Արամ Փիրուզյան
Արամ Սերգեյի Փիրուզյան (փետրվարի 10, 1907, Բաքու, Ռուսական կայսրություն - հոկտեմբերի 2, 1996, Մոսկվա, Ռուսաստան, թաղված է Երևանում[1]), Հայկական ԽՍՀ Ժողկոմխորհի նախագահ (փետրվարի 1, 1937-հունվարի 30, 1943)[2]։
| Արամ Փիրուզյան | |
|---|---|
 | |
| Ծնվել է | փետրվարի 10, 1907 |
| Ծննդավայր | Բաքու, Ռուսական կայսրություն |
| Մահացել է | հոկտեմբերի 2, 1996 (89 տարեկան) |
| Մահվան վայր | Մոսկվա, Ռուսաստան |
| Գերեզման | Երևան |
| Քաղաքացիություն |  ԽՍՀՄ |
| Մասնագիտություն | քաղաքական գործիչ |
| Զբաղեցրած պաշտոններ | ԽՍՀՄ գերագույն խորհրդի պատգամավոր |
| Կուսակցություն | ԽՄԿԿ |
| Պարգևներ և մրցանակներ |    և  |
Կենսագրություն
խմբագրել
Արամ Փիրուզյանը ծնվել է 1907 թվականին Բաքվում։ Ավարտել է Սվերդլովսկի (այժմ՝ Եկատերինբուրգ՝ ՌԴ-ում) գունավոր մետաղների արդյունաբերության ակադեմիան (1935)։ Փիրուզյանի հիմնական գործերից մեկը եղել է գործարաններում ռազմական արտադրանքի թողարկման կազմակերպումը։ 1945-1948 թվականներին՝ ՀԽՍՀ տեղական արդյունաբերության նախարար, միաժամանակ՝ Նախարարների խորհրդի նախագահի տեղակալ, 1948 թվականից՝ առաջին տեղակալ, 1952-1953 թվականներին՝ սննդի, 1953-1955 թվականներին՝ պարենային ապրանքների, 1955-1957 թվականներին՝ թեթև սննդի, մսի-կաթի և ձկան արդյունաբերության, 1957-1961 թվականներին՝ առևտրի նախարար։ 1961-1967 թվականներին՝ ԽՍՀՄ Կառավարության առևտրային ներկայացուցիչը Հունաստանում։
ԽՍՀՄ (1937-1954) և ՀԽՍՀ (1938-1963) Գերագույն Խորհրդի պատգամավոր։
Երկեր
խմբագրել- Հայկական ՍՍՌ սննդի արդյունաբերությունը, Երևան։ Հայպետհրատ, 1958, 242 էջ[3]։
- Размышления о пройденном пути / А.С. Пирузян ; Под ред. В.А. Мурадяна. Ереван : Айастан, 1989.
- Երեխայի սնունդը / Խմբ. կոլ.՝ Ա.Ս. Փիրուզյան և ուրիշներ։ Երևան։ Հայպետհրատ, 1964։
- Սովետական առևտրի զարգացումը Հայաստանում / Ա.Ս. Փիրուզյան և ուրրիշներ։ Երևան։ Հայպետհրատ, 1961։
Ծանոթագրություններ
խմբագրել- ↑ «The memorial of Piruzyan Aram (Արամ Փիրուզյան Սերգեյի) buried at Yerevan's Tokhmakh cemetery». hush.am. Վերցված է 2016 թ․ սեպտեմբերի 15-ին.
- ↑ «Պատմական ակնարկ - Նախկին վարչապետներ - Հայաստանի Հանրապետության Կառավարություն». www.gov.am. Վերցված է 2016 թ․ սեպտեմբերի 15-ին.
- ↑ ՀՀ Գիտությունների ազգային ակադեմիայի hիմնարար գիտական գրադարան
| ՀԽՍՀ Ժողովրդական կոմիսարների խորհրդի նախագահ | ||
|---|---|---|
| ՆԱԽՈՐԴՈՂ | Արամ Փիրուզյան | ՀԱՋՈՐԴՈՂ |
| Ստեփան Հակոբյան | 1937, նոյեմբերի 23 - 1943, հոկտեմբեր | Աղասի Սարգսյան |
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստան հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|