Բութանի ազգային թանգարան

Բութանի ազգային թանգարան
Տեսակ	ազգային թանգարան
Երկիր	Բութան
Տեղագրություն	Պարո (քաղաք)
Վայր	Պարո (քաղաք)
Ղեկավարության նստավայր	Պարո (քաղաք), Բութան
Հիմնադրվել է	1968

Բութանի ազգային թանգարան, տեղակայված է Պարո քաղաքի Տա - ձոնգ պահակային աշտարակում։ Թանգարան կարելի է հասնել շրջանցելով Դունցե - լակխանգ տաճարը։ Ձոնգը, որն այսօր թանգարան է դարձել, կառուցվել է 1641 թվականին՝ որպես Պարո - ձոնգ վանքի պաշտպանական ամրություն, հյուսիսից հարձակումներին դիմակայելու համար։ Ձոնգը կլոր կառույց է, որն ունի գալարագծով բարձրացող վեց հարկ, որոնք ծառայել են որպես զորակայան զինվորների և բանտ՝ գերիների համար։ Բութանի երրորդ արքա Ջիգմե Դորոջի Վանգչուկը, վերափոխելով Տա-ձոնգը, 1968 թվականին հիմնում է թանգարան։

Թանգարանի ցուցադրություն

Թանգարանում հավաքված են ուխտագնացների համար մեծ արժեք ներկայացնող բուդդայական շատ սրբություններ և երկու խորան։

Ներքնահարկում ցուցադրվում են հին զենքեր, բրոնզե իրեր, անոթներ, սպասք։
Առաջին հարկում՝ հնդկեղեգից պատրաստված անոթներ, բեռնարկղեր՝ նախատեսված գյուղատնտեսական աշխատանքների համար։
Երկրորդ հարկը նվիրված է բուդդայական ծեսերի համար անհրաժեշտ իրերին և բուդիզմի պատմությանը։
Երրորդ հարկում բութանցիների առօրյան ներկայացնող ազգագրական ցուցադրություն է՝ սպասք, հագուստ, զարդեր։ Այս հարկում է տեղակայված նաև երկիրը միավորած արքա Շաբդրունգին նվիրված ցուցահանդեսը։
Չորրորդ հարկը նվիրված է երկրի վաղ շրջանի պատմությանը, տարազին, ծիսական պարերին, տանկաներն (տիբեթյան կրոնական պատկերներ), բրոնզե քանդակներին, փորագրությանը։ Հատուկ ցուցահանդես է նվիրված Պեմա Լինգպային։
Հինգերորդ հարկում ներկայացված է միջնադարյան շրջանին (XI—XV դարեր) վերաբերող հավաքածու՝ բուդդայակն ծեսի իրեր, տանկաներ, բորնզե քանդակներ և այլ սրբություններ։ Տեղադրված է նաև բարգավաճման աստվածություն Նամսային նվիրված խորան։
Վեցերորդ հարկում ֆիլատելիայի, ձոնգերի նկարների հարկաբաժինն է։ Այստեղ է գնվում նաև տանգաներով և տարածական մանդալայով խորանը։

Պատկերասրահ

Բութանի ազային թանգարանի շենքը (Պարո - ձոնգից վեր գտնվող աշտարակը)
Բութանի ազային թանգարան (նախկին Տա - ձոնգ աշտարակ)

Ծանոթագրություններ

↑ GeoNames — 2005.

Արտաքին հղումներ

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Բութանի ազգային թանգարան կատեգորիայում։

[_29c259357d961fda-1] GeoNames — 2005.

[1]