Ասեն Դացև
Ասեն Բորիսով Դացև (բուլղար․՝ Асен Борисов Дацев, փետրվարի 14, 1911 կամ փետրվարի 4, 1911[1], Kamenar, Loznitsa Municipality, Ռազգրադի մարզ, Բուլղարիա - փետրվարի 12, 1994, Սոֆիա, Բուլղարիա), բուլղար գիտնական-ֆիզիկոս, մանկավարժ, պրոֆեսոր (1950), ֆիզիկա-մաթեմատիկական գիտությունների դոկտոր, Բուլղարիայի գիտությունների ակադեմիայի անդամ (1961-ից)։ Դիմիտրովյան մրցանակի դափնեկիր (1951)։
Ասեն Դացև բուլղար․՝ Асен Борисов Дацев | |
---|---|
Ծնվել է | փետրվարի 14, 1911 կամ փետրվարի 4, 1911[1] Kamenar, Loznitsa Municipality, Ռազգրադի մարզ, Բուլղարիա |
Մահացել է | փետրվարի 12, 1994 Սոֆիա, Բուլղարիա |
Քաղաքացիություն | Բուլղարիա |
Մասնագիտություն | ֆիզիկոս |
Հաստատություն(ներ) | Սոֆիայի համալսարան |
Գործունեության ոլորտ | ֆիզիկա |
Անդամակցություն | Բուլղարիայի գիտությունների ակադեմիա |
Ալմա մատեր | Սոֆիայի համալսարան |
Գիտական աստիճան | ֆիզիկամաթեմատիկական գիտությունների դոկտոր |
Պարգևներ |
Կենսագրություն
խմբագրելԱսեն Դացևը ծնվել է 1911 թվականի փետրվարի 14-ին Կամենար, Ռազգրադի մարզ։ 1933 թվականին ավարտել է Սոֆիայի համալսարանը։ Կրթությունը շարունակել է Փարիզյան Սորոբոնայում (1934-1938)՝ Լուի դը Բրոյլի ղեկավարության ներքո, որտեղ 1938 թվականին պաշտպանել է դոկտորական դիսերտացիան։
Աշխատել է Մոսկվայում Բուլղարիայի դեսպանության խորհրդական (1946-1947)։
1947 թվականից 40 տարվա ընթացքում դասախոսություններ է կարդացել Սոֆիայի համալսարանում (1950-ից՝ պրոֆեսոր)։ 1950-1955 թվականներին եղել է Սոֆիայի համալսարանի ֆիզիկա-մաթեմատիկական ֆակուլտետի դեկան, տեսական ֆիզիկայի ամբիոնի վարիչ։
1962 թվականից նաև աշխատել է Բուլղարիայի գիտությունների ակադեմիայի ֆիզիկական ինստիտուտում։
1952 թվականից եղել է Բուլղարիայի գիտությունների ակադեմիայի թղթակից-անդամ[2], իսկ 1961 թվականից՝ Բուլղարիայի ԳԱ ակադեմիկոս։
Ակադեմիկոս Ասեն Դացևը Բուլղարիայի ԳԱ պինդ մարմնի ֆիզիկայի ինստիուտի տեսական բաժանմունքի հիմնադիրն է։
Ասեն Դացևը մահացել է 1992 թվականի փետրվարի 12-ին Սոֆիայում՝ 82 տարեկան հասակում։
Ընտրյալ աշխատանքներ
խմբագրել- «Върху разпространението на вълните» (1944) кн. 1, с. 173-259
- «Квантово тълкуване на някои резултати от класическата механика» (1940), кн. 1, с. 201-218
- «Върху проблема за разпространението на топлината в твърди тела» (Փարիզ, 1963)
- «Квантова механика и физическа реалност», І изд., Սոֆիա, изд. БАН (1969)
- «Върху линейния проблем на Стефан» (Փարիզ, 1970)
- «Квантова механика» (І изд. 1963), ІІ изд. 1973)
- «Революционните идеи на Коперник и общата теория на относителността» (1974) кн. 2, с. 58 - 63
Մրցանակ
խմբագրել- Դիմիտրովյան մրցանակ (1951)[2]
- «Գեորգի Դիմիտրով» շքանշան
- Բուլղարիայի Ժողովրդական Հանրապետության 1-ին աստիճանի շքանշան
- Բուլղարիայի Ժողովրդական Հանրապետության 2-րդ աստիճանի շքանշան
- Բուլղարիայի գիտության պատվավոր գործիչ
- Բուլղարիայի գիտության ժողովրդական գործիչ
Ծանոթագրություններ
խմբագրել- ↑ 1,0 1,1 Храмов Ю. А. Физики (ռուս.) / под ред. А. И. Ахиезер — 1983. — С. 99.
- ↑ 2,0 2,1 АСЕН БОРИСОВ ДАЦЕВ
Արտաքին հղումներ
խմբագրել- Կենսագրություն(բուլղ.)
- Դացև Ասեն Բորիսով