Բրատիսլավայի քաղաքային թանգարան
Բրատիսլավայի քաղաքային թանգարան (սլովակ.՝ Múzeum mesta Bratislavy), թանգարան Սլովակիայի մայրաքաղաք Բրատիսլավայում։ Հիմնադրվելէ 1868 թվականին։ Գտնվում է քաղաքի պատմական կենտրոնում՝ Հին քաղաքում՝ Ռատուշայի հին շենքի հարևանությամբ[1]։ Թանգարանի հասցեն է Սլովակիա 81518, Բրատիսլավա, Ռատուշայի փողոց 1։
Բրատիսլավայի քաղաքային թանգարան | |
---|---|
Տեսակ | քաղաքային թանգարան |
Երկիր | Սլովակիա |
Տեղագրություն | Բրատիսլավա |
Ղեկավարության նստավայր | Old Town Hall, Բրատիսլավա, Սլովակիա |
Հիմնադրվել է | 1868 |
Կայք | muzeum.bratislava.sk |
Թանգարանի պատմություն խմբագրել
Թեմատիկ առաջին ցուցադրություններն ի հայտ են եկել 1920-1930-ական թվականներին Հին ռատուշայում, Ապպոնի պալատում և կոմպոզիտոր Յ․ Հումելի տանը։ Ընդարձակված ցուցադրություն է կազմակերպվել 1960-1970-ական թվականներին։ Ա․ Ֆլեյշմանի թանգարանը հիմնադրվել է 21-րդ դարի սկզբին։ 2005-2007 թվականներին վերածնվել է Խաղողագործոթյան թանգարանը և հիմնադրվել է Պատմական ինտերիերի թանգարանը։ 2011 թվականին վերանորոգումից հետո կրկին բացվել է Հին ռատուշան։
Թանգարանում են պահվում Բրատիսլավայի պատմությանը վերաբերող փաստաթղթեր՝ սկսած ամենավաղ շրջանից մինչև 20-րդ դարը։ Բրատիսլավայի քաղաքային թանգարանը Սլովակիայի՝ իր գործունեությունը չընդհատած ամենահին թանգարանն է[2]։
Թանգարանի կառուցվածք խմբագրել
Բրատիսլավայի քաղաքային թանգարանն իր մեջ է ներառում 11 մասնագիտացված թանգարաններ՝ մշտական ինը ցուցադրություններով։
- Բրատիսլավայի պատմության թանգարան։ Հիմանական թանգրաանն է, որտեղ պահվում են հնագիտական գտածողներ ու պեղումների ժամանակ հայտնաբերված իրեր, ինչպես նաև դեղագործության պատմությանը, մշակույթին, հասարակական կյանքին ու նամականիշների պատմությանը վերաբերող փաստաթղթեր։
- Խաղողագործության թանգարան։ Գտնվում է Ապպոնի պալատում։ Տեղակայված է Ռատուշայի փողոց 1 հասցեում։
- Զենքի ու քաղաքային ամրությունների թանգարան։ Գտնվում է աշտարակում՝ Միխայլովյան դարպասների վերևում։ Այս թանգարանը այցելուներին ծանոթացնում է քաղաքային ամրությունների պատմությանը։ Այստեղ ներկայացված են տարբեր տեսակի զենքեր, ռազմական սարքավորումներ։ Ցուցադրության որոշակի մասը նվիրված է հրազենի զարգացման պատմությանը։ Թանգարանը ներկայացնում է նաև բրատիսլավացի զինագործների պատմությունը։ Վերին հարկից կարելի է մտնել աշտարակի բաց սյունասրահ, որտեղից բացվում է Բրատիսլավայի պատմական կենտրոնի տեսարան։ Գործում է Միխայլովյան փողոց 22 հասցեում։
- Դեղագործոթւյան թանգարան։ Գործում է դեղատան շենքում, Միխայլովյան փողոց 26 հասցեում։
- Ժամացույցների թանգարան։ Գտմվում է Բարի հովվի տանը։ Տունը կառուցվել է 1760-1765 թվականներին ռոկոկո ոճով։ Բրատիսլավայի ամրոցամերձ տարածքում պահպանված քիչ շինություններից է։ Թանգարանի հասցեն է Ժիդովսկայա (Հրեական) փողոց, 1։
- Յոհան Նեպոմուկ Հումելի թանգարան։ Ավստրիացի կոմպոզիտոր, վիրտուոզ դաշնակահար Հումելին (1778-1837) նվիրված թանգարան է, որտեղ ներկայացված են կոմպոզիտորի կյանքն ու ստեղծագործությունը։ Այստեղ են գտնվում կոմպոզիտորի երաժշտական գործիքների անձնական հավաքածուն, նրա հետմահու դիմակը, նոտաներ։ Թանգարանը գործում է Կլոբուչնիցկա փողոց 2 հասցեում։
- Արթուր Ֆլեյշմանի թանգարան։ Նվիրված է սլովակյան ծագումով քանդակագործ Արթուր Ֆլեյշմանին (1896-1990)։ Թանգարանը ներկայացնում է քանդակագործի կյանքն ու գործունեությունը, նրա պրոֆեսիոնալ առաջընթացը, որը դրսևորվել է վեց երկրներում և չորս մայրցամաքներում։ Մշտական ցուցադրությունը ներկայացնում է հեղինակի գործունեության վաղ շրջանի (1930-ական թվականներ) կերամիկական իրեր, քանդակների հավաքածու, որոնք ստեղծվել են 1938 թվականից հետո։ Քանդակների մեծ մասը ստեղծվել է Լոնդոնում՝ օրգանական ապակու կիրառմամբ։ Թանգարանում նաև ներկայացված են ֆոտոփաստաթղթեր։ Թանգարանը գործում է Բելայա փողոց, 6 հասցեում։
- Յանկո Եսենսկու թանգարան։ Նվիրված է սլովակ արձակագիր, բանաստեղծ, թարգմանիչ Յանկո Եսենսկուն (1874-1945)։ Ժամանակավորապես փակվել է։ Հասցեն է Սոմոլիցկու փողոց, 2։
- Դևին ամրոց։ Ազգային, մշակութային հուշարձան է Դևինում։ Հասցեն է Մունասկի փողոց, Բրատիսլավա, Դևին։
- Գերուլատիս։ Ազգային, մշակութային հուշարձան է Բրատիսլավայի Ռուսովցե թաղամասում։ Հասցեն՝ Գերուլատիսի փողոց, 69։
Ծանոթագրություններ խմբագրել
- ↑ «Prehľad organizačných zložiek: Bratislava». Արխիվացված է օրիգինալից 2007 թ․ սեպտեմբերի 30-ին. Վերցված է 2016 թ․ հուլիսի 27-ին.
- ↑ «PROFILE OF THE MUSEUM: BASIC INFORMATION: Múzeum mesta Bratislavy». Արխիվացված է օրիգինալից 2007 թ․ սեպտեմբերի 20-ին. Վերցված է 2020 թ․ մայիսի 22-ին.
Արտաքին հղումներ խմբագրել
- Բրատիսլավա քաղաքի թանգարաններ անգլերենով և սլովակերենով
Վիքիպահեստն ունի նյութեր, որոնք վերաբերում են «Բրատիսլավայի քաղաքային թանգարան» հոդվածին։ |