Գերմանիայի տաղավար (Բարսելոնա)

Գերմանիայի տաղավար
Տեսակ	շենք
Երկիր	Իսպանիա
Տեղագրություն	Սանտս Մոնտժուիկ
Վայր	Սանտս Մոնտժուիկ
Հասցե	Av. Francesc Ferrer i Guàrdia, 7
Ճարտարապետական ոճ	ֆունկցիոնալիզմ
Շինանյութ	Օնիքս (միներալ)
Մակերես	1050 քառակուսի մետր
Առաջին հիշատակում	1920
Հիմնադրված է	1928
Բացված	մայիս 1929
Ճարտարապետ	Լյուդվիգ Միս վան դեր Ռոե
Քանդվել է	1930
Իրադարձություններ	վերակառուցում
Ժառանգության կարգավիճակ	Իսպանիայի մշակութային ժառանգության օբյեկտ և Կատալոնիայի ազգային մակարդակի մշակութային սեփականություն

Գերմանիայի տաղավար, Վայմարյան հանրապետության տաղավարը համաշխարհային ցուցահանդեսում, որ անց է կացվել 1929 թվականի մայիսի 20-ից 1930 թվականի հունվարի 15-ը Կատալոնիայի մայրաքաղաք Բարսելոնայում^[3]։ Կառուցվել է գերմանացի մոդեռն ճարտարապետ Լյուդվիգ Միս վան դեր Ռոեի նախագծով։

Նկարագրություն խմբագրել

Տաղավարը գտնվում է Մոնժուիկ լեռան ստորոտին` ցուցահանդեսի կենտրոնական առանցքում` մեծ շատրվանից ու տոնական աստիճաններից աջ, որոնք տանում են դեպի Իսպանիայի տաղավար։ Ճարտարապետը տաղավարը կառուցել է տրավերտինից հիմքի վրա։ Այն ունի երկու ավազան, որոնք սև ապակով են պատված։ Տանիքը հենվում է օնիքսից, տրավերտինից, կանաչ մարմարից ոչ համաչափ պատերի և երկու շարք մետաղյա խաչաձև հատումով քրոմապատ սյուների վրա։ Փայլող պատը ձևավորել են կերագծված ապակու երկու հարթությունները, որոնք լուսավորված են ու տեղադրված ներսում։ Ոսկեգույն օնիքսը, սև գորգը և կարմիր վարագույրները խորհրդանշում են Գերմանիայի դրոշի գույները։ Սև գորգի վրա տեղադրված է կահույքի կոմպոզիցիա, որ բաղկացած է սպիտակ կաշվե բազկաթոռներից, թախտից և թափանցիկ սեղանից։ Կահույքը հատուկ ստեղծվել է տաղավարի համար և այնքան մեծ ընդունելության է արժանացել, որ 1944 թվականին ամերիկյան «Knoll» ընկերությունը սկսել է այն թողարկել «Բարսելոնա» անվանումով։ Այն թողարկվում է մինչ օրս։

Տաղավարում չկան ո'չ փակ սրահներ, ո'չ դռներ։ Ամբողջ կոմպոզիցիայի կենտրոնը Գեորգ Կոլբեի «Պարուհին» քանդակն է` կանաչ մարմարից^[4]։ Միս վան դեր Ռոեի պնդմամբ տաղավարում ոչ մի նմուշ չի ցուցադրվել. ցուցանմուշ եղել է հենց ինքը` տաղավարը։

Համաշխարհային ցուցահանդեսի փակումից հետո` 1930 թվականին, տաղավարը ապամոնտաժվել և ուղարկվել է Գերմանիա, ուր անհետ կորել է։ 1980 թվականին Բարսելոնայի իշխանությունները որոշում են ընդունել իր նախնական տեսքով վերականգնել տաղավարը։ Ըստ պահպանված լուսանկարների և Միս վան դեր Ռոեի գծագրերի` տաղավարի վերականգնման աշխատանքները շարունակվել են 1983-1986 թվականներին^[3]։ Ներկայումս տաղավարը թանգարան է։

Պատկերասրահ խմբագրել

Ծանոթագրություններ խմբագրել

↑ ^1,0 ^1,1 ^1,2 Wiki Loves Monuments monuments database — 2017.
↑ ^2,0 ^2,1 archINFORM (գերմ.) — 1994.
↑ ^3,0 ^3,1 Zimmerman, Claire (2006). Mies van der Rohe. Hong Kong: Taschen. ISBN 3-8228-3643-5.
↑ "The Mies van der Rohe Pavilion". Miesbcn.com. Archived from the original on 2009-01-25. Retrieved 2012-08-15.

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Գերմանիայի տաղավար (Բարսելոնա)» հոդվածին։

[_ad1b14434b9d7586-1] 1,0 ^1,1 ^1,2 Wiki Loves Monuments monuments database — 2017.

[_79bf19f99ddf1566-2] 2,0 ^2,1 archINFORM (գերմ.) — 1994.

[Zimmerman,_Claire_2006-3] 3,0 ^3,1 Zimmerman, Claire (2006). Mies van der Rohe. Hong Kong: Taschen. ISBN 3-8228-3643-5.

[4] "The Mies van der Rohe Pavilion". Miesbcn.com. Archived from the original on 2009-01-25. Retrieved 2012-08-15.

[3]

[1]

[2]

[4]