«Գյուղական սեր» (ֆր.՝ L'Amour au village), նկար, ֆրանսիացի նկարիչ Ժյուլ Լըպաժի (Jules Bastien-Lepage, 1848-1884) գործերից՝ նկարված 1882 թվականին։ Այն պատկանում է Մոսկվայի՝ Պուշկինի անվան կերպարվեստի թանգարանին։ Գտնվում է 19-րդ և 20-րդ դարերի եվրոպական և ամերիկյան երկրների պատկերասրահում[1][2]։ Նկարի չափը՝ 194 × 180 սմ[3][4] (ըստ այլ տվյալների՝ 199.7 × 189 սմ[5]):

Գյուղական սեր
տեսակգեղանկար
նկարիչԺյուլ Բաստիեն Լըպաժ
տարի1882
նյություղաներկ և կտավ
գտնվում էՊուշկինի անվան Կերպարվեստի թանգարան
հավաքածուՊուշկինի անվան Կերպարվեստի թանգարան
կայք
Ծանոթագրություններ

Պատմություն խմբագրել

Նկարը ձեռք է բերել Սերգեյ Տրետյակովը 1885 թվականին՝ Ժյուլ Լըպաժի մահվանից հետո ցուցադրված նկարների վաճառքի ժամանակ, որը տեղի է ունեցել Փարիզի Ժորժ Պետիի պատկերասրահում (ֆր.՝ Galerie Georges Petit)[6]: Նկարի հանդեպ հետաքրքրություն է ցուցաբերել նաև Լյուքսեմբուրգի թանգարանը։ Լըպաժի երկու նկարներից մեկը պետք է ընտրվեր, և նրանք ընտրեցին «Հունձք» նկարը (այն հետագայում փոխանցվում է Լուվրին և այժմ գտնվում է Օրսե թանգարանում)[7][8]։

Այսպիսով, «Գյուղական սեր» նկարը ձեռք է բերում Սերգեյ Տրետյակովը, և այն դառնում է նրա հավաքածուի ամենահայտնի նկարներից մեկը։

Նկարը փոխանցվում է Արևմտյան նոր արվեստի պետական թանգարանին[4]։

Նկարագրություն խմբագրել

Նկարում պատկերված են ցանկապատի հակառակ կողմում, սակայն իրար կողքի կանգնած երիտասարդ տղա և գյուղացու հագուստով մի աղջիկ։ Աղջիկը թիկունքով է կանգնած, դեմքը չի երևում։ Նա հագել է երկար կիսաշրջազգեստ, մազերը երկու հյուս է արված։ Ցանկապատի վրա նրա գլխաշորն է։ Երիտասարդ տղան դեմքով դեպի դիտողն է, խոնարհված է քիչ առաջ, որպեսզի հավասար լինի աղջկան։ Հագել է սպիտակ վերնաշապիկ և պաշտպանիչ գոգնոցով տաբատ։ Կարծես թե շփոթված է, խոսում է իր սիրո մասին։ Հետևում երևում են տներ և եկեղեցու գմբեթ։ Նրանցից քիչ հեռու երևում են աշխատող կանայք[3]։

1973 թվականին ԽՍՀՄ կապի նախարարությունը թողարկել է այս նկարով փոստային նամականիշ, որն արժեցել է 16 կոպեկ (№ 4305 ԽՍՀՄ փոստային նամականիշների կատալոգ).

Կարծիքներ խմբագրել

Լ. Տոլստոյին ուղարկված նամակներում նկարիչ Միխայիլ Նեստերովը գրել է[9].


