Բերաթ Ալբայրաք

	Բերաթ Ալբայրաք
Կուսակցություն՝	Արդարության և զարգացման կուսակցություն
Կրթություն՝	İstanbul University School of Business? և Kadir Has University?
Գիտական աստիճան՝	փիլիսոփայության դոկտոր
Մասնագիտություն՝	քաղաքական գործիչ և գործարար
Ծննդյան օր	հունվարի 1, 1978 (45 տարեկան)
Ծննդավայր	Ստամբուլ, Թուրքիա
Քաղաքացիություն	Թուրքիա
Հայր	Սադըք Ալբայրակ
Ամուսին	Esra Erdoğan?
Berat Albayrak

Բերաթ Ալբայրաք (ծնվ. հունվարի 1, 1978(1978-01-01), Ստամբուլ, Թուրքիա^[1], Ստամբուլ, Թուրքիա), թուրք բիզնեսմեն և քաղաքական գործիչ, 2018 թվականի հուլիսի 10-ից Թուրքիայի ֆինանսների նախարար։ Զբաղեցրել է Çalık Holding-ի տնօրենների խորհրդի նախագահի պաշտոնը, 2015 թվականի նոյեմբերից մինչև 2018 թվականի հուլիսի 8-ը զբաղեցրել է Թուրքիայի էներգետիկայի նախարարի պաշտոնը։ Բերաթ Ալբայրաքը Թուրքիայի նախագահ Ռեջեփ Թայիփ Էրդողանի փեսան է։

Կենսագրություն խմբագրել

Ծնվել է 1978 թվականի հունվարի 1-ին Ստամբուլում։ Բերաթի հայրը Սադըք Ալբայրակը թուրք հայտնի լրագրող և քաղաքական գործիչ է։ Սադըք ավագը Ռեջեփ Թայիփ Էրդողանի մտերիմ ընկերն է։ Սովորել է Ստամբուլի համալսարանի բիզնես կառավարման դպրոցում։

1999 թվականից աշխատել է Çalık Holding-ում, 2002 թվականին նշանակվել է հոլդինգի ամերիկյան մասնաճյուղի ֆինանսական գծով տնօրեն։ 2006 թվականին Բերաթ Ալբայրաքը վերադարձել է Թուրքիա, իսկ արդեն 2007 թվականին նշանակվել է հոլդինգի տնօրենների խորհրդի նախագահ^[2]^[3]։ Բերաթ Ալբայրաքը այդ պաշտոնը զբաղեցրել է մինչ 2013 թվականը^[4]։

2015 թվականին ընտրվել է Թուրքիայի խորհրդարանի անդամ` Արդարություն և զարգացում կուսակցությունից, իսկ արդեն նոյեմբերի 24-ին նշանակվել է էներգետիկայի նախարար^[5]։

Անձնական կյանք խմբագրել

2004 թվականի հուլիսի Բերաթ Ալբայրաքը ամուսնացել է Էսրա Էրդողանի հետ^[4]։ Նրանք ունեն երեք երեխա` Ահմեդ Ակիֆ (2006), Էմինե Մախինուր (2009) և Սադըք (2015)^[6]։