Գետահովիտ (գյուղ)

Գետահովիտ
Գյուղ
	Գետահովիտ
Երկիր	Հայաստան
Մարզ	Տավուշ
Համայնք	Տավուշի մարզ
Այլ անվանումներ	մինչև 1978 — Թալա;
ԲԾՄ	835 մետր
Կլիմայի տեսակ	մերձարևադարձային
Պաշտոնական լեզու	հայերեն
Բնակչություն	▲2123 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	գետահովիտցի
Ժամային գոտի	UTC+4
Հեռախոսային կոդ	+ 374 (263)
Փոստային ինդեքս	4008
Փոստային դասիչ	4008
	Գետահովիտ (գյուղ) (Հայաստան)
	Գետահովիտ (գյուղ) (Տավուշի մարզ)

Անվան այլ կիրառումների համար տե՛ս՝ Գետահովիտ (այլ կիրառումներ)

Գետահովիտ, գյուղ Հայաստանի Տավուշի մարզի Իջևանի տարածաշրջանում, մարզկենտրոն Իջևանից մոտ 1 կմ հյուսիս-արևմուտք, Սառնաջուր գետի ստորին հոսանքում։

Գյուղի հին անունը Թալաքանդ է։Գյուղը 1803թվականին եղել է Պարսկաստանի տիրապետության տակ ապա ռուս-պարսկական առաջին պատերազմից հետո 1805 թվականին մտել է Ցարական կառավարության հաշվառման մեջ։

Թալաքանդ նշանակում է բացատ և պարսկական բառ է ։Երբ Ղարաբաղից գաղթացները եկել են հաստատվել նրանց հետ եղել են նաև պարսիկներ։ Ամբողջ տարածքը եղել է անտառապատ սակայն պարսիկներից մեկը նկատելով բացատ տարացք ասել է << Թալաքանդ, Թալաքանդ>> այդ պատճառով էլ գյուղի անունը եղել է Թալաքանդ։ Ժամանակի ընթացքում անունը տրոհվել և դարձել է Թալա սակայն բացատրությունը չի փոխվել։ 1978 թվականին վերանվանվել է Գետահովիտ։ Գտնվում է Գուգարաց լեռնաշղթայի Իյևանի լեռնաճյուղերի հարավային արոտի անտառապատ վայրում, Աղստև գետի և Սառնաջուր վտակի ստորին հոսանքում Իջևան քաղաքից 1կմ դեպի հյուսիս։

Բնակչություն

Ըստ Հայաստանի 2011 թ. մարդահամարի արդյունքների՝ Գետահովիտի մշտական բնակչությունը կազմել է 2123, առկա բնակչությունը՝ 1991 մարդ^[2]։ Բնակիչերը հայեր են, որոնց նախնիների մի մասն այստեղ է փոխադրվել մոտակա Հին Թալա գյուղից և Արցախի Խաչեն ու Ջրաբերդ գավառների գյուղերից։

Գետահովիտի բնակչության փոփոխությունը ժամանակի ընթացքում՝ ստորև^[3].

Տարի	1831	1873	1897	1926	1939	1959	1970	1979	1989	2001	2011
Բնակիչ	118	352^[4]	559	665	893	1015	1331	1487	1778	2088	2123^[2]

Տնտեսություն

Բնակչությունը զբաղվում է անասնապահությամբ, այգեգործությամբ, բանջարեղենի, հացահատիկի և ծխախոտի մշակությամբ։

Պատմամշակութային կառույցներ

Գետահովիտից 1,5 կմ հյուսիս-արևելքում գտնվում է “Մրգաշեն” գյուղատեղին (XII-XIII դարեր), որտեղ նշմարվում են եկեղեցիների և գերեզմանոցի ավերակներ, իսկ 11 կմ արևմուտք՝ “Կըռանա-Տուխտ” գյուղատեղին (XII-XIII դարեր)։