Ալլա Լևոնյան

Ալլա Ժորայի Լևոնյան (հունիսի 26, 1975(1975-06-26), Ավշար, Արարատի շրջան, Հայկական ԽՍՀ, ԽՍՀՄ), հայ երգչուհի, Հայաստանի Հանրապետության վաստակավոր արտիստ (2011)։

Ալլա Լևոնյան
Հիմնական տվյալներ
Ծնվել է	հունիսի 26, 1975 (47 տարեկան) գ. Ավշար, Արարատի շրջան, Հայաստան Ավշար, Արարատի շրջան, Հայկական ԽՍՀ, ԽՍՀՄ
Երկիր	Հայաստան
Մասնագիտություն	երգչուհի
Գործիքներ	վոկալ
Գործունեություն	1993-այժմ
Կրթություն	Երևանի Կոմիտասի անվան պետական կոնսերվատորիա
Պարգևներ
Ala Levonyan Վիքիպահեստում

Կրթություն

1992 թ. ավարտել է Ավշարի միջնակարգ դպրոցը։ 11 տարի սովորել է արվեստի երաժշտական դպրոցի դաշնամուրային բաժնում, հաճախել է Երևանի Գրողների միության «Պիոներ կանչ» թերթի «Բողբոջ» խմբակ։ Դպրոցական տարիներին հաճախել է մանկական կոմպոզիցիայի, երաժշտական, նկարչական, սպորտային խմբակներ։ 2003-2007 թթ. սովորել է Երևանի Կոմիտասի անվան պետական կոնսերվատորիայի ջազ-էստրադային բաժնում։

Ստեղծագործական գործունեությունը

1993 թ. մասնակցել է «Արձագանք» ստուդիայի ամենամսյա «Բոհեմ» մրցույթ-փառատոնին՝ իր հեղինակած «Օտարական» և «Վերադարձիր» երգերով և արժանացել 1-ին մրցանակի։ 1994 թ. իր հեղինակած «Կգտնեմ» երգով մասնակցել է ամենամյա «Ասուպ» մրցույթ-փառատոնին և դարձել մրցանակակիր, որից հետո ընդունվել է Հայաստանի Երգի պետական թատրոն։ 1997-1999 թթ. «Ես եմ», «Հայաստան», «Հոյնար» երգերով մասնակցել է «Այո» մրցույթ-փառատոներին և 3 տարի անընդմեջ հաղթել։ 1999 թվականից ծավալում է համերգային գործունեություն հայրենիքում և արտասահմանում։ Աշխատել է նաև Հայաստանի Հանրային ռադիոյում և ունեցել է սեփական հաղորդումը։

«Պիոներ կանչ» թերթում տպագրվել են նրա բանաստեղծությունները։

ՀՀ ոստիկանությանը կից հասարակական խորհրդի անդամ է։

Սկավառակագրություն

Թողարկել է 5 ձայնասկավառակ և մեկ տեսասկավառակ։ Նկարահանել է շուրջ 17 տեսահոլովակ։

Ալբոմներ

• Հայաստան (2000)
• Մշո աղջիկ (2002)
• Գնամ հասնեմ (2003)
• The Best (2006)
• Մարալ (2006)

Պարգևներ և կոչումներ

• Հայաստանի Հանրապետության վաստակավոր արտիստ (2011)
• «Լավագույն երգչուհի»,
• «Լավագույն ժողովրդական երգչուհի»,
• «Լավագույն երգ, ձայնասկավառակ», և այլն։
• 2008 թ-ից հանդիսանում է ՅՈՒՆԻՍԵՖ-ի Բարի Կամքի դեսպանը Հայաստանում։
• Ֆրիտյոֆ Նանսենի հիմնադրամի շքանշանակիր,
• ՀՀ մշակույթի նախարարության ոսկե մեդալ,
• ՀՀ ՊՆ «Վազգեն Սարգսյան» մեդալ,

Արտաքին հղումներ

• Մեր մեջ ասած - Ալլա Լևոնյան
• Ալլա Լևոնյանը Էյ Վի Փրոդաքշն կայքում