Արտազի երեք վանքերը (գիրք)
«Արտազի երեք վանքերը» (անգլ.՝ Three monasteries of Artaz), Հայկական ճարտարապետությունն ուսումնասիրող կազմակերպության կողմից 2012 թվականին հրատարակված «ՀՃՈՒ գիտական ուսումնասիրություններ» շարքի թվով 15-րդ գիրքը (Գիրք ԺԵ)։ Այն հեղինակել է Հայկական ճարտարապետությունն ուսումնասիրող հիմնադրամի հիմնադիր Արմեն Հախնազարյանը։ Տպագրվել է եռալեզու տարբերակով՝ հայերեն, անգլերեն և ռուսերեն։ Աշխատությունը ներկայացնում է Ատրպատականի (Իրանական Ադրբեջանում, ներկայում Իրանի Իսլամական Հանրապետության հյուսիսում) գտնվող հայկական առաքելական երեք վանքերի՝ Թադեոս Առաքյալի, Ծործորի և Մաղարդա Սուրբ Ստեփանոս Նախավկայի պատմությունը։ Գրքում ներկայացված են նաև բովանդակությանն առնչվող պատմական և ժամանակակից արժեքավոր լուսանկարներ։ Հեղինակը գիրքը ստեղծել է իր հոր՝ Հովհաննես Հախնազարյանի հիշատակին[1]։
Արտազի երեք վանքերը | |
|---|---|
.jpg) Գրքի կազմերեսը | |
| Հեղինակ | Արմեն Հախնազարյան |
| Տեսակ | Ոչ գեղարվեստական |
| Բնօրինակ լեզու | Հայերեն |
| Լեզու | Անգլերեն, ռուսերեն |
| Էջեր | 368 |
| Շարք | «ՀՃՈՒ գիտական ուսումնասիրություններ» |
| Նախորդ | «Հուշագրական ժառանգություն» |
| Հաջորդ | «Հալեպի արձանագրությունները» |
| Երկիր |  Հայաստան |
| Հրատարակման վայր | Երևան |
| Հրատարակիչ | Հայկական ճարտարապետությունն ուսումնասիրող հիմնադրամ |
| Հրատարակված է | «Բյուրական» տպարան |
| Հրատարակման տարեթիվ | 2012 թվական |
| ԳՄՍՀ | ISBN 978-99941-875-8-4 |
| ՀՏԴ | 72(479.25):941(479.25) |
| ԳՄԴ | 85.11.(2Հ)+83.3(2Հ) |
| Թվային տարբերակ | raa-am.com/raa/pdf_files/15.pdf |
«Արտազի երեք վանքերը» գիրքը հրատարակվել է Հայկական ճարտարապետությունն ուսումնասիրող կազմակեպության գիտական խորհրդի երաշխավորությամբ և տպագրվել «Բյուրական» տպարանում։ Աշխատության նախահրատարակչական աշխատանքները հովանավորել է Հայաստանի մշակույթի նախարարությունը, իսկ տպագրությունը՝ Գալուստ Գյուլբենկյան հիմնադրամը[1]։