Դիմիտր Օվչարով
Դիմիտր Սավով Օվչարով (բուլղար․՝ Димитър Савов Овчаров, ապրիլի 28, 1931[1], Սոֆիա, Բուլղարիայի թագավորություն - մայիսի 23, 2013, Սոֆիա, Բուլղարիա), բուլղարացի հնագետ և արվեստագետ, որն զբաղվել է միջնադարյան պատմության, հնագիտության, արվեստի ու մշակույթի ուսումնասիրությամբ։ Ղեկավարել է հնագիտական արշավախմբեր Պրեսլավում ու Պլիսկայում։
Դիմիտր Օվչարով բուլղար․՝ Димитър Овчаров | |
|---|---|
| Ծնվել է | ապրիլի 28, 1931[1] Սոֆիա, Բուլղարիայի թագավորություն |
| Մահացել է | մայիսի 23, 2013 (82 տարեկան) Սոֆիա, Բուլղարիա |
| Գերեզման | Սոֆիայի կենտրոնական գերեզմանատուն |
| Քաղաքացիություն |  Բուլղարիա |
| Մասնագիտություն | հնագետ |
| Գործունեության ոլորտ | Միջնադար[2] |
| Պաշտոն(ներ) | թանգարանի տնօրեն |
| Ալմա մատեր | Սոֆիայի համալսարանի պատմության ֆակուլտետ և Սոֆիայի համալսարան |
| Տիրապետում է լեզուներին | բուլղարերեն[3] |
Դիմիտր Օվչարովի որդին է հնագետ Նիկոլայ Օվչարովը, որը միջնադարյան պատմության մասնագետ է։
Կենսագրություն խմբագրել
Դիմիտր Օվչարովը ծնվել է 1931 թվականի ապրիլի 28-ին Սոֆիա քաղաքում։ Սովորել է Սոֆիայի համալսարանի պատմության ֆակուլտետի հնագիտության բաժնում։ Համալսարանն ավարտել է 1956 թվականին։ 1956 թվականից մինչև 1959 թվականը Դիմիտր Օվչարովն աշխատել է Վելիկո Տիռնովոյի պատմության շրջանային թանգարանի «Վերածնունդ» բաժանմունքում։ 1960 թվականին դարձել է Տիրգովիշտե քաղաքում գտնվող շրջանային թանգարանի տնօրեն[4]։ Դիմիտր Օվչարովն ու նրա կինը՝ Մարիան, եղել են Տիրգովիշտեում թանգարանային գործի հիմնադիրները՝ թանգարանը դարձնելով մշակութային առանձին ինստիտուտ։ 1968-1974 թվականներին Դիմիտր Օվչարովը՝ որպես գիտական աշխատակից, աշխատել է Սոֆիայի Ռազմա-պատմական ազգային թանգարանում, իսկ 1974-2001 թվականներին եղել է ավագ գիտաշխատող Հնագիտական թանգարանում ու Բուլղարիայի գիտությունների ակադեմիայի թանգարանում (1983-1993 թվականներին՝ միջնադարյան հնագիտության բաժնի ղեկավար)։ 20 տարի Դմիտրի Օվչարովը եղել է «Հնաբանություն» ամսագրի խմբագիր (1993-2001 թվականներին եղել է ամսագրի գլխավոր խմբագիրը)։ 2003 թվականից մինչև իր կյանքի վերջը Դիմիտր Օվչարովը եղել է «Паметници Реставрация Музеи» ամսագրի խմբագրական խորհրդի անդամ։ 1992-1993 թվականներին նա եղել է Հնագիտության ազգային ինստիտուտի տնօրեն։
Դիմիտր Օվչարովն զբաղվել է միջնադարյան պատմության, հնաբանության, արվեստի ու մշակույթի ուսումնասիրությամբ։ Ընդհանուր հնագիտություն, հին բուլղարական մշակույթ և կրոն, միջնադարյան արվեստ է դասավանդել Սոֆիայի համալսարանում, Սլավոնական համալսարանում, Նոր բուլղարական համալսարանում և Գեղարվեստի ազգային ակադեմիայում։ 2011 թվականի նոյեմբերի 4-ին Դիմիտր Օվչարովն ստացել է Տիրգովիշտեի պատվավոր քաղաքացու կոչում[5][6]։
Դիմիտր Օվչարովը մահացել է երկարատև հիվանդությունից հետո՝ 2013 թվականի մայիսի 23-ին, Սոֆիայում[7]։
Մատենագրություն խմբագրել
- Ранновизантийска култура по българските земи IV — VI век, 2008, ISBN 9789545167935
- Fünfzehn Schätze aus bulgarischen Ländern, 2003, ISBN 9549308081
- Кракра Пернишки в битка за България, 2005, ISBN 9549942805
- Петнадесет съкровища от българските земи, 2003, ISBN 9549308049
Ծանոթագրություններ խմբագրել
- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Czech National Name Authority Database as Linked Data, Báze národních jmenných autorit v podobě propojených dat
- ↑ Identifiants et Référentiels (ֆր.) — ABES, 2011.
- ↑ Археолозите откриха антилопа край Търговище Արխիվացված 2015-09-24 Wayback Machine, 12 септември 2014 г.
- ↑ Диляна Стойчева, Проф. Димитър Овчаров стана "Почетен гражданин на Търговище", Дарик Шумен, 28 април 2011 г.
- ↑ Асоциация НАЯ обучава безработни жени от област Търговище как да се пазят от трафик на хора Արխիվացված 2015-09-24 Wayback Machine, 18 септември 2014 г.
- ↑ Почина известният учен археолог проф. Димитър Овчаров, mediapool.bg, 23.05.2013 г.