Երևանյան լիճ

Երևանյան լիճ, Երևանյան ծով, Երևանի լիճ, արհեստական ջրամբար Երևանի հարավ-արևմուտքում Հրազդանի կիրճում՝ 908 մ բարձրության վրա։ Մակերեսը 0,65 կմ² է, միջին խորությունը՝ 8 (առավելագույնը՝ 18 մ), ջրի ծավալը՝ 4,8 միլիոն մ³, օգտակարը՝ 0,7 միլիոն մ³։

Երևանյան լիճ
Տեսակ	ջրամբար
Երկիր	Հայաստան
Վարչատարածք	Երևան
ԲԾՄ	908 մետր
Խորություն	8 մետր
Մակերես	0,95 կմ²
Ծավալ	4,8 խորանարդ հեկտոմետր
Ավազանի երկիր	Հայաստան
Լիճ հոսող գետ	Հրազդան
Լճից հոսող գետ	Հրազդան
Ձևավորում	1970

Նպատակ

Կառուցվել է Հրազդանի հոսքը կանոնավորելու և ջրերն օգտագործելու նպատակով։ Պատվարը հողային է՝ երեսպատված երկաթբետոնե սալիկներով, երկարությունը՝ 480 մ, առավելագույն բարձրությունը՝ 29 մ։

Կամրջի դեր է կատարում Երևանի աջափնյա և ձախափնյա շրջանների միջև։

Ոռոգման ջուրը բաց է թողնվում աջ ափին կառուցված հատակային ջրթողքի միջոցով։ Լճի աջ ափի երկարությամբ (364 մ) կառուցվել է խրամատային ջրընդունիչ՝ լողացող մարմինները հեռացնելու նպատակով։ Լճի ափերը մասնակիորեն բետոնապատված են։ Երևանյան լիճը մեծ նշանակություն ունի շրջապատի միկրոկլիմայի և քաղաքային հանգստի գոտու ձևավորման համար։ Կանոնավորվել է Հրազդանի վերին հոսանքի ազատ հոսքը, լճից սկսվում են Էջմիածնի և Փարաքարի ջրանցքները։ Ձմռանը հազվադեպ սառցակալում է։ Լճում կան ձկներ (կողակ, ծածան, կարպ) և խեցգետնազգիներ։

Թռչունները ապրում են լճում։ արծաթափայլ որոր, սպիտակ արագիլ, սև փարփար, բույն դնում է մեծ սուզակ.

Կառուցվել է 1970 թվականին՝ նախկին Նոր Կողբ գյուղի տարածքում։

Ափին գտնվում է Հայաստանում ԱՄՆ դեսպանատունը։

Պատկերասրահ

• 
• 

Արտաքին հղումներ

• «Երևանյան լիճը և Շավարշ Կարապետյանը՝ կենդանի պատմություն». mediamax.am.

Վիքիպահեստն ունի նյութեր, որոնք վերաբերում են «Երևանյան լիճ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 582)։