Բաստ

Բաստ, գյուղ Արևմտյան Հայաստանում, Բիթլիսի վիլայեթի Սպարկերտի գավառակում` Վանա լճի հարավ-արևմուտքում` սարավանդի վրա։ Բաստը եղել է գավառակի ամենախոշոր գյուղը։

Պատմություն

Ըստ ակադեմիկոս Հ. Մանանդյանի Բաստը կարելի է նույնացնել Վաստաունա կամ Բասրավենա բնակավայրի հետ, որը նշված է եղել Պևտրինգերյան քարտեզի Տիգրանակերտ-Արտաշատ ուղեծրի վրա։

Բաստի բնակչությունը մասնակցել է թուրք ջարդարարների դեմ մղված ինքնապաշտպանական մարտերին։

Բնակչություն

Տարբեր աղբյուրների համաձայն Բաստը մինչև Մեծ Եղեռնի տարիներին ունեցել է 60-100 տուն հայ բնակիչ։ Եղել է զուտ հայաբնակ գյուղ։ Բնակչությունը տեղահանվել է 1915 թվականի Մեծ եղեռնի ժամանակ։

Տնտեսություն

Բնակչության հիմնական զբաղմունքը անասնապահությունն ու արհեստներն էին։

Պատմամշակույթային կառույցներ

Բաստն ուներ Ս. Աստվածածին (ըստ այլ աղբյուրների Ս. Ստեփանոս կամ Ս. Ատոմյանց) անունով հայկական եկեղեցի։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 305)։