Դարյա Դմիտրիևա
Դարյա Եվգենևնա Դմիտրիևա (ռուս.՝ Дарья Евгеньевна Дмитриева, օգոստոսի 9, 1995[1], Տոլյատի, Սամարայի մարզ, Ռուսաստան), ռուս հանդբոլիստուհի, փլեյմեյքեր[2][3], Մոսկվայի ԲԿՄԱ ակումբի և Ռուսաստանի հավաքականի խաղացող[4]։ 2016 թվականի Օլիմպիական խաղերի չեմպիոն, 2018 թվականի ԵՎրոպայի առաջնության արծաթե մեդալակիր, Եվրոպայի մինչև 17 և 9 տարեկան աղջիկների առաջնության չեմպիոն (2011 և 2013 թվականներ), աշխարհի փոխչեմպիոն մինչև 18 և 21 տարեկան աղջիկների առաջնություններում (2012 և 2014 թվականներ)։ Ռուսաստանի սպորտի վաստակավոր վարպետ[5]։
Դարյա Դմիտրիևա | |
---|---|
Անձնական տեղեկություն | |
Սեռ՝ | իգական |
Մասնագիտացում՝ | հանդբոլիստ |
Երկիր՝ | Ռուսաստան |
Ծննդյան ամսաթիվ՝ | օգոստոսի 9, 1995[1] (28 տարեկան) |
Ծննդավայր՝ | Տոլյատի, Սամարայի մարզ, Ռուսաստան |
Ակումբ՝ | WHC Lada Togliatti?, Dinamo Volgograd?, WHC Lada Togliatti? և HBC CSKA Moscow? |
181 սանտիմետր | |
Քաշ՝ | 74 կիլոգրամ |
Կարիերա
խմբագրելԴարյա Դմիտրիևան ծնվել է 1995 թվականի օգոստոսի 9-ին Տոլյատիում։ Հանդբոլով զբաղվել սկսել է յոթ տարեկանում, առաջին մարզիչը եղել է Նինա Բոյկոն (Սավինովա)։
Դարյա Դմիտրիևան մարզվել է «Լադա» ակումբի կազմում մարզիչ Իրինա Կոսի գլխավորությամբ, 2009 թվականին տեղափոխվել է Վոլգոգրադ և դարձել «Դինամո» ակումբի խաղացող[2][6]։ «Դինամոյի» կազմում հաղթել է Ռուսաստանի առաջնություններում 2012, 2013 և 2014 թվականներին։ 2015 թվականին վերադարձել է «Լադա»[7] և նրա հետ 2016 թվականին դարձել է Ռուսաստանի առաջնության բրոնզե մեդալակիր[2]։
2011 թվականին Չեխիայում Դարյա Դմիտրիևան հաղթել է Եվրոպայի պատանեկան առաջնությունում (մինչև 17 տարեկաններ), 2012 թվականին դարձել է աշխարհի մինչև 18 տարեկան աղջիկների առաջնության արծաթե մեդալակիր Չեռնոգորիայում, 2013 թվականին նվաճել Եվրոպայի չեմպիոնի տիտղոսը (մինչև 19 տարեկաններ) Դանիայում և ընդգրկվել մրցաշարի խորհրդանշական հավաքականում[8], իսկ 2014 թվականին՝ աշխարհի երիտասարդական առաջնության (մինչև 21 տարեկաններ) արծաթե մեդալակիր Խորվաթիայում[2][6]։ 2013/2014 մրցաշրջանի արդյունքներով՝ Դարյա Դմիտրիևան զբաղեցրել է երկրորդ տեղը լավագույն փլեյմեյքերների ցանկում Handball-Planet.com կայքի վարկածով՝ զիջելով միայն աշխարհի չեմպիոն բրազիլուհի Դեբորա Նունեսին[9]։
2016 թվականին Դարյա Դմիտրիևան Ռուսաստանի հավաքականի կազմում մասնակցել է Ռիո դե Ժանեյրոյում անցկացվող Ամառային օլիմպիական խաղերին՝ նվաճելով ոսկե մեդալ։ Մրցաշարում Դարյան մասնակցել է թիմի բոլոր ութ խաղերին՝ նետելով 28 գնդակ։
Դարյա Դմիտրիևան մասնակցել է 2014 թվականի (14-րդ տեղ), 2016 թվականի (7-րդ տեղ) և 2018 թվականի (արծաթե մեդալ) Եվրոպայի առաջնություններին, 2015 (5-րդ տեղ) և 2017 (5-րդ տեղ) թվականների աշխարհի առաջնություններին։
