Եղնիթափա
Եղնիթափա, գյուղ Արևմտյան Հայաստանում, Էրզրումի վիլայեթի Ալաշկերտի գավառակում[1]։ Գտնվում է Էրզրում տանող ճանապարհից հյուսիս` հարթավայրի վրա։
Գյուղ | |
---|---|
Եղնիթափա | |
Վարչական տարածք | Արևմտյան Հայաստան |
Վիլայեթ | Էրզրումի վիլայեթ |
Գավառակ | Ալաշկերտի գավառակ |
Այլ անվանումներ | Եզնեթեփե, Եխինթափա, Եխնաթափա, Եխնիթափա, Եխնիթեփե, Եղնաթափա, Եղնի, Ենգի, Ենկիթեփե, Էխնթափե, Էղնթափե, Էղնթեփե, Յաղնիթափա, Յանգիթափա |
Պաշտոնական լեզու | Հայերեն |
Ազգային կազմ | Հայեր (մինչև Մեծ եղեռնը) |
Կրոնական կազմ | Քրիստոնյա (մինչև Մեծ եղեռնը) |
Ժամային գոտի | UTC+3 |
Պատմություն խմբագրել
Ըստ ոմանց գյուղը նույնն է, ինչ-որ Կորյունի, Փավստոս Բուզանդի, Մեսրոպ Մաշտոցի և այլոց նկարագրած Բագրևանդ գավառի Բլուր գյուղը, որի ավերակները գտնվում էին գյուղ մոտ` Բլուր հնավայրում։
1822 թվականին 300 հայ ընտանիք գերի էին տարվել Պարսկաստան։ Գյուղը 25-30 տարի մնացել էր ամայի, իսկ ապա նորից վերաբնակեցվել էր։
1915 թվականի Մեծ եղեռնի ժամանակ բնակիչները գաղթել են Արևելյան Հայաստան։
Բնակչություն խմբագրել
Գյուղը հայաբնակ էր։ XIX դարի վերջին ուներ 76 տուն, իսկ 1914-1915 թվականներին 100 տուն հայ ընտանիք։
Տնտեսություն խմբագրել
Բնակչության հիմնական զբաղմունքը անասնապահություն, երկրագործությունն էր։ Մասնակիորեն զբաղվում էին նաև արհեստներով։ Գյուղն ուներ 2 ձիթհանք և մի բրուտագործական արհեստանոց։
Պատմամշակութային արժեքներ խմբագրել
Եղնիթափայի արևմտյան կողմում գտնող Բլուր հնավայրը համարվում էր ուխտատեղի։ Այնտեղ կային զանազան ավերակներ և 3 հայկական գերեզմանոց[2]։
Տես նաև խմբագրել
Ծանոթագրություններ խմբագրել
- ↑ «Կարինի նահանգի Բայազետի գավառ». Վերցված է 2015 ապրիլի 14-ին.
- ↑ «Հայաստանի և հարակից շրջանների տեղանունների բառարան», հտ 2, էջ 191
Աղբյուրներ խմբագրել
- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն