Երվանդ Քոչարի թանգարան (Երևան)

թանգարան Երևանում

Երվանդ Քոչարի թանգարան, գտնվում է Երևան քաղաքում, բացվել է 1984 թ. հունիսի 22-ին՝ Երվանդ Քոչարի արվեստանոցի հիմքի վրա։ Աշխարհի միայն երկու թանգարանում կարելի է տեսնել Քոչարի տարածական նկարներից՝ Երվանդ Քոչարի և Փարիզի Ժ. Պոմպիդու կենտրոնում։ Երվանդ Քոչարի թանգարանը տարածաշրջանում պատմական ավանգարդի ուսումնասիրման և հանրահռչակման կարևոր կենտրոն է հանդիսանում։

Երվանդ Քոչարի թանգարան
Yervand Kochar Museum 1.jpg
Տեսակհուշային թանգարան
ԵրկիրՀայաստան
ՏեղագրությունԵրևան և Կենտրոն վարչական շրջան
ՎայրԵրևան
Մասն էԲնակելի տուն
ՀասցեՄաշտոցի 39/12, Երևան, Հայաստանի Հանրապետություն և Mesrop Mashtots Avenue 39/12, Yerevan, ArmeniaՄաշտոցի պողոտա
Հիմնադրված է1984
ՏնօրենԿարինե Քոչար
Կայքkochar.am

ՊատմությունԽմբագրել

Թանգարանի շենքը գտնվում է բնակելի շենքի առաջին հարկում, ուր նկարիչն ապրել և ստեղծագործել է 1946-1959 թթ., հետագայում թանգարանին ավելացվել է 3 սրահներ, որտեղ էլ ցուցադրված է արվեստագի «Թիֆլիսյան», «Փարիզյան», «Երևանյան» շրջանների ստեղծագործություններ՝ գրաֆիկական, գեղանկարչական աշխատանքներ, քանդակներ, սեղմումով գործեր, մոնումենտալ քանդակների պլանշետներ, մանրակերտեր, ինչպես նաև բացառիկ արժեքավոր փաստաթղթեր[1]։

2001թ. թանգարանը ենթարկվել է հիմնանորոգման։

Թանգարանը իրականացնում է 5 լեզուներով էքսկուրսիաներ՝ Հայերեն, ռուսերեն, անգլերեն, գերմաներեն, ֆրանսերեն։

Թանգարանում կազմակերպվում են դասախոսություններ, շնորհանդեսներ, համերգներ, ցուցահանդեսներ։

Թանգարանի երկրորդ հարկի սրահում 2017թ. ապրիլ ամսից գործում է «Քոչար» արվեստի ստուդիան։ Ստուդիան իրականացնում է իր հիմնական գործունեությունը, որտեղ հաշվի են առնվում տարիքային առանձնահատկություններին համապատասխան չափորոշային պահանջները և հենքային ուսումնական պլանով նախատեսված ժամաքանակի բաշխումը։ Դասընթացն իրականացվում է երկու հիմնական փուլերով՝ նկարչություն կամ ապլիկացիա և արվեստի պատմություն։ Կարևորվում է Գունանկարչությունը, քանի որ այն շրջապատող իրականության գունային բազմազանության հարստության և ներդաշնակության ընկալման և պատկերման միջոց է։ Իսկ արվեստի պատմություն՝ արվեստի բնագավառից տեսական գիտելիքների ձեռքբերման և ընդհանուր աշխարհայացքի ընդլայնման միջոց է։ Աշակերտները ծանոթանում են կերպարվեստի ժանրերին, ուղղություններին նրանց առանձնահատկություններին, ծանոթանում հայտնի արվեստագետների ստեղծագործական ուղուն։

ՄիջոցառումներԽմբագրել

Թանգարանն իրականացնում է տարաբնույթ միջոցառումներ որոնցով փորձ է արվում հանրահռչակել Երվանդ Քոչարի արվեստը։ Թանգարանը իրականացնում է նաև մի շարք արտագնա էքսկուրսիաներ։

Թանգարանի տնօրեններԽմբագրել

Թանգարանի տնօրենն է Կարինե Քոչարը։

ՊատկերասրահԽմբագրել

ԾանոթագրություններԽմբագրել

  1. «Երվանդ Քոչարի թանգարան»։ Արխիվացված է օրիգինալից 2016-03-05-ին։ Վերցված է 2010-08-20 

Արտաքին հղումներԽմբագրել

  Հայաստանի պատմության և մշակույթի անշարժ հուշարձան, օբյեկտ № 1.6/41.1