Գյումրու Կարա-Մուրզայի անվան պետական երաժշտական քոլեջ

Գյումրու Կարա-Մուրզայի անվան պետական երաժշտական քոլեջ, Հայաստանի կրթության և գիտության նախարարության երաժշտական միջին մասնագիտական ուսումնական հաստատություն Գյումրիում։

Գյումրու Կարա-Մուրզայի անվան պետական երաժշտական քոլեջ
Տեսակ	ուսումնարան
Հիմնադրված է	1934
Հիմնադրիր	Դանիել Ղազարյան Մուշեղ Աղայան
Անվանված է	Քրիստափոր Կարա-Մուրզա
Ռեկտոր	Տիգրան Նորատյան
Երկիր	Հայաստան
Տեղագրություն	Գյումրի, Շիրակի մարզ, Հայաստան
Հասցե	Շիրակի մարզ, ք. Գյումրի, Ղուկասյան 30

Հիմնադրվել է 1934 թվականին, մինչ այդ (1924) ստեղծված երաժշտական ստուդիայի հիման վրա։ Ուսումնարանի հիմնադիրներն են եղել կոմպոզիտորներ Դանիել Ղազարյանը և Մուշեղ Աղայանը։ Ուսումնարանը 1977-1978 ուսումնական տարում ուներ դաշնամուրային, լարային, տեսական, փողային գործիքների, խմբավարական, վոկալ բաժիններ (400 ուսանող), սիմֆոնիկ նվագախումբ։

Ուսումնարանում դասավանդել են կոմպոզիտորներ Դանիել Ղազարյանը, Մուշեղ Աղայանը, Արտեմի Այվազյանը, Գրիգոր Եղիազարյանը, Ալեքսանդր Դոլուխանյանը։ Ուսումնարանի անվանի շրշանավարտներից են կոմպոզիտոր Գեղունի Չթչյանը, Երևանի պետական կոնսերվատորիայի դասախոսներ Ե. Աբաշյանը, Աննա Բարսամյանը, Մարգարիտ Բրուտյանը, Կիևի կոնսերվատորիայի դասախոս, համամիութենական մրցանակաբաշխության դափնեկիր, ֆագոտիստ Ա. Աբաշյանը, երաժշտագետ Սուսաննա Ամատունին և ուրիշներ։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 553)։