Գայանե Շահվերդյան
Գայանե Միքայելի Շահվերդյան (սեպտեմբերի 17, 1954, Երևան, Հայկական ԽՍՀ, ԽՍՀՄ), հայ հոգեբան։ Հոգեբանական գիտությունների դոկտոր (1999), պրոֆեսոր (2001)[1]:
| Գայանե Շահվերդյան | |
|---|---|
| Ծնվել է | սեպտեմբերի 17, 1954 (69 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Վ․ Բրյուսովի անվան պետական համալսարան (1976) և ՀՀ ԳԱԱ փիլիսոփայության, սոցիոլոգիայի և իրավունքի ինստիտուտ (1985) |
| Գիտական աստիճան | հոգեբանական գիտությունների դոկտոր (1999) և պրոֆեսոր (2001) |
| Մասնագիտություն | հոգեբան |
| Աշխատավայր | Երևանի պետական համալսարան |
Կենսագրություն խմբագրել
Գայանե Շահվերդյանը ծնվել է 1954 թվականին Երևանում։ 1976 թվականին ավարտել է Երևանի ռուսաց և օտար լեզուների մանկավարժական ինստիտուտի բանասիրության ֆակուլտետը, 1982 - 1985 թվականներին ՝ ՀՀ ԳԱԱ, Փիլիսոփայության և իրավունքի ինստիտուտի ասպիրանտուրան, եղել է նույն ինստիտուտի գիտաշխատող, 1989 - 2001 թվականներին՝ «Սթրես» հոգեկան առողջության կենտրոնի բաժանմունքի վարիչ, 2001 - 2006 թվականներին ՝ ԵՊՀ փիլիսոփայության և հոգեբանության ֆակուլտետի հոգեբանության ամբիոնի վարիչ, 2006 - 2009 թվականներին՝ կիրառական հոգեբանության ամբիոնի վարիչ, 2009 թվականից՝ փիլիսոփայության և հոգեբանության ֆակուլտետի հոգեբանության բաժնի սոցիալական հոգեբանության ամբիոնի վարիչ։ 2002 թվականից Եվրոպայի պրոֆեսիոնալ հոգեթերապևտների լիգայի կովկասյան տարածաշրջանի նախագահ (2002)[1][2]:
Աշխատանքները վերաբերում են սոցիալական, բժշկական հոգեբանությանը, հոգեթերապիային[1][3]։
Երկեր խմբագրել
- Г. М. Шавердян, Подступы к психотехнике свободы, Москва, изд. МГАДА, 2012 г., 410 стр.
- Г. М. Шавердян, Основы психотерапии, Монография, Москва, СПБ, ПИТЕР, 2007, 208 страниц.
- Գայանե Շահվերդյան, Մասնագիտացված կրթությունը մագիստրատուրայում, Հոգեբանություն, «Ասողիկ» հրատ., 94 էջ, Երևան, 2006 թ.:
- Шавердян Г. М., "Я" психологии как защита от сектантского "Мы", Учебное пособие Изд-во ЕГУ, 56 стр., Ереван, 2005.
- Գայանե Շահվերդյան, Բանակում զինվորականների վարքը պայմանավորող գործոնները, Ռազմական սոցիոլոգիա, «Ուսումնական նյութերի ժողովածու», 10 էջ, Երևան, 2005 թ.
- Գայանե Շահվերդյան, Փոքր Մհերից դեպի Քրիստոս, Երևան, 2001 թ., 122 էջ։
- Г.М. Шавердян, Травматический стресс. Психические расстройства и развитие личности, «Զանգակ» հրատ., Երևան, 1998 թ., 300 էջ։
Ծանոթագրություններ խմբագրել
- ↑ 1,0 1,1 1,2 Ով ով է. Հայեր. Կենսագրական հանրագիտարան, հատոր երկրորդ, Երևան, 2007
- ↑ «Գայանե Միքայելի Շահվերդյան». ysu.am (անգլերեն). Արխիվացված է օրիգինալից 2018 թ․ դեկտեմբերի 16-ին. Վերցված է 2018 թ․ հունվարի 26-ին.
- ↑ «Կոհա առցանց քարտարան, Շահվերդյան, Գայանե Միքայելի». armunicat.nla.am. Վերցված է 2018 թ․ հունվարի 26-ին.
 | Վիքիդարանն ունի նյութեր, որոնք վերաբերում են «Գայանե Շահվերդյան» հոդվածին։ |