Norsk biografisk leksikon(նորվ.) — Kunnskapsforlaget. — ISSN 2464-1502
- ↑ 2,0 2,1 2,2 2,3 2,4 Langås, Unni. Dialogues in poetry: an essay on Eldrid Lunden. — Bergen: Alvheim & Eide Akademisk Forlag, 2010. — 160 p. — (Scandinavian Women Writers. Vol. 3). — ISBN 82-90359-82-9(չաշխատող հղում)
- ↑ Grip, Johann. I kjent landskap(նորվ.) // Morgenbladet. — 2005. — № от 7 октября.(չաշխատող հղում)
- ↑ Tom Egil Hverven (1 ноября 2005). «Flokken og skuggen» (նորվեգերեն). NRK. Արխիվացված օրիգինալից 2012 թ․ փետրվարի 1-ին. Վերցված է 2011 թ․ հուլիսի 10-ին.
 | Վիքիպահեստն ունի նյութեր, որոնք վերաբերում են «Էլդրիդ Լունդեն» հոդվածին։ |