Լյուդվիգ Միքայելյան

Վիքիպեդիայում կան հոդվածներ Միքայելյան ազգանունով այլ մարդկանց մասին։

Լյուդվիգ Արսենի Միքայելյան (սեպտեմբերի 17, 1905(1905-09-17), Բայրախտար, Կարս, Կարսի մարզ, Կովկասյան երկրամաս, Ռուսական կայսրություն - 1987), հայ դրամատուրգ, արձակագիր, Հայաստանի գրողների միության անդամ 1937 թ.-ից։

Լյուդվիգ Միքայելյան
Ծնվել է	սեպտեմբերի 17, 1905(1905-09-17)
Ծննդավայր	Բայրախտար, Կարս, Կարսի մարզ, Կովկասյան երկրամաս, Ռուսական կայսրություն
Վախճանվել է	1987
Մասնագիտություն	գրող և ուսուցիչ
Ազգություն	հայ
Քաղաքացիություն	Ռուսական կայսրություն և  ԽՍՀՄ
Կրթություն	Հայկական պետական մանկավարժական համալսարան (1933)
Անդամակցություն	ՀԳՄ
Լյուդվիգ Միքայելյան Վիքիդարանում

Կենսագրություն

Լյուդվիգ Միքայելյանը ծնվել է Կարսի մարզի Բայրախտար գյուղում։ 1918 թ.-ին թուրքերը սպանել են նրա մորը, որից հետո մեծացել է մանկատներում։ 1929 թ.-ին ավարտել է Լենինականի մանկավարժական ուսումնարարանը, 1933 թ.-ին՝ Երևանի մանկավարժական ինստիտուտի լեզվագրական ֆակուլտետը։ Աշխատել է տարբեր դպրոցներում որպես ուսուցիչ։

Ստեղծագործական կյանք

Բեմադրվել են նրա «Օսաննա» (1924, Ստեփանավան), «Գոշ» (1936, Լենինական), «Արտավազդ Երկրորդ» (1965, Լենինական), «Վարազդատ» (1941, Լենինական) դրամաները։

Երկեր

• Պիեսների ժողովածու (գիրք չորրորդ), 1955
• Զարինե (վեպ), 1958
• Պատմական ողբերգություններ, 1963
• Սիրո ճանապարհ (վիպակ, պատմվածքներ), 1968
• Վարդենիկ (վեպ), 1974
• Պատմական ողբերգություններ, 1981

Աղբյուրներ

Հայկ Խաչատրյան «Գրական տեղեկատու», 1986, էջ 386

Վիքիդարանն ունի նյութեր, որոնք վերաբերում են «Լյուդվիգ Միքայելյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 625)։