Բերիլ Դեդեօղլու
Բերիլ Դեդեօղլու (թուրքերեն՝ Beril Dedeoğlu, դեկտեմբերի 9, 1961, Անկարա, Թուրքիա - մարտի 13, 2019, Ստամբուլ, Թուրքիա), թուրք պետական և քաղաքական գործիչ։ 2015 թվականի սեպտեմբերի 22-ից մինչև 2015 թվականի նոյեմբերի 17-ը զբաղեցրել է Թուրքիայի ԵՄ հարցերով նախարարի պաշտոնը։
| Բերիլ Դեդեօղլու | |
| |
| Կուսակցություն՝ | անկախ քաղաքական գործիչ |
|---|---|
| Կրթություն՝ | Գալաթասարայի վարժարան և Ստամբուլի համալսարան |
| Մասնագիտություն՝ | քաղաքական գործիչ և համալսարանի դասախոս |
| Ծննդյան օր | դեկտեմբերի 9, 1961 |
| Ծննդավայր | Անկարա, Թուրքիա |
| Վախճանի օր | մարտի 13, 2019 (57 տարեկան) |
| Վախճանի վայր | Ստամբուլ, Թուրքիա |
| Թաղված | Edirnekapı Martyr's Cemetery |
| Քաղաքացիություն |  Թուրքիա
|
Կենսագրություն խմբագրել
Բերիլ Դեդեօղլուն ծնվել է 1961 թվականին Անկարայում։ Ավարտել է Գալաթասարայի ավագ դպրոցը։ Այնուհետև սովորել է Ստամբուլի համալսարանի տնտեսագիտության ֆակուլտետը։
1995 թվականից աշխատում է Գալաթասարայի համալսարանում։ 1995 թվականին դարձել է դոցենտ, իսկ 2005 թվականից ունի պրոֆեսորի գիտական կոչում[1]։ Դասավանդում է նաև Կադիր Հասայի համալսարանում և Ստամբուլի Այդըն համալսարանում[2]։ Դեդեօղլուն մի քանի գրքերի հեղինակ է։ Մասնակցել է Samanyolu Haber և TRT 2 Haber հեռուստաալիքներով հեռարձակվող մի շարք հաղորդաշարերի[3][4]։
2012 թվականի փետրվարի 6-ին 4 տարի ժամկետով նշանակվել է Թուրքիայի կրթության բարձրագույն խորհրդի անդամ[5]։
2012 թվականի դեկտեմբերին ընթանում էր Թուրքիայի և Քրդական բանվորական կուսակցության խաղաղ բանակցությունների հերթական շրջափուլը։ Այդ կոնֆլիկտը սկսվել էր դեռևս 1980-ական թվականներից։ Կոնֆլիկտի հանգուցալուծմանը պետք է նպաստեր «իմաստունների խորհրդի ստեղծումը», որի անդամ պետք է դառնային Թուրքիայի աշխարհագրական 7 շրջաններից ներկայացուցիչներ։ Դեդեօղլուն նշանակվել է Կենտրոնական Անատոլիայի շրջանից։ 2013 թվականի կեսերին նա պլանավորել և անց է կացրել մի շարք կոնֆերանսներ այս հարցի վերաբերյալ[6]։
2015 թվականի սեպտեմբերի 22-ից մինչ 2015 թվականի նոյեմբերի 17-ը զբաղեցրել է Թուրքիայի ԵՄ հարցերով նախարարի պաշտոնը։
Գրել է հոդվածներ «Star», «Today's Zaman», «Zaman», «Ակօս» և «Yeni Şafak» թերթերի համար[7]։
Ծանոթագրություններ խմբագրել
- ↑ «Արխիվացված պատճենը». Արխիվացված է օրիգինալից 2015 թ․ սեպտեմբերի 23-ին. Վերցված է 2016 թ․ սեպտեմբերի 4-ին.
- ↑ «Haber : AB Bakanı Beril Dedeoğlu kimdir? haberi». Internethaber.
- ↑ «Beril Dedeoğlu Kimdir? - Gazete Oku». Gazeteoku.com.
- ↑ «AB Bakanı Beril Dedeoğlu Kimdir Nereli Kaç Yaşında?». Bugun.com.tr. 2015 թ․ սեպտեմբերի 22. Արխիվացված է օրիգինալից 2015 թ․ սեպտեմբերի 23-ին. Վերցված է 2016 թ․ սեպտեմբերի 4-ին.
- ↑ «Yeni bakanlar kimler oldu- Avrupa Birliği Bakanı Beril Dedeoğlu kimdir- Kalkınma Bakanı Cüneyd Düzyol kimdir?». haberyazar.com. Արխիվացված է օրիգինալից 2015 թ․ սեպտեմբերի 23-ին. Վերցված է 2016 թ․ սեպտեմբերի 4-ին.
- ↑ «Today's Zaman yazarı Beril Dedeoğlu AB Bakanı oldu». soL Haber Portalı - güne soL'dan bakın.
- ↑ «Beril Dedeoğlu Kimdir ?». kimdirhayati.com. Արխիվացված է օրիգինալից 2016 թ․ ապրիլի 29-ին. Վերցված է 2016 թ․ սեպտեմբերի 4-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Բերիլ Դեդեօղլու» հոդվածին։ |