Էդգար Գյանջումյան

Էդգար Գագիկի Գյանջումյան (ապրիլի 15, 1978(1978-04-15), Երևան, Հայկական ԽՍՀ, ԽՍՀՄ), հայ կոմպոզիտոր։ ՀՀ մշակույթի վաստակավոր գործիչ (2011):

Էդգար Գյանջումյան
Ծնվել է	ապրիլի 15, 1978(1978-04-15) (46 տարեկան) Երևան, Հայկական ԽՍՀ, ԽՍՀՄ
Երկիր	ԽՍՀՄ և  Հայաստան
Մասնագիտություն	կոմպոզիտոր
Կրթություն	Երևանի պետական համալսարան և Երևանի Կոմիտասի անվան պետական կոնսերվատորիա
Պարգևներ	Հայաստանի մշակույթի վաստակավոր գործիչ

Պարուսույց Սուրեն Գյանջումյանի թոռն է, Գագիկ Գյանջումյանի որդին։

Կենսագրություն

1995-1999 թվականներին սովորել է Երևանի պետական համալսարանի կիրառական մաթեմատիկայի ֆակուլտետում։ Զուգահեռ սովորել է «Հրաչյա Աճառյան» համալսարանի միջազգային իրավունքի ֆակուլտետում և Երևանի Կոմիտասի անվան պետական կոնսերվատորիայի կոմպոզիցիայի բաժնում, ավարտել ասպիրանտուրան։ Առաջին անգամ Էդգար Գյանջումյանի հեղինակային ստեղծագործությունը հնչել է 1998 թվականի ապրիլին՝ Հայաստանի հանրային ռադիոյով։ 2004 թվականին ունեցել է երեք մենահամերգ։ Համագործակցել է հայ երգարվեստի մի շարք ներկայացուցիչների հետ՝ Շուշան Պետրոսյան, Նառա, Զարուհի Բաբայան, Նունե Եսայան, Ալլա Լևոնյան և այլք։

Թողարկել է չորս ձայնասկավառակ։ 2008 թվականին ստեղծել է «Օգնեմ» հիմնադրամը, որի նպատակն է օգնել արյան հիվանդությամբ տառապող երեխաներին։

Սկավառակագրություն

• New Century Songbook (2001)

Արտաքին հղումներ

• Բենեֆիս. Էդգար Գյանջումյան