Բիոտիտ

Բիոտիտ
Կատեգորիա	միներալների խումբ
Նիկել-Շտրունցի դասակարգում	9.EC.20
Շերտի գույն	սպիտակ
Բյուրեղային համակարգ	Մոնոցիկլիկ բյուրեղային համակարգ
Մոոսի կարծրություն	2,5
Ենթակատեգորիա	trioctahedral micas?, Classification of minerals – Silicates? և Փայլարարներ

Բիոտիտ (ֆրանսիացի գիտնական Ժ․ Բ․ Բիոյի անվամբ, (ֆր.՝ Jean-Baptiste Biot)), միներալ փայտաբների խմբից։ Հանքավայրեր կան ՍՍՀՄ–ում, Հնդկաստանում, Գրենլանդիայում, Սկանդինավյան երկրներում։

Քիմիական բաղադրություն

Քիմիական կազմը՝ $K(Mg,Fe)_{3}AlSi_{3}O_{10}(OH,F)_{2}$ ։ Մագնեզիումով հարուստ տարբերակը կոչվում է ֆլոզոպիու, իսկ երկաթի գերակշռության դեպքում՝ լեպիդոմելան։ Հիդրատացված բիոտիտը կոչվում է վերմիկուլիտ։ Բյուրեղագիտական համակարգը մոնոկլինային է։ Գույնը՝ սև, գորշ։ Հեշտությամբ տրոհվում է բարակ թերթիկների։ Կարծրությունը՝ 2–3, խտությունը՝ 3800 կգ/մ³։ Որպես ապար կազմող միներալ լայնորեն տարածված է մագմատիկ և մետամորֆային ապարներում։ Փոփոխական է։ Կալիումի (I) օքսիդ $K_{2}O$ 4,5-8,5 %, մագնեզիումի (II) օքսիդ $MgO$ 0,3-28 %, երկաթի (II) օքսիդ $FeO$ 2,8-27,5 %, երկաթի (III) օքսիդ $Fe_{2}O_{3}$ 0,3-20,5 %, ալյումինի (III) օքսիդ $Al_{2}O_{3}$ 9,5-31,5 %, սիլիցումի (IV) օքսիդ $SiO_{2}$ 33-45 %, ջուր $H_{2}O$ 6-11,5 %: Բազմաթիվ այլ խառնուրդներ։

Տարատեսակներ

Լեպիդոմելան (հուն․՝ λεπίς թեփուկներ, μέλας-սև)
Մերոքսեն (հուն․՝ ξένος օտար)-նորմալ, երկաթով աղքատ բիոտիտ
Ռուբելլան - դարչնագույն, աղյուսե կարմիր տարատեսակ
Սիդերոֆիլիտ (հուն․՝ σίδηρος-երկաթ,φύλλον-թերթ)- հարուստ է երկաթով և համարիա չի պարունակում բիոտիտի մագնիում

Պրակտիկ նշանակություն

Երբեմն օգտագործում են որպես խաղալիքների փայլի, թատերական դեկորացիաների, էլեկտրամեկուսիչներ և բրոնզի ներկ պատրաստելու համար, աղացված տեսակը լցվում է կղմդիրի մեջ, օգտագործում են որպես մեկուսիչ նյութ։ Խոշոր բյուրեղները գնահատվում է որպես կոլեկցիա։ Օգտագործում են գիտական նպատակով։

Արտաքին հղումներ

Բիոտիտը webmineral.com բազայում (անգլ.)
Բիոտիտը catalogmineralov.ru բազայում (ռուս.)

Վիքիպահեստն ունի նյութեր, որոնք վերաբերում են «Բիոտիտ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 442)։