Դեղագործը (նկար)
«Դեղագործը» (իտալ.՝ Il farmacista), իտալացի նկարիչ, ժանրային գեղանկարչության կարկառուն ներկայացուցիչ Պիետրո Լոնգիի նկարներից։ Այս ստեղծագործությունը հեղինակը վրձնել է մոտավորապես 1752 թվականին։ Յուղաներկով կտավի չափերն են 59 × 48 սմ։ Այսօր «Դեղագործը» ստեղծագործությունը պահպանվում և ցուցադրվում է Ակադեմիայի պատկերասրահում (Վենետիկ, Իտալիա)։
 | |
|---|---|
 | |
| տեսակ | գեղանկար |
| նկարիչ | Պիետրո Լոնգի |
| տարի | մոտ 1752 |
| բարձրություն | 59 սանտիմետր |
| լայնություն | 48 սանտիմետր |
| նյութ | կտավ |
| գտնվում է | Ակադեմիայի պատկերասրահ |
| հավաքածու | Ակադեմիայի պատկերասրահ |
| կայք | |
Ծանոթագրություններ | |
Նկարագիր
խմբագրելՊիետրո Լոնգին «Դեղագործը» ստեղծագործությունում պատկերել է դեղագործի կրպակ։ Դիմացի պատի ամբողջ տարածությունում պատկերված են պահարաններ, որոնց մեջ փոքրիկ կերամիկական և ապակե անոթներ են՝ դեղորայքի և էսենցիաների համար նախատեսված, որոնք կանոնավոր կերպով շարված են դարակներում։ Առաջին պլանում Լոնգին նկարել է դեղագործին, որը հետազոտում է մի կնոջ։ Վերջինս, ըստ էության, տառապում է ատամնացավից։ Ծերունի գրագիրը դեղատոմս է գրում աջ կողմում տեղադրված փոքրիկ սեղանի վրա։ Ներքևի ձախ անկյունում աշակերտն է պատկերված, ով ծնկաչոք հետևում է կաթսային, որում, ըստ երևույթին, ինչ-որ մի եփուկ է պատրաստվում։ Հիվանդ կնոջ հետևում հեղինակը երկու անձանց է վրձնել, որոնք համբերատար սպասում են հետազոտվելու իրենց հերթին։
Պատմություն
խմբագրելԵնթադրվում է, որ Լոնգիի համար որպես նախատիպար է ծառայել Կիոջա դեղատունը, որը ղեկավարում էին նկարի սեփականատերերը, ում պատկերները նկարված է դեղատան պատին։ Ի դեպ այդ նկարի իրական հեղինակը Անտոնիո Բալեստրան է (1666-1740), և նկարը կոչվում է «Սուրբ ծնունդ». այսօր այն պահպանվում է վենետիկյան անձնական հավաքածուներից մեկում։
«Դեղագործը» ստեղծագործությունում վառ արտահայտված է հեղինակի ժանրային գեղանկարչության նկատմամբ յուրահատուկ մոտեցումը։ Այստեղ Պիետրո Լոնգիի նուրբ հումորի զգացումն է երևում։
Գրականություն
խմբագրել- «Галерея Академии. Венеция». Под ред. Лучии Импеллузо. = Gallerie Dell'accademia: Venezia. — /Пер. с ит. — М.: БММ, 2006. — 160 с. — (Великие музеи мира). — 3000 экз. — ISBN 5-88353-246-2
- Н. Неташвілі, Л. Чечик. ТОМ 14. // «Галерея Академії. Венеція». — К.: ПрАТ «Комсомольська правда - Україна», 2012. — P. 10. — 96 p. — («Великі музеї світу»). — 7000 экз. — ISBN 978-966-2492-95-8
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Դեղագործը (նկար) կատեգորիայում։ |