Արի սահադաշտ
«Արի սահադաշտ» (ռուս.՝ «Приходи на каток»), խորհրդային նկարված մուլտիպլիկացիոն ֆիլմ, որ ստեղծվել է ռեժիսոր-մուլտիպլիկատոր Բորիս Դյոժկինի կողմից «Սոյուզմուլտֆիլմ» կինոստուդիայում և պատմում է այն մասին, թե ինչպես են ձմռանը սահադաշտում հանդիպում «Մետեոր» թիմի հոկեյիստներն ու գեղասահորդուհիները։
![]() | |
Տեսակ | մուլտֆիլմ |
Ռեժիսոր | Բորիս Դյոժկին |
Սցենարիստ | Սակո Ռունգե |
Հնչյունավորում | Ալեքսանդր Բարանով |
Երաժշտություն | Ալեքսանդր Գոլդշտեյն |
Օպերատոր | Բորիս Կոտով |
Երկիր | ![]() |
Ընկերություն | Սոյուզմուլտֆիլմ |
Տևողություն | 9 րոպե |
Պրիկվել | Հյուր ամռան մոտ |
Թվական | 1981 |
Սյուժե խմբագրել
«Մետեոր» թիմի հոկեյիստները ձմռանը գնում են սահադաշտում մարզվելու և տեսնում են գեղասահորդուհիներին, որոնք մարզվում են սահադաշտի մյուս ծայրում։ Հոկեյիստներին դուր է գալիս հմայիչ գեղասահորդուհիներից մեկի սահելը, և նրանք իրենց հիացմունքն են արտահայտում ծափահարություններով։ Բայց այդ ժամանակ նրան է մոտենում մի գեղասահորդ, և նրանք միասին կատարում են պար սառույցի վրա։ Դիտելով նրանց՝ հոկեյիստների թիմի ավագը երազում է, որ ինքն էլ պարի հմայիչ գեղասահորդուհու հետ։ Դարպասապահը որոշում է օգնել նրան։ Նա պտտեցնում է գեղասահորդին, իսկ թիմի ավագը հրավիրում է գեղասահորդուհուն, և վերջինս համաձայնում է։ Երջանիկ սահելով՝ զույգը չափից շատ է մոտենում սառցանցքին։ Չկարողանալով սառույցի ծայրին պահել հավասարակշռությունը՝ աղջիկն ընկնում է ջուրը։ Ավագը նետվում է նրա հետևից և փրկում նրան, իսկ ծովափիղը նրանց օգնում է դուրս գալ ջրից։ Շտապ օգնության մեքենան տանում է թրջված աղջկան։
Երբ հոկեյիստները գնում են սահադաշտ հաջորդ մարզման համար, փրկված աղջիկն ինքն է մոտենում թիմի ավագին, նրան նվիրում համբույր և հրավիրում պարի։ Իսկ հոկեյիստները հրավիրում են մյուս գեղասահորդուհիներին։
Ստեղծողներ խմբագրել
Սցենարի հեղինակներ | Սակկո Ռունգե, Բորիս Դյոժկին |
Կինոռեժիսոր | Բորիս Դյոժկին |
Բեմադրող նկարիչներ | Բորիս Դյոժկին, Ալեքսանդր Վինոկուրով |
Կոմպոզիտոր | Ալեքսանդր Գոլդշտեյն |
Կինոօպերատոր | Բորիս Կոտով |
Հնչյունային օպերատոր | Վլադիմիր Կուտուզով |
Դերերը հնչյունավորել են | Ալեքսանդր Բարանով |
Նկարիչ մուլտիպլիկատորներ | Բորիս Դյոժկին, Վիկտոր Արսենտև, Հովսեփ Կուրոյան |
Նկարիչներ | Պյոտր Կորոբաև, Վ. Դիմիչ, Էրաստ Տրեսկին |
Նկարահանող խմբի տնօրեն | Նիկոլայ Եվլյուխին |
Խմբագիր | Ռաիսա Ֆրիչինսկայա |
Վերաթողարկում DVD-ով խմբագրել
Մուլտֆիլմը թողարկվել է DVD-ով «Зимушка-Зима» («Սոյուզմուլտֆիլմ») մուլտֆիլմերի հավաքածուում։
Արձագանքներ խմբագրել
Դյոժկինի մարզական մուլտսյուիտում կան էլի ոչ պակաս գրավիչ ֆիլմեր։ Դյոժկինը չէր կարող աչքաթող անել նաև գեղասահքը։ Այդ նրբաճաշակ մարզաձևին է նվիրված «Արի սահադաշտ» ֆիլմը։ Այստեղ բացակայում է մրցակցության պահը։ Այստեղ ուրիշ կոնֆլիկտ է։ Գեղասահորդուհիների կողքին մարզվում են «մեծաքիթ» հոկեյիստները։ Նրանց դուր են գալիս նրբագեղ աղջիկները, և նրանք ենթադրում են, որ առանց դժվարության կարող են սահել միասին։ Բայց այդքան էլ հեշտ չէ ձեռք բերել պլաստիկ վարպետություն սառույցի վրա պարերում։ Ֆիլմն ավարտվում է խաղաղությամբ։ Դրան օգնում է աղջիկների ուսուցչի ու հոկեյի թիմի ավագի միջև ծագած ընկերությունը։
Բնօրինակ տեքստ (ռուս.)«В спортивной мультсюите Дёжкина есть ещё немало привлекательных картин. Не мог миновать Дёжкин и фигурное катание. Этому изысканному виду спорта посвящена картина „Приходи на каток“. Тут отсутствует момент соревнования. Здесь иной конфликт. Рядом с фигуристками тренируются „носатые“ хоккеисты. Им нравятся изящные девушки, и они полагают, что без труда смогут покататься вместе. Но не так-то просто обрести пластическое мастерство в танцах на льду! Фильм кончается мирно. Этому помогает дружба, возникающая между преподавательницей девушек и капитаном хоккейной команды.»
— Օ. Աբոլնիկ[1]
Ծանոթագրություններ խմբագրել
- ↑ О. Абольник. Дёжкин Борис // Режиссёры и художники советского мультипликационного кино. М., 1984. Энциклопедия отечественного кино.