Գեորգի Տրայկով (բուլղար․՝ Георги Трайков Гировски, ապրիլի 8, 1898(1898-04-08), Itea, Florina Municipality, Արևմտյան Մակեդոնիա, Հունաստան - հունվարի 14, 1975(1975-01-14), Սոֆիա, Բուլղարիա), բուլղար պետական և քաղաքական գործիչ։ Բուլղարիայի հողագործական ժողովրդական միություն կուսակցության անդամ և առաջնորդ։ 1964 թվականի ապրիլի 23-ից մինչև 1971 թվականի հուլիսի 6-ը եղել է Բուլղարիայի Ազգային Ժողովի կազմի նախագահ[1]։

Գեորգի Տրայկով
բուլղար․՝ Георги Трайков Гировски
 
Կուսակցություն՝ Բուլղարական գյուղատնտեսական ազգային միություն
Մասնագիտություն՝ քաղաքական գործիչ
Ազգություն բուլղարացի
Ծննդյան օր ապրիլի 8, 1898(1898-04-08)
Ծննդավայր Itea, Florina Municipality, Արևմտյան Մակեդոնիա, Հունաստան
Վախճանի օր հունվարի 14, 1975(1975-01-14) (76 տարեկան)
Վախճանի վայր Սոֆիա, Բուլղարիա
Քաղաքացիություն Flag of the Ottoman Empire (1844–1922).svg Օսմանյան կայսրություն և Flag of Bulgaria (1971–1990).svg Բուլղարիա
Ի ծնե անուն բուլղար․՝ Георги Трайков Гировски
Զավակներ Haralambi Traikov? և Boyan Traïkov?
 
Պարգևներ

Միջազգային Լենինի խաղաղության մրցանակ, Բուլղարիայի Ժողովրդական Հանրապետության հերոս, Սոցիալիստական աշխատանքի հերոս, Գեորգի Դիմիտրովի շքանշան, «1941-1945 թթ Հայրենական մեծ պատերազմի հաղթանակի 20-ամյակին» նվիրված հոբելյանական մեդալ, Լենինի շքանշան և Հոկտեմբերյան հեղափոխության շքանշան

ԿենսագրությունԽմբագրել

Գեորգի Տրայկովը ծնվել է 1898 թվականի ապրիլի 14-ին Հունաստանում։ Հետո ընտանիքը տեղափոխվել է Վառնա[2]։

1919 թվականին դարձել է Բուլղարիայի հողագործական ժողովրդական միություն կուսակցության անդամ։ Մասնակցել է Հոկտեմբերյան հեղափոխությանը, որի համար ձերբակալվել է, սակայն 1924 թվականին ներում է շնորհվել։ Հաջորդող տարիների ընթացքում եղել է «Երիտասարդական գյուղատնտեսական դրոշակ» թերթի խմբագիր և Վառնայում պրոֆմիութենական ակտիվիստ[3]։

Երկրորդ համաշխարհային պատերազմի ժամանակ մասնակցել է Բուլղարիայի Հայրենական ճակատի աշխատանքի մեջ։ Բուլղարիայի հողագործական ժողովրդական միություն կուսակցության ձախ թևի կողմնակիցը 1943 թվականին գլխավորվել է Վառնայի Հայրենական ճակատի գավառական կոմիտեն, իսկ պետական հեղաշրջումից հետո, 1944 թվականի սեպտեմբերին դարձել է շրջանի ղեկավար։ 1945 թվականին ընտրվել է Բուլղարիայի հողագործական ժողովրդական միություն կուսակցության ղեկավարության կազմի մեջ, իսկ 1947 թվականին դարձել է նրա առաջնորդը[4]։

1946-1950 թվականներին եղել է Բուլղարիայի Ժողովրդական Հանրապետության գյուղատնտեսության և պարենամթերքի նախարար։ 1947 թվականից մինչև 1956 թվականը եղել է Բուլղարիայի Ժողովրդական Հանրապետության նախարարների խորհրդի նախագահի տեղակալ, 1956 թվականից մինչև 1964 թվականը՝ Բուլղարիայի Ժողովրդական Հանրապետության նախարարների խորհրդի նախագահի առաջին տեղակալ[5]։

1964-1971 թվականներին եղել է Բուլղարիայի Ժողովրդական Հանրապետության Ազգային Ժողովի պրեզիդիումի նախագահ, 1971-1972 թվականներին՝ Բուլղարիայի Ժողովրդական Հանրապետության Ազգային Ժողովի նախագահ։ 1971 թվականից մինչև 1974 թվականը եղել է Բուլղարիայի Ժողովրդական Հանրապետության պետական խորհրդի նախագահի առաջին տեղակալ։

Որդին հայտնի լրագրող Բոյան Տրայկովն է եղել, որը մահացել է 2014 թվականին։ Գեորգի Տրայկովը մահացել է 1975 թվականի հունվարի 14-ին Սոֆիայում՝ 76 տարեկան հասակում։

Մրցանակներ և կոչումներԽմբագրել

ԾանոթագրություններԽմբագրել

  1. Пътеводител по мемоарните документи за БКП, съхранявани в Централния държавен архив. Архивни справочници, том 6։ София: Главно управление на архивите при Министерския съвет. Централен държавен архив։ 2003։ էջ 425։ ISBN 954-9800-36-9։ Վերցված է 5 септември 2015 
  2. Куманов, Милен. Политически партии, организации и движения в България и техните лидери 1879 – 1949, Просвета, София, 1991, стр.218.
  3. Шарланов Диню (2009)։ История на комунизма в България. Том II. Съпротивата. Възникване, форми и обхват։ София: Сиела։ էջ 91։ ISBN 978-954-28-0544-1 
  4. Куманов, Милен. Политически партии, организации и движения в България и техните лидери 1879 – 1949, Просвета, София, 1991, стр.219.
  5. Ташев, Ташо. Министрите на България 1879-1999. София, АИ „Проф. Марин Дринов“ / Изд. на МО, 1999. ISBN 978-954-430-603-8 / ISBN 978-954-509-191-9. с. 476.