Երեսնակ դեղատու

Երեսնակ դեղատու
Երեսնակ դեղատու
Դասակարգում
Թագավորություն	Բույսեր (Plantae)
Կարգ	Վարդածաղկավորներ (Rosales)
Ընտանիք	Վարդազգիներ (Rosaceae)
Ենթաընտանիք	Վարդայիններ (Rosoideae)
Տրիբա	Sanguisorbeae
Ենթատրիբա	Agrimoniinae
Ցեղ	Agrimonia
Տեսակ	Երեսնակ դեղատու (A. eupatoria)
Միջազգային անվանում
Agrimonia eupatoria L., 1753

Երեսնակ դեղատու (լատին․՝ Agrimonia eupatoria), դժնիկազգիների ընտանիքին պատկանող դեղաբույս։

Նկարագրություն

Հաստ կոճղարմատով և ուղղաձիգ պարզ ցողունով բազմամյա խոտաբույս է, որի բարձրությունը 30-120 սմ է։ Կոթունավոր, ընդհատ փետրաձև տերևները անհարթ մակերեսով են։ Առանձին տերևիկները ձվաձև են, ատամնեզր, վերին մակերեսը մուգ կանաչ է, ստորինը՝ սպիտակավուն և խիտ մազիկներով ծածկված։ Ցողուների գագաթներին՝ հասկանման ծաղկաբույլերում, հավաքված են հնգանդամ, ոսկեգույն-դեղին պսակաթերթիկներով ծաղիկները։ Կարթաձև փշերով պատված պտուղները սերմիկներ են։

Տարածվածություն

Աճում է ստորին լեռնային գոտու մարգագետիններում, անտառաեզրերին, թփուտներում, ճանապարհների եզրերին, դաշտերում։ Հանդիպում է Հայաստանի բոլոր մարզերում։ Մեղրատու բույս է։

Նշանակություն

Բուժական նպատակներով օգտագործում են երեսնակի վերգետնյա մասը, ծաղիկներն ու արմատները։ Օգտագործում են նաև որպես ներկանյութ բրդյա իրերն ու գործվածքները ոսկեգույն-դեղին ներկելու համար։

Պատկերասրահ

• 
• 
• 
• 
• 
• 
• 

Ծանոթագրություններ

Վիքիցեղերն ունի նյութեր, որոնք վերաբերում են «Երեսնակ դեղատու» հոդվածին։

Վիքիպահեստն ունի նյութեր, որոնք վերաբերում են «Երեսնակ դեղատու» հոդվածին։