Գրիգոր Վարդանյան (մանկավարժ)
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Անվան այլ կիրառումների համար տե՛ս՝ Գրիգոր Վարդանյան (այլ կիրառումներ)
Գրիգոր Բագրատի Վարդանյան (1918, Ոսկեվազ, Էջմիածնի գավառ - 1957), հայ մանկավարժ։ Հայրենական մեծ պատերազմի մասնակից։
| Գրիգոր Վարդանյան | |
|---|---|
| Ծնվել է | 1918 |
| Ծննդավայր | Ոսկեվազ, Էջմիածնի գավառ |
| Մահացել է | 1957 |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Պարգևներ և մրցանակներ |   և  |
Կենսագրություն խմբագրել
Գրիգոր Վարդանյանը ծնվել է 1918 թվականին, Աշտարակի շրջանի Ոսկեվազ գյուղում, չքավոր գյուղացու ընտանիքում։ Երկու տարեկան հասակից զրկվել է ծնողներից։ 1939 թվականին ավարտել է Էջմիածնի մանկավարժական տեխնիկումը, որից հետո աշխատել է Ապարանի շրջանի Մուլքի գյուղում որպես ուսուցիչ[1]։
Հայրենական մեծ պատերազմի օրերին Գրիգորը զինվորական ծառայությունն սկսել է նոր կազմակերպված 89-րդ հայկական հրաձգային դիվիզիայում, որի կազմում մարտնչել է Կովկասի նախալեռներից մինչև Բեռլին։ Ռազմաճակատում ցուցաբերած խիզախության համար պարգևատրվել է «Արիության համար», «Կովկասի պաշտպանության համար», «Վարշավայի ազատագրման համար», «Բեռլինի գրավման համար» մեդալներով և գովասանագրերով[1]։
Պատերազմի հաղթական ավարտից հետո Վարդանյանը սովորել է Երևանի պետական հեռակա մանկավարժական ինստիտուտի պատմության ֆակուլտետում, միաժամանակ աշխատել է հայրենի գյուղի դպրոցում, դասավանդել է պատմություն։ Այնուհետև աշխատել է Ոսկեհատի 8-ամյա դպրոցում[1]։
Մահ խմբագրել
Գրիգոր Վարդանյանը մահացել է 1957 թվականին։
Պարգևներ խմբագրել
- «Արիության համար» մեդալ
- «Կովկասի պաշտպանության համար» մեդալ
- «Վարշավայի ազատագրման համար» մեդալ
- «Բեռլինի գրավման համար» մեդալ