2019/20 մրցաշրջանից առաջ Դարյա Դմիտրիևան տեղափոխվել է Մոսկվայի ԲԿՄԱ, որը կազմավորվել էր 2019 թվականի ամռանը։ 2019 թվականի օգոստոսի 17-ին իր նոր թիմի՝ Դանիայում անցկացվող նախամրցաշրջանային հավաքներում Դարյա Դմիտրիևան «Էսբերգ» ակումբի դեմ ընկերական խաղում ստացել է աքիլեսյան ջլի ամբողջական պատռվածք։ Հաջորդ օրը Դարյան վիրահատվել է Շվեյցարիայում նորագույն տեխնոլոգիաների օգտագործմամբ, իսկ ապաքինման համար նախատեսվել է մինչև վեց ամիս ժամանակահատված[10][11], ինչի պատճառով նա ստիպված է եղել բաց թողնել 2019 թվականի աշխարհի առաջնությունը, որն անցկացվել է Ճապոնիայում։
Անձնական կյանք
խմբագրելԴարյա Դմիտրիևայի ամուսինը՝ Իգորը, նույնպես մարզիկ է (ջրագնդակ)։
Դարյա Դմիտրիևան սովորել է Վոլգոգրադի ճարտարապետաշինարարական պետական համալսարանում։ Սպորտում նրա կուռքը հունգարացի հանդբոլիստ Անիտա Գյորբիցն է[2]։
Ձեռքբերումներ
խմբագրելԹիմային
խմբագրել- 2016 թվականի օլիմպիական չեմպիոն
- Եվրոպայի առաջնության արծաթե մեդալակիր (2018)
- Եվրոպայի մինչև 17 տարեկան աղջիկների առաջնության հաղթող – 2011
- Եվրոպայի մինչև 19 տարեկան աղջիկների առաջնության հաղթող – 2013[12]
- Աշխարհի մինչև 18 տարեկան աղջիկների առաջնության փոխչեմպիոն – 2012
- Աշխարհի մինչև 21 տարեկան աղջիկների առաջնության փոխչեմպիոն – 2014
- Ռուսաստանի չեմպիոն – 2012, 2013, 2014
- ԵՀՖ գավաթակիրների գավաթի խաղարկության կիսաեզրափակչի մասնակից – 2011/2012
- Ռուսաստանի առաջնության բրոնզե մեդալակիր – 2016
- Ռուսաստանի առաջնության արծաթե մեդալակիր – 2017, 2018, 2019
- Եվրոպայի պատանեկան առաջնության չեմպիոն – 2011
- Աշխարհի պատանեկան առաջնության արծաթե մեդալակիր – 2012
- Եվրոպայի երիտասարդական առաջնության չեմպիոն – 2013
- Աշխարհի երիտասարդական առաջնության արծաթե մեդալակիր – 2014
Անհատական
խմբագրել- 2016 թվականի Օլիմպիական խաղերի լավագույն փլեյմեյքեր
- Եվրոպայի մինչև 19 տարեկան աղջիկների առաջնության բոլոր աստղերի հավաքականի խաղացող – 2013 (փլեյմեյքեր)
Ելույթներ հավաքականում
խմբագրելՏարի | Հավաքական | Մրցաշար | Տեղ | Խ | Գ | Ն | Միջ. | % | |
2014 | Ռուսաստան | ԵԱ | 14 | 3 | 10 | 16 | 3,3 | 63 | |
2015 | Ռուսաստան | ԱԱ | 5 | 9 | 20 | 41 | 2,2 | 49 | |
2016 | Ռուսաստան | ՕԽ | 8 | 28 | 52 | 3,5 | 54 | ||
2016 | Ռուսաստան | ԵԱ | 7 | 6 | 21 | 36 | 3,5 | 58 | |
2017 | Ռուսաստան | ԱԱ | 5 | 7 | 23 | 39 | 3,3 | 59 | |
2018 | Ռուսաստան | ԵԱ | 8 | 30 | 51 | 3,7 | 59 | ||
2020 | ԵԱ | 5 | 7 | 28 | 50 | 4,0 | 56 |
Պարգևներ
խմբագրել- Բարեկամության շքանշան (25 օգոստոսի, 2016 թվական) – 2016 թվականին Ռիո Դե Ժանեյրոյի 31-րդ Օլիմպիական խաղերում մարզական բարձր արդյունքների, հաղթանակի նկատմամբ կամ և նպատակասլացություն ցուցաբերելու համար[13]
- «Հայրենիքին մատուցած ծառայությունների համար» I աստիճանի շքանշան (11 օգոստոսի 2021 թվական) – հայրենական սպորտի զարգացման գործում ունեցած մեծ ավանդի, սպորտային բարձր նվաճումների, հաղթանակի նկատմամբ կամքի, տոկունության ու նպատակասլացության համար, որ ցուցաբերվել են 2020 թվականի XXXII Օլիմպիական խաղերում Տոկիո քաղաքում (Ճապոնիա)[14]։
Ծանոթագրություններ
խմբագրել- ↑ 1,0 1,1 https://www.olympedia.org/athletes/131582
- ↑ 2,0 2,1 2,2 2,3 2,4 «Дмитриева Дарья Евгеньевна» (ռուսերեն). ГК «Лада» (Тольятти). Վերցված է 2016 թ․ հուլիսի 17-ին.
