Բիթլիսցի Մուշեղ

Բիթլիսցի Մուշեղ;
Ծնվել է	1869
Ծննդավայր	Բաղեշ
Մահացել է	1899
Մահվան վայր	Խախրև
Կրթություն	Գևորգյան Հոգևոր Ճեմարան
Մասնագիտություն	ֆիդայի
Կուսակցություն	ՀՅԴ

Բիթլիսցի Մուշեղ, բնօրինակ անուն՝ Մուշեղ Մուշեղյան (1869, Բաղեշ - 1899, Խախրև), հայ ազգային-ազատագրական շարժման գործիչ, ֆիդայի։

Կենսագրություն խմբագրել

ՀՀԴ կուսակցության անդամ։ Սովորել է Էջմիածնի Գևորգյան ճեմարանում։ Գործել է Բիթլիսում, Սասունում (մինչև 1893 թվականը՝ հնչակյան գործիչ Ս. Տամատյանի հետ), ապա՝ Աղբյուր Սերոբի խմբում։ Ահաբեկել է հայ բնակչության օտարազգի հարստահարիչների և մատնիչների։

Մասնակցել է Կովկասից Խլաթ զենք և զինամթերք տեղափոխելու գործին, ճանապարհին մղել Ղլիճ-Գեդուկի, Քյոշկ գյուղի. Խաթավինի, Ավերակ ջաղացի (որտեղ հատկապես աչքի է ընկել, և ժողովուրդը երգեր է ձոնել մարտի հերոսներին) կռիվները։ Եղել է բացառիկ նշանառու։

Մասնակցել է 1898 թվականի՝ Աղբյուր Սերոբի ղեկավարած Բաբշենի կռվին։ Զոհ է դարձել դավադրության։

Գրականություն խմբագրել

Բիթլիսցի Մուշեղ (նիւթեր զինւորի յուշատետրէն), ,,Դրօշակ'', Փարիզ, 1930, թիւ 2, էջ 53-58։
Գևորգյան Համլետ, Դրվագներ մարտական ու զինատար խմբերի պատմությունից, ,,Բանբեր Հայաստանի արխիվների'', Երևան, ՀԱԱ, 2004, թիվ 2, էջ 67-78։
Արշակ, Հայ յեղափոխութեան արշալոյսի հսկաներէն Պիթլիսցի Մուշեղ (1869-1899), (Կաթավին սարի եւ Աւերակ ջաղացի հերոսամարտերը), Կ. պօլիս, 1919, 64 էջ։
Գևորգյան Համլետ, Ազատագրական պայքարի հերոսապատումից, Երևան, 2006, 574 էջ։
Հայկական հարց հանրագիտարան, Երևան, 1996, էջ 85։
Ռուբէն, Հայ յեղափոխականի մը յիշատակները, հատ. Գ., Թեհրան, 1982, Երեւան, 1990։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։