Աշտարակի պետական թատրոն
Աշտարակի պետական թատրոն, կազմակերպվել է 1940 թվականին, Սուրեն Հովհաննիսյանի ղեկավարությամբ՝ Ազով-Սևծովյան երկրամասի հայկական պետական թատրոնի և տեղի դերասանական ուժերով։
 | |
|---|---|
| Տեսակ | թատրոն |
| Երկիր |  ԽՍՀՄ.svg){kind=small} Հայկական ԽՍՀ |
| Գտնվելու վայրը | Աշտարակ |
| Հիմնադրման ամսաթիվ | 1940 թվական |
| Փակման ամսաթիվ | 1950 թվական |
Բեմադրություն խմբագրել
Բացվել է Սունդուկյանի «Պեպո» պիեսի ներկայացումով։ Խաղացանկում էին՝ Մուրացանի «Ռուզան» , Լյուդվիգ Միքայելյանի «Գոշ», Շիրվանզադեի «Չար ոգի», «Նամուս», «Պատվի համար», Ֆրիդրիխ Շիլլերի «Սեր և խարդավանք», Նիկոլայ Գոգոլի «Ամուսնություն», Շկվարկինի «Ուրիշի երեխան» և այլն։
Թատրոնի կազմում են եղել ռեժիսորներ Ա․ Բարսեղյանը, Ս․ Բադալյանը, Կ․ Չալաբյանը, նկարիչներ Կ․ Տիրատուրյանը, Ռ․ Նալբանդյանը, Ս․ Արուտչյանը և ուրիշներ։ Տարբեր տարիներին թատրոնում են աշխատել դերասան-դերասանուհիներ Ի․ Մկրտչյանը, Ա․ Մուրադյանը, Ա․ Վաչյանը, Ա․ Պապայանը, Ն․ Բեմսկին, Գրիգոր Չալիկյանը, Գ․ Գևորգյանը, Հ․ Մախմուրյանը, Գևորգ Ոսկանյանը և ուրիշներ։
Հյուրախաղերով հանդես են եկել Ավետ Ավետիսյանը, Հրաչյա Ներսիսյանը, Գուրգեն Ջանիբեկյանը բեմադրել է Կոռնեյչուկի «Պլատոն Կրեչետը»։ Թատրոնը փակվել է 1950 թվականին[1]։
Տես նաև խմբագրել
Ծանոթագրություններ խմբագրել
- ↑ Հայկական համառոտ հանրագիտարան, Չորս հատորով (ՀԽՀ խմբ․ կոլեգիա՝ Կ․ Ս․ Խուդավերդյան (գլխ․ խմբ․) և ուրիշներ), ― հատոր 1, Երևան, ՀԽՀ գլխ․ խմբ․, 1990, էջ 242։