Գարգառ (գետ)
գետ Հայաստանում
Անվան այլ կիրառումների համար տե՛ս՝ Գարգառ (այլ կիրառումներ)
Գարգառ կամ Գերգերկա, գետ Հայաստանի Լոռու մարզում, Ձորագետի աջ վտակը։ Սկիզբ է առնում Բազումի լեռնաշղթայի հյուսիսարևելյան լանջերից՝ 2300 մ բարձրությունից։ Երկարությունը 28 կմ է, ջրհավաք ավազանը՝ 129 կմ²։
| Գարգառ | |
|---|---|
 | |
| Բնութագիր | |
| Ավազանի մակերես | 129 կմ² |
| Ջրի ծախս | 1,143 մ³/վ |
| Ջրահոսք | |
| Ակունքի տեղակայում | Բազումի լեռներ |
| Գետաբերանի տեղակայում | Ձորագետ |
| Կոորդինատներ | |
| Տեղակայում | |
| Հոսող հոսքեր | Աղսու |
| Երկիր |  Հայաստան |
| Երկրամաս | Լոռու մարզ |
Գետահովիտը վերին և միջին հոսանքներում V-աձև է, ստորինում՝ կիրճանման։ Սնումը խառն է, վարարումը՝ մարտ-հունիսին, որի ընթացքում ձևավորվում է տարեկան հոսքի 62%-ը։ Տարեկան միջին ծախսը 1, 14 մ3/վ է, առավելագույնը՝ 75 մ3/վ, հոսքը՝ 36 միլիոն մ3։ Ձմռանը սառցակալում է։
Գետահովիտն ունի ռեկրեացիոն նշանակություն։ Ջրերն օգտագործվում են ոռոգման նպատակով[1]։
Ըստ ՀՀ Շրջակա միջավայրի մոնոթորինգի և թափոնների ուսումնասիրության մասին Տեղեկագրի գետի ջրի որակը ակունքում գնահատվել է «լավ»[2]։
Ծանոթագրություններ
խմբագրել- ↑ Հովհաննես Այվազյան (գլխավոր խմբագիր-տնօրեն) և ուրիշներ, Հայաստանի բնաշխարհ (հանրագիտարան), Երևան, «Հայկական հանրագիտարան հրատարակչություն», 2006, էջ 147 — 692 էջ. — 3500 հատ, ISBN 5-89700-029-8։
- ↑ «ՀՀ ՇՐՋԱԿԱ ՄԻՋԱՎԱՅՐԻ ՄՈՆԻԹՈՐԻՆԳԻԵՎ ԹԱՓՈՆՆԵՐԻ ՈՒՍՈՒՄՆԱՍԻՐՈՒԹՅԱՆ ՄԱՍԻՆ Տ Ե Ղ Ե Կ Ա Գ Ի Ր» (PDF). Արխիվացված է օրիգինալից (PDF) 2020 թ․ հունիսի 26-ին. Վերցված է 2020 թ․ հունիսի 24-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 699)։ 
|