Անողնուցուկ Գրոսհեյմի
Անողնուցուկ Գրոսհեյմի | |
Դասակարգում | |
Թագավորություն | Բույսեր (Plantae) |
Տիպ/Բաժին | Անոթավոր բույսեր (Tracheophyta) |
Ենթատիպ | Սերմնավոր բույսեր (Spermatophytes) |
Կարգ | Հացածաղկավորներ (Poales) |
Ընտանիք | Հացազգիներ (Poaceae) |
Ենթաընտանիք | Դաշտավլուկայիններ (Pooideae) |
Ցեղ | Puccinellia |
Տեսակ | Անողնուցուկ Գրոսհեյմի (P. grossheimiana) |
Միջազգային անվանում | |
Puccinellia grossheimiana |
Անողնուցուկ Գրոսհեյմի (լատին․՝ Puccinellia grossheimiana), հացազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն խմբագրել
30-60 սմ բարձրությամբ, ուղիղ, սովորաբար մանուշակագույն ցողուններով, ճիմ առաջացնող բազմամյա խոտաբույս է։ Տերևաթիթեղները խոզանաձև ոլորված են։ Ընդհանուր ծաղկաբույլը մազանման ոլորված ճյուղիկներով շատ փուխր հուրան է։ 2,5-3,5 մմ երկարությամբ ստորին ծաղկային թփերը սրացած են[1]։
Տարածվածություն խմբագրել
Հայաստանում հանդիպում է Սևանի (Սևանա լճի և նրա մեջ թափվող գետերի ափեր) և Երևանի (Արարատ) ֆլորիստիկական շրջաններում։ Տեսակը հանդիպում է նաև Կենտրոնական և Արևելյան Անատոլիայում և Արևմտյան Իրանում[1]։
Էկոլոգիա խմբագրել
Աճում է ստորին լեռնային գոտուց մինչև վերին լեռնային գոտի` ծովի մակարդակից 700-2100 մ բարձրությունների վրա, լճերի և գետերի ափերին, հղկված գլաքարերի և մերկացած գրունտների վրա։ Ծաղկում է հունիս ամսին, պտղաբերում՝ հուլիսին[1]։
Պահպանություն խմբագրել
Վտանգված տեսակ է։ Համարվում էր անհետացած Գիլլի լճի չորացումից հետո։ Ավելի ուշ հայտնաբերվել են նոր պոպուլյացիան եր Սևանա լճի ավազանում և Արարատյան հարթավայրում։ Ներկայումս տարածման շրջանի մակերեսը 5000 կմ²-ից պակաս է, բնակության շրջանի մակերեսը՝ 500 կմ²-ից պակաս։ Կապված աճելավայրերի պայմանների փոփոխության հետ՝ տեսակին սպառնում է տարածման և բնակության շրջանների նվազում։ Հայաստանի Կարմիր գրքի առաջին հրատարակության մեջ ընդգրկված էր որպես անհետացած տեսակ։ CITES-ի և Բեռնի կոնվենցիաների հավելվածներում ընդգրկված չէ[1]։
Պոպուլյացիաների մի մասը պահպանվում է «Սևան» ազգային պարկի տարածքում[1]։
Ծանոթագրություններ խմբագրել
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.