Գրիգորի Մարտիրոսյան (պետական գործիչ)

Արցախի Հանրապետության ֆինանսների նախարար

Գրիգորի Իգորի Մարտիրոսյան (նոյեմբերի 14, 1978(1978-11-14), Ստեփանակերտ, ԼՂԻՄ, Ադրբեջանական ԽՍՀ, ԽՍՀՄ), Արցախի Հանրապետության պետական նախարար:

Գրիգորի Մարտիրոսյան
Grigori Martirosyan.jpg
ԱՀ պետական նախարար
 06.06.2018
ԱՀ ֆինանսների նախարար
2017 - 2018
ԼՂՀ ֆինանսների նախարարի առաջին տեղակալ
2015 - 2017
ԼՂՀ ֆինանսների նախարարի տեղակալ
2008 - 2015
 
Կուսակցություն՝ անկուսակցական
Կրթություն՝ Արցախի պետական համալսարան և Երևանի պետական համալսարան
Գիտական աստիճան՝ տնտեսագիտական գիտությունների թեկնածու
Մասնագիտություն՝ տնտեսագետ
Ծննդյան օր նոյեմբերի 14, 1978(1978-11-14) (41 տարեկան)
Ծննդավայր Ստեփանակերտ, ԼՂԻՄ, Ադրբեջանական ԽՍՀ, ԽՍՀՄ
Քաղաքացիություն Flag of Artsakh.svg Արցախ
Զավակներ 3
 
Պարգևներ

Անանիա Շիրակացու մեդալ

ԿենսագրությունԽմբագրել

Գրիգորի Մարտիրոսյանը ծնվել է 1978 թվականի նոյեմբերի 14-ին Լեռնային Ղարաբաղի Հանրապետության (նախկինում՝ ԼՂԻՄ) Ստեփանակերտ քաղաքում: 1995 թվականին ավարտելով Ստեփանակերտ քաղաքի թիվ 3 միջնակարգ դպրոցն ընդունվում է ԱրՊՀ: 1999 թվականին գերազանցությամբ ավարտում է Արցախի պետական համալսարանի տնտեսագիտական ֆակուլտետի բակալավրիատը: 2001 թվականին գերազանցությամբ ավարտել է Երևանի պետական համալսարանի տնտեսագիտական ֆակուլտետի մագիստրատուրան: 2004 թվականին ավարտել է Երևանի պետական համալսարանի տնտեսագիտական ֆակուլտետի ասպիրանտուրան: Նույն թվականին պաշտպանել է թեկնածուական ատենախոսություն և ստացել տնտեսագիտության թեկնածուի գիտական աստիճան:

ԿարիերաԽմբագրել

Գ. Մարտիրոսյանը 1998-1999 թվականներին աշխատել է Լեռնային Ղարաբաղի Հանրապետության վիճակագրության, պետական ռեգիստրի և վերլուծության պետական վարչությունում` որպես առաջին կարգի տնտեսագետ: 2000-2005 թվականներին աշխատել է Հայաստանի Հանրապետության կառավարությանն առընթեր պետական գնումների գործակալությունում` որպես առաջատար մասնագետ: 2005-2007 թվականներին աշխատել է Հայաստանի Հանրապետության ֆինանսների և էկոնոմիկայի նախարարությունում` որպես գլխավոր մասնագետ: 2007 թվականին նշանակվել է Լեռնային Ղարաբաղի Հանրապետության «Պետական գնումների գործակալություն» պետական ոչ առևտրային կազմակերպության պետի տեղակալ: 2008 թվականին նշանակվել է Լեռնային Ղարաբաղի Հանրապետության ֆինանսների նախարարի տեղակալ: 2010 թվականից դասավանդում է Արցախի պետական համալսարանում: 2015 թվականին նշանակվել է Լեռնային Ղարաբաղի Հանրապետության ֆինանսների նախարարի առաջին տեղակալ: 2017 թվականի սեպտեմբերի 25 -ին Արցախի Հանրապետության Նախագահի հրամանագրով նշանակվել է ԱՀ ֆինանսների նախարար[1]: 2018 թվականի հունիսի 6-ին Գրիգորի Մարտիրոսյանը նշանակվել է Արցախի Հանրապետության պետական նախարար՝ ազատվելով Արցախի Հանրապետության ֆինանսների նախարարի պաշտոնից[2]։

Պարգևներ և շքանշաններԽմբագրել

ԾանոթագրություններԽմբագրել