Արամայիս Գրիգորյան

Արամայիս Թեմուրի Գրիգորյան;
Ծնվել է	հոկտեմբերի 6, 1965 (59 տարեկան)
Ծննդավայր	Ավշար, Արարատի մարզ
Քաղաքացիություն	Հայաստան
Մասնագիտություն	Ճարտարագետ-տեխնոլոգ
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	ՀՅԴ
	Aramayis Grigoryan Վիքիպահեստում

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Արամայիս Թեմուրի Գրիգորյան (հոկտեմբերի 6, 1965(1965-10-06), Ավշար, Արարատի շրջան, Հայկական ԽՍՀ, ԽՍՀՄ), ՀՀ պետական գործիչ, ՀՀ բնապահպանության նախկին նախարար (2014 թվականի ապրիլ - 2016 թվականի սեպտեմբեր)։

Կրթություն

1988 թվականին ավարտել է Սանկտ Պետերբուրգի (ՌԴ) թեթև արդյունաբերության ինստիտուտը։

Աշխատանքային գործունեություն

1985-1987 թվականներին ծառայել է խորհրդային բանակում։
1987-1988 թթ. աշխատել է Արարատի տրիկոտաժի ֆաբրիկայում որակի գծով ճարտարագետ։
1988-1990 թթ. - ՀԼԿԵՄ Արարատի շրջկոմի կազմակերպական բաժնի վարիչ։
1999-2002 թթ.` Ավշարի գինու գործարանի փոխտնօրեն։
2002-2003 թթ.` Ավշարի գինու գործարանի գլխավոր տնօրեն։

Պետական և քաղաքական գործունեությունը

2003 թվականի մայիսի 25-ին ԱԺ պատգամավոր է ընտրվել թիվ 25 ընտրատարածքից^[1]։ Մինչև 2006 թվականի հունիսի 2-ը՝ ՀՀ Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի անդամ։ 2006 թ. հունիսի 2-ից՝ Պաշտպանության, ազգային անվտանգության և ներքին գործերի մշտական հանձնաժողովի նախագահ։
2007 թվականի մայիսի 12-ին ԱԺ պատգամավոր է ընտրվել ՀՅԴ համամասնական ընտրացուցակով։ ՀՅԴ խմբակցության անդամ։
2008 թվականի հունիսի 2-ին Հայաստանի Նախագահի հրամանագրով նշանակվել է Հայաստանի գյուղատնտեսության նախարար^[2]։
2009 թ. մայիսի 12-ին ՀՅԴ իշխող կոալիցիայից դուրս գալու կապակցությամբ Հայաստանի Նախագահի հրամանագրով ազատվել է Հայաստանի գյուղատնտեսության նախարարի պաշտոնից^[3]։
2013 թվականի հոկտեմբերի 10-ին Հայաստանի Կառավարության որոշմամբ նշանակվել է Հայաստանի Արարատի մարզպետ^[4]։
2014 թվականի ապրիլի 30-ին Հայաստանի Կառավարության որոշմամբ ազատվել է Հայաստանի Արարատի մարզպետի պաշտոնից՝ այլ աշխատանքի անցնելու կապակցությամբ^[5]։
2014 թվականի ապրիլի 30-ին ՀՀ Նախագահի հրամանագրով նշանակվել է Հայաստանի բնապահպանության նախարար^[6]։ Պաշտոնավարել է մինչև 2016 թ․-ը։