Զիրա
Զիրա (ադրբ.՝ Zirə), քաղաքատիպ ավան Ադրբեջանի Հանրապետության մայրաքաղաք Բաքու քաղաքի Խազարի շրջանում։
| Քաղաքատիպ ավան | |||
|---|---|---|---|
| Զիրա | |||
| ադրբ.՝ Zirə | |||
| Երկիր |  Ադրբեջան | ||
| Բաքու շրջան | Բաքու | ||
| Շրջան | Բաքվի Խազարի շրջան | ||
| Բնակչություն | 12565 մարդ[1] մարդ (2020) | ||
| Ժամային գոտի | UTCUTC+4, ամռանը UTC+5 | ||
| |||
Աշխարհագրություն
խմբագրելԶիրա քաղաքատիպ ավանը գտնվում է Բաքվից 45-46 կիլոմետր դեպի արևելք՝ Աբշերոն թերակղզու Փիրալլահի կղզու մոտ։ Զիրան երեք կողմից՝ հարավային, արևելյան և հյուսիսային, շրջապատված է Կասպից ծովով։ Զիրա ավանի ծովին ամենամոտ մասը հարավային կողմում է։ Զիրայից հյուսիս՝ Աբշերոնի փարոսի մոտ, կառուցվել է «Դամբա» կոչվող բնակավայրը՝ կապված Պիրալլահի (այն ժամանակ՝ Արտյոմ) կղզի տանող ճանապարհի կառուցման հետ։ Կղզում նավթի արդյունահանման ավելացման պատճառով այս բնակավայրը նույնպես մեծացել է և հետագայում վերանվանվել «Գուրգան» ավան։
Բնակչություն
խմբագրելԶիրա ավանի բնակչությունը նախկինում փոքր էր, իսկ բնակչության մի մասը կանոնավոր կերպով բնակվում էր Փիրալլահի և Ջիլո կղզիներում։ Հայրենական մեծ պատերազմից հետո, Զիրայում կոմունալ ծառայությունների ոլորտի ստեղծումից հետո, կղզիներ տեղափոխված բնակչությունը վերադարձել է։ Ներկայումս Զիրա ավանում ապրում է մոտ 14 հազար մարդ[2][3]։