Բացել գլխավոր ցանկը

Դանիելե Պադելի (իտալ․՝ Daniele Padelli, հոկտեմբերի 25, 1985(1985-10-25), Լեքո, Լոմբարդիա, Իտալիա), իտալացի ֆուտբոլիստ, դարպասապահ։ Ներկայումս հանդես է գալիս իտալական «Ինտերի» կազմում։

Football pictogram.svg
Դանիելե Պադելի
իտալ․՝ Daniele Padelli
20150616 - Portugal - Italie - Genève - Daniele Padelli 1.jpg
Պադելին 2015 թվականին
Անձնական տվյալներ
Ամբողջական անուն Դանիելե Պադելի
Ազգությունը իտալացի
Քաղաքացիությունը Իտալիա Իտալիա
Ծննդյան ամսաթիվ հոկտեմբերի 25, 1985(1985-10-25) (33 տարեկան)
Ծննդավայր Լեքո, Լոմբարդիա, Իտալիա
Հասակ 188 սմ
Քաշ 81 կգ
Դիրք դարպասապահ
Ակումբային տեղեկություններ
Ներկա ակումբ Իտալիա Ինտեր
Համար 27
Պատանեկան կարիերա
2002-2004 Իտալիա Կոմո
Մասնագիտական կարիերա*
Տարի Ակումբ Խաղ (Գոլ)
2004-2009 Իտալիա Սամպդորիա 0 (0)
2005-2006   Իտալիա Պերգոկրեմա 33 (-29)
2006-2007   Իտալիա Կրոտոնե 1 (-2)
2007   Անգլիա Լիվերպուլ 1 (-2)
2007-2008   Իտալիա Պիզա 7 (-10)
2008-2009   Իտալիա Ավելինո 1912 15 (-23)
2009-2011 Իտալիա Բարի 3 (-6)
2011-2013 Իտալիա Ուդինեզե 9 (-13)
2013-2017 Իտալիա Տորինո 100 (-132)
2017-ներկա Իտալիա Ինտեր 0 (0)
Ազգային հավաքական
2005-2007 Իտալիա Իտալիա Մ20 7 (-4)
2006 Իտալիա Իտալիա Մ21 1 (0)
* Մասնագիտական կարիերայում ընդգրկված են միայն առաջնության խաղերը և գոլերը 
ըստ օգոստոսի 18, 2017:

Բովանդակություն

Ակումբային կարիերաԽմբագրել

Վաղ տարիներԽմբագրել

2002 թվականին Պադելին միացել է «Կոմո» ֆուտբոլային ակումբի ակադեմիային։ Թիմի հիմնական կազմում հանդես է եկել 2003-2004 թվականների ընթացքում։ 2004 թվականին ֆուտբոլիստը տեղափոխվել է «Սամպդորիա», այնուհետև վարձավճարով տեղափոխվել է Սերիա C1-ում հանդես եկող «Պերգոկրեմա»։ Թիմի կազմում մասնակցել է 33 հանդիպման և բաց թողել 29 գնդակ։ 2006-07 մրցաշրջանում Դանիելեն պաշտպանել է «Կրոտոնեի» դարպասը։

«Լիվերպուլ»Խմբագրել

2007 թվականի հունվարի 12-ին Դանիելե Պադելին վարձավճարով տեղափոխվել է Պրեմիեր Լիգան ներկայացնող «Լիվերպուլ»։ Թիմի գլխավոր մարզիչ Ռաֆայել Բենիտեսը նրա մասին ասել է, որ Պադելին հիանալի երիտասարդ դարպասապահ է, ով ընտրվել է նաև իր ազգային ընտրանու կողմից[1]։ Իր առաջին և միակ խաղը թիմի կազմում Դանիելեն անցկացրել է 2007 թվականի մայիսի 13-ին՝ մասնակցելով «Չարլթոն Ատլետիկի» դեմ խաղին[2]։ Այս խաղի շնորհիվ նա դարձել է առաջին իտալացի ֆուտբոլիստը, որը հանդես է եկել «Լիվերպուլ»-ի կազմում։ 2007 թվականի հունիսի 8-ին Դանիելեն վերադարձել է «Սամպդորիա»[3]։

«Պիզա»Խմբագրել

2007 թվականի հուլիսի 5-ին ֆուտբոլիստը տեղափոխվել է Սերիա B-ում հանդես եկող «Պիզա ՖԱ»։ Առաջնության շրջանակներում նա իր առաջին հանդիպումն անցկացրել է «Բրեսկիա Կալցիոյի» դեմ։ Հաջորդ խաղում թիմի գլխավոր մարզիչ Ջան Վենտուրա նախընտրել է նրան ավելի փորձառու Դավիդե Մորելոյի փոխարեն։ Թիմի կազմում այդ մեկ մրցաշրջանի ընթացքում Պադելին մասնակցել է 7 հանդիպման և բաց թողել 10 գոլ։

2008-09 մրցաշրջանը Դանիելեն վարձակալական հիմունքներով անցկացրել է «Ավելինոյի» կազմում[4][5]։ Թիմի կազմում նա հասցրել է անցկացնել 15 հանդիպում և բաց է թողել 23 գոլ։

