Դոնեցկի դելֆինարիում
Դոնեցկի «Նեմո» քաղաքային դելֆինարիում, գտնվում է Դոնեցկի Շերբակով զբոսայգում։ Բացվել է 2009 թվականի դեկտեմբերի 19-ին, գործում է ամբողջ տարին։ Դելֆինարիումը գտնվում է «Նեմո» մշակութա-առողջարանային համալիրների ազգային ցանցի կազմում, որը ներառում է 5 դելֆինարիում Բերդյանսկում, Դոնեցկում, Կիևում, Օդեսսայում և Խարկովում։ Դելֆինարիումից բացի Դոնեցկի քաղաքային դելֆինարիումը ներառում է նաև օվկիանարիում և դելֆինոթերապիայի կենտրոն։
![](http://upload.wikimedia.org/wikipedia/commons/thumb/d/d3/%D0%9F%D0%B0%D1%80%D0%BA_%D0%A9%D0%B5%D1%80%D0%B1%D0%B0%D0%BA%D0%BE%D0%B2%D0%B0_026.jpg/220px-%D0%9F%D0%B0%D1%80%D0%BA_%D0%A9%D0%B5%D1%80%D0%B1%D0%B0%D0%BA%D0%BE%D0%B2%D0%B0_026.jpg)
Դելֆինարիումի հիմնական նպատակներից է բնապահպանության վերաբերյալ գաղափարների պրոպագանդան և ջրային կաթնասունների մասին գիտելիքների և տեղեկությունների հանրայնացումը։ Ամեն օր՝ օրական 3 անգամ, անցկացվում են շոուներ սևծովյան Աֆալինա դելֆինների, հարավամերիկյան ծովափոկերի և հարավային ծովառյուծների մասնակցությամբ։ Շոու ներկայացումներից բացի Դոնեցկի «Նեմո» դելֆինարիումում կա նաև դելֆինների հետ լողալու և դայվինգի հնարավորություն։ Նաև անցկացվում են դելֆինոթերապիայի սեանսներ, որը ֆունկցիոնալ խանգարումներ ունեցող երեխաների համար ոչ դեղորայքային բուժման և վերականգնման ամենաէֆեկտիվ միջոցներից է։
Ուկրաինայի արևելյան հատվածում զինված հակամարտության բռնկման պատճառով 2014 թվականի օգոստոսին Դոնեցկի «Նեմո» քաղաքային դելֆինարիումը դադարեցրեց այցելուների ընդունելությունը, իսկ երկու դելֆինները և երկու ծովափոկերը տեղափոխվեցին Խարկովի դելֆինարիում[1][2]։
2016 թվականի նոյեմբերի 24-ի գիշերը դելֆինարիումում բռնկվեց հրդեհ, ինչը Դոնեցկի ժողովրդական հանրապետության կառավարության պնդմամբ առաջացել էր կարճ միացման հետևանքով[3]։
Ծանոթագրություններ
խմբագրելԱրտաքին հղումներ
խմբագրել- Դելֆինարիումի պաշտոնական կայք Արխիվացված 2018-03-19 Wayback Machine
- «Հրդեհ «Նեմո» դելֆինարիումում». Արխիվացված է օրիգինալից 2018 թ․ ապրիլի 6-ին. Վերցված է 2018 թ․ մարտի 22-ին.