Էլբրուս Մալումյան

Էլբրուս Հայրապետի Մալումյան (նոյեմբերի 1, 1940(1940-11-01), Կիրովկա, Մառնեուլի շրջան, Վրացական ԽՍՀ, ԽՍՀՄ), հայ նկարիչ։

Էլբրուս Մալումյան
Ծնվել է	նոյեմբերի 1, 1940(1940-11-01) (83 տարեկան)
Ծննդավայր	Կիրովկա, Մառնեուլի շրջան, Վրացական ԽՍՀ, ԽՍՀՄ
Քաղաքացիություն	ԽՍՀՄ
Կրթություն	Փանոս Թերլեմեզյանի անվան գեղարվեստական ուսումնարան (1960)
Մասնագիտություն	նկարիչ

Կենսագրություն

Էլբրուս Մալումյանը ծնվել է 1940 թվականի նոյեմբերի 1-ին Կիրովկա (Վրաստանի Մառնեուլի շրջան) գյուղում։ 1960 թվականին ավարտել է Երևանի գեղարվեստի ուսումնարանը։ 1970 թվականին ավարտել է Լենինգրադի գեղարդյունաբերական բարձրագույն ուսումնարանը։ Աշխատում է հիմնականում գունավոր քարերի, մետաղների վրա։ Ստեղծել է նուրբ, արդիական հնչողությամբ դիմաքանդակներ («Գեներալ Պասկևիչ», 1978, ծովախեցի, Ժամանակակից արվեստի թանգարան, «Վարդան Մամիկոնյան», 1979, խեցի, արծաթ, «Կոմիտաս», 1980-1981 թվականներ, ծեցի, արծաթ, երեքն էլ գտնվում են Ժամանակակից արվեստի թանգարանում, «Վազգեն Ա կաթողիկոս», 1987 (Մեծ Բրիտանիայում բազմացվել է ոսկեդրամների տեսքով)), վզնոցներ («Անահիտ», 1978, փղոսկր, արծաթ, «Ռոմեո և Ջուլիետ», բյուրեղ, արծաթ, «Մայրություն», բյուրեղ, արծաթ, երկուսն էլ՝ 1983), կոմպոզիցիոն քամեոններ (վերնաքանդակ, «Ադամ և Եվա», արծաթ, խեցի, 1989, և այլն),ինտալիոններ (փորաքանդակ, «Տորք Անգեղ», 1987, ապակի, մետաղ, հղկած քար), մանրաքանդակներ («Քրիստոս», 1990, փղոսկր, արծաթ, սև փայտ), կրծքազարդեր և այլն։

Գործերից պահվում են Ժամանակակից արվեստի թանգարանում, Սարդարապատի ազգային, Մոսկվայի Արևելքի ժողովուրդների արվեստի թանգարաններում, Հովհաննես Շարամբեյանի անվան ժողովրդական ստեղծագործության կենտրոնում և այլն։