Արտաշես Արշակի Վասիլյան (ռուս.՝ Арташес Аршакович Василян, ապրիլի 23, 1898(1898-04-23), Այգեհովիտ, Հայաստան - փետրվարի 10, 1943(1943-02-10), Կրասնոդարի երկրամաս, ՌԽՖՍՀ, ԽՍՀՄ), ռազմական գործիչ, խորհրդային բանակի գնդապետ (մարտի 5 1940ԽՄԿԿ անդամ 1925 թվականից։

Արտաշես Արշակի Վասիլյան
Арташес Аршакович Василян
10 փետրվար 1943, 44 տարեկան
Ծննդավայր

Ռուսաստան գ.Ուզունթալա

(Այգեհովիտ)
Մահվան վայրՆովո Զերելիևկա, Կրասնոդարի երկրամաս
ԳերեզմանԼենինական
ՔաղաքացիությունՌուսաստան Ռուսաստան
Հայաստան Հայաստան
Զորատեսակհետևազոր
Ծառայության տարիներ1916-1943
Կոչումգնդապետ
Հրամանատարն էրդիվիզիայի
Պաշտոնգնդի հրամանատար
Մարտեր/
պատերազմներ
Առաջին համաշխարհային պատերազմ
Հայրենական Մեծ Պատերազմ
Քաղաքացիական պատերազմը Ռուսաստանում
Պարգևներ
20 years saf rib.png
409-րդ հրաձգային դիվիզիայի հրամանատարներ՝ Ա. Վասլիյան, Մ. Դոբրովոլսկի, Յու. Գրեչանի և Գ. Սորոկին

ԿենսագրությունԽմբագրել

Արտաշես Վասիլյանը ծնվել է 1898 թվականի ապրիլի (մայիս) 23-ին Ուզունթալա գյուղում։ Ավարտել է Թիֆլիսի հետևակային դպրոցը (1925), ԲԳԿԲ վարչությանը կից հրամանատարական կազմի կատարելագործման դասընթացները (1929Առաջին համաշխարհային պատերազմի ժամանակ զորակոչվել է (1916) Կովկասյան գործող բանակ։ Ստեփան Շահումյանի կոչով՝ 1918 թվականին կամավոր մտել է կարմիր բանակ։ 1920 թվականի մայիսին ծառայության է անցել Բաքվի 26 կոմիսարների անվան 1-ին կամավորական գնդում։ Եղել է գնդացրային դասակի, հրաձգային վաշտի հրամանատար, 1931 թվականից՝ 77-րդ լեռնահրաձգային դիվիզիայի շտաբի բաժնի պետի տեղակալ, ապա՝ պետ։ 1934 թվականին նշանակվել է հայկական 4-րդ լեռնահրաձգային գնդի շտաբի պետ, ապա՝ գնդի հրամանատար։ 1935-1937 թվականներին՝ 20-րդ լեռնահրաձգային դիվիզիայի շտաբի հետախուզության բաժնի պետ։ Հայրենական մեծ պատերազմի սկզբին ղեկավարել է 409-րդ հայկական հրաձգային դիվիզիայի կազմավորումն ու զորավարժեցումը։ 1942 թվականի հոկտեմբերին նշանակվել է Հյուսիսային Կովկասում գործող 89-րդ Հայկական հրաձգային դիվիզիայի հրամանատար, մասնակցել Էլխոտովո-Մալգոբեկ-Վոզնեսենսկայա շրջանում մղված պաշտպանական մարտերին, Մալգոբեկի, Հյուսիսային Կովկասի այլ բնակավայրերի ազատագրմանը։ Զոհվել է հակառակորդի գերակշիռ ուժերի դեմ մարտում։ Աճյունն ամփոփված է Գյումրու քաղաքային այգում։

Վասիլյանի անունով է կոչվում նրա ծննդավայրի միջնակարգ դպրոցը, Իջևանի փողոցներից մեկը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 294