Աշոտ Պետրոսյանց
Աշոտ Հովհաննեսի Պետրոսյանց (ապրիլի 27 (մայիսի 10), 1910, Մարի, Անդրկասպյան մարզ, Թուրքեստան, Ռուսական կայսրություն - հուլիսի 13, 1978, Երևան, Հայկական ԽՍՀ, ԽՍՀՄ), հայ կոմպոզիտոր, երաժշտագետ, դիրիժոր։ Ուզբեկական ԽՍՀ արվեստի վաստակավոր գործիչ (1950)։ Պրոֆեսոր (1970)։
| Աշոտ Պետրոսյանց | |
|---|---|
| Ծնվել է | ապրիլի 27 (մայիսի 10), 1910 Մարի, Անդրկասպյան մարզ, Թուրքեստան, Ռուսական կայսրություն |
| Երկիր |  ԽՍՀՄ |
| Մահացել է | հուլիսի 13, 1978 (68 տարեկան) Երևան, Հայկական ԽՍՀ, ԽՍՀՄ |
| Գերեզման | Չիգատոյի գերեզմանոց |
| Մասնագիտություն | դիրիժոր, երաժշտագետ և կոմպոզիտոր |
| Աշխատավայր | Ուզբեկստանի պետական կոնսերվատորիա |
| Կրթություն | Ուզբեկստանի պետական կոնսերվատորիա |
| Պարգևներ |  ,  , ,  և  |
Կենսագրություն խմբագրել
Աշոտ Պետրոսյանցը ծնվել է 1910 թվականին Թուրքմենստանի Մարի քաղաքում։ 1954 թվականին ավարտել է Տաշքենդի կոնսերվատորիան։ 1943 թվականին Տաշքենդի կոնսերվատորիայում հիմնել է ժողովրդական գործիքների հատուկ փորձարարական լաբորատորիա (ղեկավար՝ մինչև 1958 թվական), հավաքել արևելյան նվագարանների հարուստ հավաքածու, 1948 թվականին կազմակերպել ժողովրդական գործիքների ֆակուլտետ, 1949 թվականին՝ ամբիոն։ 1936-1949 թվականներին ղեկավարել է Համզայի անվան երաժշտական ուսումնարանի ժողովրդական գործիքների բաժինը, հիմնադրել նոտայով ուսուցում։ Եղել է Ուզբեկստանի ֆիլհարմոնիայի ժողովրդական գործիքների առաջին արհեստավարժ նվագախմբի կազմակերպիչներից, 1938-1941 թվականներին՝ գեղարավեստկան ղեկավար, 1943-1958 թվականներին՝ գլխավոր դիրիժոր։ Փոխադրել, գործիքավորել է հարյուրից ավելի երկեր։ 1935 թվականից վերակառուցել և կատարելագործել է միջինասիական ժողովրդական նվագարաններ, ստեղծել դրանց նոր տարատեսակներ (78 գործիք) և դրանց ընտանիքները, որով էլ միջինասիական գործքային երաժշտության մեջ ներդրվել է բազմաձայնություն[1]։
Պարգևներ խմբագրել
- Ուզբեկական ԽՍՀ արվեստի վաստակավոր գործիչ, 1950
- ԽՍՀՄ պետական մրցանակ, 1951
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007