Երեկոյան խոսակցությունն ընդհանուր դարձավ, և բոլորին զարմացրեց իմ կարծիքը Լըպաժի «Գյուղական սեր» նկարի հանդեպ։ Իմ կարծիքով «Գյուղական սեր» նկարը զգացմունքների մաքրության, սիրո և պարզության մասին է և կարծես տաճարում լինի; Իր խորքայնությամբ այն ավելի շատ ռուսական է, քան ֆրանսիական։ Ժյուլ Լըպաժի պոետիկ լեզուն արտահայտում է երկու սիրող, սրտառուչ մարդկանց ամենապարզ մտքերը:

«Գյուղական սեր» նկարը բարձր է գնահատել նաև նկարիչ Վալենտին Սերովը, ինչպես գրել է արվեստաբան Անդրեյ Տոլստոյը[10],


Լըպաժի ստեղծագործական ժառանգությունը վերաբերում էր նաև այլ կողմնորոշում ունեցող ռուս նկարիչներին, որոնք ներկայացնում էին որպես ռուսական նկարչության պատմության հաջորդ սերունդը։ Նեստերովի խոսքերով, Վալենտին Սերովը հաճախ ասում էր. «Ամեն կիրակի ես գնում եմ այնտեղ՝ «Գյուղական սեր» նկարը դիտելու»։ Նեստերովն ավելացում է. «Բայց Սերովը գիտեր, թե ինչ պետք է դիտել»:

Նկարը մեծ տպավորություն է թողել նաև արվեստագետ Վիկտոր Բորիսով-Մուսատովի վրա, ներկայացրել է իր նկարի ջերմ մթնոլորտը և հնչյունների հարստությունը։ Նա նույնիսկ նման տողերով բանաստեղծություն է գրել[11]:


Որքա՞ն ժամանակ է իմ իդեալը եղել

Մեր ուսուցիչը՝ Կոնովալովը։

Նա այցելեց Տրետյակովի պատկերասրահը,

Երազներում միշտ Ժյուլ Լըպաժը ...

Տես նաև խմբագրել

Ծանոթագրություններ խմբագրել

  1. «Зал 6, 7: Бастьен-Лепаж и реализм» (HTML). Галерея искусства стран Европы и Америки XIX-XX веков. Государственный музей изобразительных искусств имени А. С. Пушкина - www.newpaintart.ru. Վերցված է 11.02.2014-ին.
  2. «Жюль Бастьен-Лепаж. Деревенская любовь, 1882» (HTML). Галерея искусства стран Европы и Америки XIX-XX веков. Государственный музей изобразительных искусств имени А. С. Пушкина]] - www.newpaintart.ru. Վերցված է 15.01.2014-ին.
  3. 3,0 3,1 «Жюль Бастьен-Лепаж. Деревенская любовь (1882)» (HTML). www.rodon.org. Վերցված է 15.01.2014-ին.
  4. 4,0 4,1 «Жюль Бастьен-Лепаж. Деревенская любовь» (HTML). Государственный музей изобразительных искусств имени А. С. Пушкина - www.arts-museum.ru. Վերցված է 15.01.2014-ին.
  5. Ирина Кузнецова. «Окно в Европу - Собрание Сергея Михайловича Третьякова» (PDF). журнал «Третьяковская галерея», 2009, №2 - www.tg-m.ru. Վերցված է 15.01.2014-ին.{{cite web}}: CS1 սպաս․ բազմաթիվ անուններ: authors list (link) CS1 սպաս․ թվային անուններ: authors list (link)
  6. Т.В. Юденкова Другой Третьяков: Судьба и коллекция одного из основателей Третьяковской галереи. — Москва: Арт-Волхонка, 2012. — 392 с. — ISBN 978-5-904508-19-7
  7. «Jules Bastien-Lepage - Les foins» (HTML). Musée d’Orsay. Վերցված է 16.01.2014-ին.
  8. «Сергей Третьяков и его коллекция в Музее изобразительных искусств имени Пушкина» (HTML). Радио «Эхо Москвы» - echo.msk.ru. Վերցված է 15.01.2014-ին.
  9. Михаил Нестеров. «Давние дни. Письма о Толстом» (HTML). www.tphv-history.ru. Վերցված է 15.01.2014-ին.
  10. Андрей Толстой. «Что французу хорошо, то русскому... еще лучше?!» (HTML). «Новая Юность» 2002, №1 (52) - magazines.russ.ru. Վերցված է 15.01.2014-ին.
  11. Лев Дьяков. «Борисов-Мусатов» (HTML). журнал «Искусство», №2 (2006) - art.1september.ru. Վերցված է 28.01.2014-ին.