Ավստրալիական որոր

Ավստրալիական որոր
Ավստրալիական որոր
Դասակարգում
Թագավորություն	Կենդանիներ (Animalia)
Տիպ/Բաժին	Քորդավորներ (Chordata)
Ենթատիպ	Ողնաշարավորներ (Vertebrata)
Դաս	Թռչուններ (Aves)
Կարգ	Քարադրանմաններ (Charadriiformes)
Ընտանիք	Որորներ (Laridae)
Ցեղ	Chroicocephalus
Տեսակ	Ավստրալիական որոր (C. novaehollandiae)
Միջազգային անվանում
Chroicocephalus novaehollandiae Stephens, 1826
Կարգավիճակ
Հատուկ պահպանության կարգավիճակ՝ Քիչ մտահոգող տեսակ

Ավստրալիական որոր (լատին․՝ Chroicocephalus novaehollandiae) որորների ընտանիքի (Laridae) միջին մեծության թռչուն։

Բնութագիր

Ավստրալիական որորի երկարությունը հասնում է 36-44 սմ։ Թևերի երկարությունը 26,8-31,9 սմ է։ Թևերի բացվածքը 91-95 սմ է։ Այս թռչունի քաշը 265-315 գրամ է։ Արու թռչունները մի փոքր ավելի մեծ են և ծանր, քան էգերը։

Մեծահասակ թռչունների գլուխը, պոչը և մարմնի ստորին մասը սպիտակ են։ Մեջքը և պոչի շուրջը գունատ մոխրագույն են։ Թևերը սև են, մեծ սպիտակ բծերով։ Կտուցը և ոտքերը վառ կարմիր են։ Աչքերը դեղնասպիտակավուն են մուգ կարմիր շրջանակով։

Երիտասարդ թռչունների թևերը թեփուկավոր են, շագանակագույն։ Նրանք շատ նման են սեռապես հասուն թռչուններին։ Կտուց և աչքերը սովորաբար սևից մուգ շագանակագույն գույնի են, իսկ ոտքերը դեռ դեղնաշականակագույն են։

Տարածվածություն

Ավստրալիական որորը տարածված է Ավստրալիայի, Թասմանիայի և Նոր Կալեդոնիայի ծովափներում, կղզիներում և մեծ լճերում։ Այս թռչունները գաղթում են կարճ տարածություններ։

Այս թռչունների տեսակը՝ պոպուլյացիան գնալով աճում է։ 1990-ական թվականների սկզբին Ավստրալիայում բնադրած 200 գաղութներում տեղավորվել էր 500 000 զույգ թռչուն։

Սնունդ

Ավստրալիական որորը սնվում է ճիճուներով, ձկներով, միջատներով և խեցգետնանմաններով։

Բազմացում

Ավստրալիական որորը բնադրում է գաղութով, միայն երբեմն զույգերը բնադրում են առանձին։ Հաճախ թռչունները հանդիպում են նախորդ տարվա զույգի հետ և օգտագործում են նույն բույնը, որը մեկ տարի առաջ էին օգտագործում։ Բույները սովորաբար կառուցվում են գետնին, բայց կարելի է գտնել նաև թփերի մեջ, գետնից մինչև 2,5 մ բարձրության վրա։ Տեսակը ունակ է բազմանալ ամեն տարի։ Սովորաբար արևմտյան Ավստրալիայում այս թռչունների բազմացման ժամանակը համընկնում է մարտից նոյեմբեր ամիսներին։

Բնում դնում է մեկից հինգ ձու։ Թուխս նստելու շրջանը տևում է 21-27 օր։ Երիտասարդ թռչունները 4 շաբաթ մնում են բնադրված գաղութում։ Այնուհետև ևս երկու շաբաթ ծնող թռչունները նրանց կերակրում են արդեն բնադրած գաղութից դուրս։ 3-ից 4 տարեկան հասակում թռչունները դառնում են սեռականորեն հասուն։

Դասակարգում

2018 թվականի փետրվարի դրությամբ առանձնացվում է 3 ենթատեսակ.

• Chroicocephalus novaehollandiae forsteri (Mathews, 1912)
• Chroicocephalus novaehollandiae novaehollandiae (Stephens, 1826)
• Chroicocephalus novaehollandiae scopulinus (J. R. Forster, 1844)

Ավելի մեծ ենթատեսակը C. n. fosteri гբնադրում է Ավստրալիայի հյուսիսում, Նոր Կալեդոնիայում և Լուայետում։

Պատկերասրահ

• 
  Ավստրալիական որոր Սիդնեյում
• 
  Թռչելիս
• 
  Սիդնեյում
• 
  Լողալիս
• Թռչելիս, Ավստրալիա
• 
• 
  Ավստրալիայում
• 
  Առաջին ձմռանը
• 
  Ձուն և նոր դուրս եկած ճուտերը
• 
• 
• 
• 
• 
• 
• 
  Museum specimen

Հետագա ընթերցանություն

• Harrison, Peter (1988): Seabirds (2nd ed.). Christopher Helm, London. 0-7470-1410-8
• Pons J.M., Hassanin, A., and Crochet P.A.(2005). Phylogenetic relationships within the Laridae (Charadriiformes: Aves) inferred from mitochondrial markers. Molecular Phylogenetics and Evolution 37(3):686-699

Գրականություն

• Shirihai H. A Complete Guide to Antarctic Wildlife - The Birds and Marine Mammals of the Antarctic Continent and Southern Ocean. — Degerby: Alula Press, 2002.

Վիքիցեղերն ունի նյութեր, որոնք վերաբերում են «Ավստրալիական որոր» հոդվածին։

Վիքիպահեստն ունի նյութեր, որոնք վերաբերում են «Ավստրալիական որոր» հոդվածին։