- ↑ «Daria Dmitrieva» (անգլերեն). Եվրոպայի հանդբոլի ֆեդերացիա. Արխիվացված է օրիգինալից 2016 թ․ մարտի 7-ին. Վերցված է 2016 թ․ հուլիսի 17-ին.
- ↑ «2014 European Championship Roster» (PDF) (անգլերեն). Եվրոպայի հանդբոլի ֆեդերացիա. Արխիվացված է օրիգինալից (PDF) 2016 թ․ մարտի 4-ին. Վերցված է 7 декабря 2014-ին.
- ↑ «ПРИКАЗ «О ПРИСВОЕНИИ ПОЧЕТНОГО СПОРТИВНОГО ЗВАНИЯ „ЗАСЛУЖЕННЫЙ МАСТЕР СПОРТА РОССИИ"»». Արխիվացված է օրիգինալից 2017 թ․ հոկտեմբերի 11-ին. Վերցված է 2020 թ․ ապրիլի 2-ին.
- ↑ 6,0 6,1 «The rising stars of the Women's EHF EURO: Anna Vyakhireva and Daria Dmitrieva» (անգլերեն). Եվրոպայի հանդբոլի ֆեդերացիա. 1 августа 2013. Արխիվացված է օրիգինալից 2017 թ․ հունվարի 6-ին. Վերցված է 2020 թ․ ապրիլի 2-ին.
- ↑ Игорь Гречушников (10 августа 2015). «Со знаком «плюс»». Пресс-центр ГК "ЛАДА" (ռուսերեն). ГК «Лада» (Тольятти). Վերցված է 2016 թ․ հուլիսի 17-ին.
- ↑ Kåre Welinder (11 августа 2013 19:09). «To danskere på All Star-hold» (դանիերեն). Hbold.dk. Արխիվացված է օրիգինալից 2016 թ․ սեպտեմբերի 16-ին. Վերցված է 2016 թ․ հուլիսի 17-ին.
- ↑ «World Best Young Female Playmaker 2013/2014». Handball-Planet. 2014 թ․ մայիսի 22.
- ↑ «Дарья Дмитриева пропустит около 6 месяцев». Сайт ПГК ЦСКА. 18 августа 2019.
- ↑ «Капитан сборной России по гандболу Дмитриева пропустит чемпионат мира». sportbox.ru. 18 августа 2019.
- ↑ «RUSSIA WIN WOMEN'S 17 EURO» (ռուսերեն). Եվրոպայի հանդբոլի ֆեդերացիա. 04.07.2011, 19:25. Արխիվացված է օրիգինալից 2016 թ․ օգոստոսի 9-ին. Վերցված է 2016 թ․ հուլիսի 17-ին.
- ↑ Указ Президента Российской Федерации от 25.08.2016 № 429 «О награждении государственными наградами Российской Федерации»
- ↑ Указ Президента Российской Федерации от 11 августа 2021 года № 463 «О награждении государственными наградами Российской Федерации»
Վիքիպահեստն ունի նյութեր, որոնք վերաբերում են «Դարյա Դմիտրիևա» հոդվածին։ |