Արշակ Հակոբյան

Արշակ Հայրապետի Հակոբյան (հոկտեմբերի 12 (24), 1886, գյուղ Էդիշա (այժմ՝ ԼՂՀ Հադրութի շրջանում)- օգոստոսի 12, 1960, Երևան), հայ բժիշկ, ֆիզիոլոգ, ֆիզիոթերապևտ։ Բժշկական գիտությունների դոկտոր (1936), պրոֆեսոր (1939)։ ՀԽՍՀ գիտությունների վաստակավոր գործիչ։

Արշակ Հակոբյան
Ծնվել է	հոկտեմբերի 12, 1886(1886-10-12)
Ծննդավայր	Ռուսական կայսրություն Էդիշա
Մահացել է	օգոստոսի 12, 1960(1960-08-12) (73 տարեկանում)
Մահվան վայր	Երևան, Հայկական ԽՍՀ, ԽՍՀՄ
Ազգություն	Հայ
Մասնագիտություն	բժիշկ
Գիտական աստիճան	բժշկական գիտությունների դոկտոր

Կենսագրություն

Ավարտել է Բեռլինի համալսարանի բժշկական ֆակուլտետը (1911)։ 1919 թվականից ապրել է Երևանում, մասնակցել ԵՊՀ բժշկական ֆակուլտետի հիմնադրմանը։ Մինչև 1936 թվականը՝ ԵԲԻ-ում իր հիմնած ֆիզիոլոգիայի, 1936-1960 թվականներին՝ նյարդախտաբանության ամբիոնների վարիչ։ Զբաղվել է նաև կուրորտաբանության հարցերով, նպաստել «Արզնի», «Ջերմուկ» և Վանաձորի առողջարանների կազմակերպմանը։ Մինչև 1989 թվականը նրա անունով էր կոչվում Երևանի կուրորտաբանության և ֆիզիկական բժշկության ԳՀԻ-ն։

Երկեր

• Հակոբյան Ա. Հ., Ֆիզիոլոգիա, դասագիրք, 1923:
• Հիստերիկ մուտիզմի յեվ պարալիզների յերկու դեպքեր: (Զեկուցում՝ կարդացված Յերեվանի Բժշկ. Միութ. ժողովում) / Ա. Հակոբյան., Յերեվան, 1926:
• Курорты ССР Армении / А. А. Акопян., Эривань, Изд. Управделами Совнаркома ССРА, 1934.
• Справочник по курортам и домам отдыха ССР Армении: С приложением туристических маршрутов / А. Акопян, Р. Гянджунцян., Эривань, ГИЗ ССР Армении, 1935.
• Туристические и курортные богатства Советской Армении / Доц. В. Г. Дик, С предисл. засл. деят. науки проф. В. А. Александрова, Под ред. проф. А. А. Акопяна, Наркомздрав Армян. Сов. Соц. Республики., Ереван, [Б. и.], 1937.
• Սանդրուժիննիկների և սանհրահանգիչների պատրաստումը Մաս 1: Երևան, Հայպետհրատ, 1941:
• Ինքնօգնություն և փոխադարձ օգնություն: Պրոֆ. Ա. Հ. Հակոբյան, խմբ.՝ Ա. Խրիմլյան, Երևան, Հայպետհրատ, 1941:
• Краткое пособие по травматическим поражениям периферической нервной системы конечностей: Клиника нерв. болезней: В помощь врачам эвакогоспиталей / А. А. Акопян, Г. И. Мирзоян, Наркомздрав АрмССР - Упр. эвакогоспиталей., Ереван, Армгиз, 1944.
• Ժողովածու ներվային հիվանդությունների կլինիկայի գիտական աշխատությունների: Երևան, Հայպետապ, 1948:
• Ներվայնությունը, նրա բուժումը և կանխման հնարավորությունները / Ա. Հ. Հակոբյան, Երևան, Հայպետհրատ, 1949:
• Ալկոհոլիզմը և նրա ազդեցությունը ներվային սիստեմի վրա / Ա. Հ. Հակոբյան, Հ. Ա. Աստվածատրյան, Երևան, Հայպետհրատ, 1955:
• Ալկոհոլը և նրա ազդեցությունը ներվային սիստեմի վրա / Ա. Հ. Հակոբյան, Հ. Ա. Աստվածատրյան, 2-րդ հրատ., ուղղ. և վերամշակ., Երևան, Հայպետհրատ, 1959:

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։