Գինու քաղաք

Գինու քաղաք
Տեսակ	թանգարան
Երկիր	Ֆրանսիա
Տեղագրություն	Բորդո
Վայր	Բորդո
Կայք	laciteduvin.com/fr

«Գինու քաղաք» (ֆր.՝ La Cité du Vin), ցուցահանդեսային տարածք-թանգարան է Բորդոյում, որտեղ ներկայացված է քաղաքի պատմությանն ու տնտեսությանը, որը սերտորեն կապված է գինեգործության, գինու առևտրի և գինու սպառման մշակույթի հետ։

Պատմություն

Թանգարանը հանրության համար բացվել է 2016 թվականի հունիսին^[1]։ Այն ստեղծելու համար պահանջվել է յոթ տարի։ Ըստ Բլումբերգի՝ թանգարանի ներդրումները կազմել են 81 մլն դոլար։

Թանգարանը գտնվում է հին արդյունաբերական թաղամասում՝ Գարոն գետի ափին, նախկին անգարների տեղում, որոնք Բորդոյի նավահանգստի բարգավաճման ժամանակ ծառայում էին գինու տակառների և շշերի պահեստ՝ տարբեր վայրեր առաքելու համար^[2]։ Ֆուտուրիստական շինությունը նախագծվել է XTU գործակալության ճարտարապետներ Անուկ Լեժանդրի և Նիկոլա Դեսմազյերի կողմից^[3]։

Թանգարանի մշտական ցուցադրությունը ինտերակտիվ է․ այցելուները հնարավորություն են ունենում համտեսել գինի, որը ներառված է տոմսի արժեքի մեջ։

Բացի մշտական և ժամանակավոր ցուցադրությունների համար նախատեսված տարածքից, թանգարանն ունի երկհարկանի գինու բար, 250 հոգու համար նախատեսված լսարան տարբեր վարպետության դասերի և կինոցուցադրությունների համար, հուշանվերների խանութ։ Վերին հարկը գտնվում է համտեսի մեծ սենյակ։ Ստորին հարկում կա գինու խանութ, որտեղ ներկայացված են տարբեր երկրների գինիներ։ Թանգարանի բացման օրվանից ի վեր առաջին տարում նրա այցելուների 74% -ը եղել են ֆրանսիացիներ, օտարերկրացիների շրջանում մեծամասնություն են կազմել անգլիացիները։