Դավիթ Գաբաիձե
Դավիթ Գաբաիձե (վրաց.՝ დავით გაბაიძე, օգոստոսի 10, 1980, Խուլո, Աջարիա, Վրաստան), վրացի քաղաքական գործիչ, որը 2016 թվականի նոյեմբերի 28-ից զբաղեցնում է Աջարիայի ինքնավար հանրապետության Գերագույն խորհրդի նախագահի պաշտոնը։ 2015 թվականից Եվրոպական տարածաշրջանների ասամբլեայի (AER) տարածաշրջանային փորձագետ, իսկ 2016 թվականից՝ Վրաստանի պետական սահմանադրական հանձնաժողովի անդամ։
| Դավիթ Գաբաիձե վրաց.՝ დავით გაბაიძე | |
|---|---|
 | |
| Ծնվել է | օգոստոսի 10, 1980 (43 տարեկան) |
| Ծննդավայր | Խուլո, Աջարիա, Վրաստան |
| Կրթություն | Բաթումի համալսարան |
| Մասնագիտություն | քաղաքական գործիչ |
| Կուսակցություն | Վրացական երազանք |
Ստորագրություն | |
2022 թվականից Գրիգոլ Ռոբակիձեի համալսարանի իրավագիտության ֆակուլտետի դասախոս է։
Կարիերա
խմբագրելԴավիթ Գաբաիձեն ծնվել է Վրաստանի Խուլո քաղաքատիպ ավանում։ 2002 թվականին ավարտել է Շոթա Ռուսթավելու անվան Բաթումի պետական համալսարան՝ ստանալով իրավունքի ոլորտում մագիստրոսի աստիճան։ Սովորել է նաև Գրիգոլ Ռոբակիձեի համալսարանի ասպիրանտուրայում։ 2004-2005 թվականներին հանձնել է փաստաբանների և դատավորների համար նախատեսված ընդհանուր մասնագիտացման որակավորման քննությունը, իսկ 2013 թվականին՝ քաղաքացիական և վարչական իրավունքի ուղղությամբ դատավորների որակավորման քննությունը։ Մի շարք գիտական հոդվածների հեղինակ է։
2002 թվականից դասավանդել և վարչական իրավունքի ու վարչական ընթացակարգերի թեմաներով դասախոսություններ է կարդում Շոթա Ռուսթավելու անվան Բաթումի պետական համալսարանում, Բաթումի ֆինանսական դպրոցում և Գ. Ռոբակիձեի համալսարանի Բաթումի մասնաճյուղում։
2002-2004 թվականներին եղել է Խուլոյի շրջանային ասամբլեայի անդամ։ 2005 թվականին հիմնադրել է «Վրաստանի փաստաբանների ասոցիացիա»-ն, որին անդամակցում է մինչ օրս։ 2005-2012 թվականներին իրավաբանական գործունեությամբ է զբաղվել տարբեր կազմակերպությունների համար։
2005-2006 թվականներին եղել է «Բաթումի ծովափնյա զբոսայգու» իրավական դեպարտամենտի ղեկավար։ 2006 թվականին աշխատել է Աջարիայի ինքնավար հանրապետության ֆինանսների ու տնտեսության նախարարությունում, իսկ 2011-2012 թվականներին աշխատել է Շոթա Ռուսթավելու անվան Բաթումի պետական համալսարանում՝ որպես իրավական կլինիկայի համակարգող։ 2011-2012 թվականներին եղել է «Բաթումի մշտական արբիտրաժ» ՍՊԸ արբիտր, իսկ 2012 թվականին՝ Աջարիայի ինքնավար հանրապետության առևտրաարդյունաբերական պալատի մեդիա կենտրոնի մեդիատոր։
2013-2014 թվականներին եղել է Իրավական վարչության պետի տեղակալ, իսկ 2014-2016 թվականներին՝ աշխատել Աջարիայի ինքնավար հանրապետության կառավարության իրավական և մարդկային ռեսուրսների կառավարման վարչության պետ։ 2015 թվականից Եվրոպական տարածաշրջանների ասամբլեայի տարածաշրջանային փորձագետ է, իսկ 2016 թվականից՝ Վրաստանի պետական սահմանադրական հանձնաժողովի անդամ։
2016 թվականի նոյեմբերի 28-ին ընտրվել է Աջարիայի ինքնավար հանրապետության չորրորդ գումարման Գերագույն խորհրդի նախագահ[1]։ 2020 թվականի դեկտեմբերի 15-ին վերընտրվել է հինգերորդ գումարման Գերագույն խորհրդի նախագահի պաշտոնում։ Այդ պաշտոնին առաջադրվել է Վրաստանի իշխող «Վրացական երազանք, ժողովրդավարական Վրաստան» կուսակցության կողմից[2]։
Ծանոթագրություններ
խմբագրել- ↑ «Давид Габаидзе возглавил Верховный совет Аджарии». Кавказский узел (ռուսերեն). 2016-11-28. Արխիվացված է օրիգինալից 2021-11-21-ին. Վերցված է 2018-09-13-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Meet the new Chairman of Adjara's Supreme Council». agenda.ge. 28 November 2016. Վերցված է 28 November 2016-ին.