«Բարի»Խմբագրել

2009 թվականի հուլիսի 2-ին Դանիելե Պադելին վարձավճարով տեղափոխվել է «Բարի» ֆուտբոլային ակումբ[6]։ Թիմի կազմում իր դեբյուտը նա նշել է 2010 թվականի մայիսի 9-ին՝ Սերիա A-ի շրջանակներում կայացած «Ուդինեզեի» դեմ խաղում, որն ավարտվել է 3-3 հաշվով։ Պադելին թիմի կազմում հասցրել է մասնակցել նաև 2010-11 մրցաշրջանի առաջին խաղին, որը տեղի է ունեցել «Պալերմոյի» դեմ։ Այդ հանդիպումն ավարտվել է 1-1 հաշվով։

«Ուդինեզե»Խմբագրել

2011 թվականի հունիսի 25-ին Պադելին վերադրաձել է «Սամպդորիա», սակայն օգոստոսի 31-ին տեղափոխվել է «Ուդինեզե»[7]։ Նա եղել է թիմի երկրորդ դարպասապահը։ Իտալական թիմի կազմում Դանիելեն մասնակցել է 12 հանդիպման։

«Տորինո»Խմբագրել

2013 թվականի մայիսի 29-ին Դանիելե Պադելին ազատ գործակալի կարգավիճակով տեղափոխվել է «Տորինո»։ Թիմի հիմնական կազմում նա իր դեբյուտը նշել է Իտալիայի գավաթի խաղարկության շրջանակներում կայացած «Պեսկարայի» դեմ խաղում, որն ավարտվել է 2-1 հաշվով՝ «Ուդինեզեի» պարտությամբ։ 2013-14 մրցաշրջանի ընթացքում Դանիելեն մասնակցել է թիմի բոլոր հանդիպումներին[8]։ Միջազգային ասպարեզում նա իր դեբյուտը նշել է Եվրոպայի լիգայի շրջանակներում կայացած շվեդական «Բրոմապապոյկարնայի» դեմ խաղում[9]։

«Մանչեսթեր Սիթիի» դարպասապահ Ջո Հարտի «Տորինո» տեղափոխվելուց հետո Պադելին կորցրել է տեղը հիմնական կազմում։ Նա մրցաշրջանի ավարտից հետո խզել է պայմանագիրը թիմի հետ։

«Ինտեր»Խմբագրել

2017 թվականի հուլիսին Դանիելեն անվճար տեղափոխվել է միլանյան «Ինտեր»[10][11]։

Միջազգային կարիերաԽմբագրել

Իտալիայի մինչև 20 տարեկանների հավաքականի կազմում Պադելին մասնակցել է 7 հանդիպման։ Իտալիա մինչև 21 տարեկանների հավաքականի կազմում ֆուտբոլիստն իր դեբյուտը նշել է 2006 թվականի դեկտեմբերի 21-ին՝ Լյուքսեմբուրգի հավաքականի դեմ խաղում, որն ավարտվել է 2-0 հաշվով՝ հօգուտ իտալացիների։

2014 թվականի օգոստոսի 30-ին Դանիելե Պադելին հրավիրվել է Իտալիայի ազգային հավաքական՝ մասնակցելու Նիդերլանդների և Նորվեգիայի հավաքականների դեմ խաղերին։

ԾանոթագրություններԽմբագրել

  1. «Reds sign Italian goalkeeper»։ liverpoolfc.com։ 2007-01-12։ Արխիվացված օրիգինալից-ից 2014-11-26-ին։ Վերցված է 2014-09-28 
  2. Sanghera Mandeep (2007-05-13)։ «Liverpool 2–2 Charlton»։ bbc.co.uk։ Վերցված է 2007-05-19 
  3. «Padelli returns to Italy after loan spell»։ liverpoolfc.com։ 2007-06-08։ Արխիվացված օրիգինալից-ից 2014-11-26-ին։ Վերցված է 2014-09-28 
  4. «ACCORDO RAGGIUNTO CON LA SAMP PER PADELLI E KOMAN» (Italian)։ US Avellino։ 2008-08-05։ Արխիվացված օրիգինալից-ից 2009-07-14-ին։ Վերցված է 2008-08-05 
  5. D'Ambrosio Germano (5 August 2008)։ «UFFICIALE: Avellino, presi Padelli e Koman» (Italian)։ Tutto Mercato Web։ Վերցված է 28 September 2014 
  6. Bari snap up Sampdoria keeper Padelli Archived 2009-07-09 at the Wayback Machine.
  7. «Archived copy»։ Արխիվացված օրիգինալից-ից 2012-11-30-ին։ Վերցված է 2014-05-16 
  8. «D. Padelli»։ soccerway.com (Italian)։ Վերցված է 21 May 2014 
  9. «BROMMAPOJKARNA VS. TORINO 0 - 3»։ soccerway.com։ Վերցված է 2 August 2014 
  10. «Padelli signs for Inter» (Press release)։ Milan: F.C. Internazionale Milano։ 3 July 2017։ Վերցված է 4 July 2017 
  11. «Calcio Mercato» (Italian)։ Lega Serie A։ 1 July 2017։ Արխիվացված օրիգինալից 3 July 2017-ին։ Վերցված է 1 July 2017 

Արտաքին հղումներԽմբագրել