Բանգլադեշի ազգային թանգարան

Բանգլադեշի ազգային թանգարան
Տեսակ	ազգային թանգարան
Երկիր	Բանգլադեշ
Տեղագրություն	Շահբագ
Վայր	Շահբագ
Ղեկավարության նստավայր	Դաքքա, Բանգլադեշ
Հիմնադրված է	1913
Տնօրեն	Faizul Latif Chowdhury?
Կայք	bangladeshmuseum.gov.bd

Բանգլադեշի ազգային թանգարան (բենգալերեն՝ বাংলাদেশ জাতীয় যাদুঘর), ի սկզբանե հիմնադրվել է 1913 թվականի մարտի 20-ին՝ հանդես գալով այլ անվան ներքո (Դաքքայի թանգարան)^[2], պաշտոնական բացումը տեղի է ունեցել 1913 թվականի օգոստոսի 7-ին։ Բանգլադեշի ազգային թանգարանի կարգավիճակ ստացել է 1983 թվականի նոյեմբերի 17-ից։ Թանգարանը գտնվում է Դաքքայի Շահբագ շրջանում։ Թանգարանի գործունեությունը լավ է կազմակերպված, ցուցադրությունները ներկայացված են ժամանակագրական տեսքով ազգագրության, դեկորատիվ արվեստի, պատմության, դասական արվեստի, բնական պատմության, ժամանակակից և համաշխարհային քաղաքակրթությունների բաժիններում։ Թանգարանն ունի նաև կոնսերվացման հարուստ լաբորատորիա։

Ցոկոլային հարկԽմբագրել

Բանգլադեշի ազգային թանգարան, նախագծել է բանգլադեշցի ճարտարապետ Սայադ Մեյնուլ Հոսեյնը

Ցոկոլային հարկի մուտքի մոտ տեղադրված են մի քանի հին զենքեր, ինչպես նաև այստեղ է գտնվում սրահը, որտեղից այցելուները տոմսեր են ձեռք բերում և հավաքվում են լսելու թանգարանի պատմությունը։ Սրահն առաջնորդում է դեպի մեծ սանդուղք։ Բացի սրահը, այս հարկում կա մի փոքր սենյակ, որը նույնպես օգտագործվում է որպես դահլիճ (էքսկուրսավարներն այստեղ այցելուներին են պատմում թանգարանի պատմությունը)։

1-ին հարկԽմբագրել

Առաջին հարկը բաժանված է 22 սենյակների։

1-ին սենյակԽմբագրել

Առաջին սենյակի մեծ քարտեզի վրա ցուցադրված է Բանգլադեշն իր 64 շրջաններով։

2-րդ սենյակԽմբագրել

2-րդ սենյակում Բենգալյան վագրի մեծ արձանն է։

3-10-րդ սենյակներԽմբագրել

Այս սենյակներում ցուցադրվում են Բանգլադեշից գտնված բնական նմուշներ։ Սենյակներից մեկում ներկայացված է կետի լեզու։

10-22-րդ սենյակներԽմբագրել

Այս հարկերում կան մինչև 1900 թվականների պատմական Բենգալյան մասունքներ։ Սենյակում ցուցադրված են տարբեր նավակներ, որոնք օգտագործել է գյուղական բնակչությունը։

2-րդ հարկԽմբագրել

2-րդ հարկում ցուցադրվում են հայտնի մարդկանց լուսանկարներ, կան ցուցափեղկեր՝ նվիրված Բանգլադեշի ազատագրական պատերազմին և 1952 թվականի Լեզվական շարժմանը (Բենգալյան լեզվի համար մղվող պայքար)։ Կան պոստերներ, որոնք օգտագործվել են պատերազմի ժամանակ, խոշտանգումների մեքենա և այլն։ Կա նաև երկու գրադարան։

3-րդ հարկԽմբագրել

3-րդ հարկում ցուցադրվում են միջազգային քաղաքական գործիչների, դերասանների, գիտնականների նկարներ, ինչպես նաև այստեղ կա 4 միջազգային պատկերասրահ՝ չինական, կորեական, հնդկական, շվեյցարական^[3]։