Բացել գլխավոր ցանկը

Անդրե Թայլեր Իգուադալա (անգլ.՝ Andre Tyler Iguodala, ծնվ.` հունվարի 28, 1984 թ.), ամերիկացի պրոֆեսիոնալ բասկետբոլիստ։ Ներկա պահին հանդես է գալիս Բասկետբոլի ազգային ասոցիացիայի (NBA) «Գոլդեն սթեյթ Ուորիորս» ակումբում՝ որպես թեթև հարձակվող և հարձակվող պաշտպան։ Հանդիսանում է թիմի ավագը։

Picto infobox baschet.png
Անդրե Իգուադալա
Andre Iguodala
Andre Iguodala 2016.jpg
Ակումբ Ամերիկայի Միացյալ Նահանգներ Գոլդեն սթեյթ Ուորիորս
Դիրքը թեթև հարձակվող/ հարձակվող պաշտպան
(սվինգմեն)
Համար № 9
Ի ծնե տրված անունը Անդրե Իգուադալա
Andre Iguodala
Ծննդյան ամսաթիվ հունվարի 28, 1984 (35 տարեկան)
Ծննդավայր Ամերիկայի Միացյալ Նահանգներ Սպրինգֆիլդ, Իլինոյս, ԱՄՆ
Հասակ 1,98 մ
Քաշ 94 կգ
Դպրոց Լանֆիեր
(Սպրինգֆիլդ, Իլինոյս)
համալսարան Արիզոնա (2002–2004)
Դրաֆթի տարի 2004 / ռաունդ` 1 / ընտր.` 9-րդ
Դրաֆթ ակումբ Ֆիլադելֆիա Սեվնթի Սիքսերս
Կարիերայի պատմություն
Ամերիկայի Միացյալ ՆահանգներՖիլադելֆիա Սեվնթի Սիքսերս (2004-2012)
Ամերիկայի Միացյալ Նահանգներ Դենվեր Նագեթս (2012–2013)
Ամերիկայի Միացյալ Նահանգներ Գոլդեն սթեյթ Ուորիորս (2013-այժմ)
Մրցանակներ
  • NBA չեմպիոն (2015, 2017)
  • NBA գերեզրափակչի MVP (2015)
  • NBA աստղ (2012)
  • NBA All-Defensive երկրորդ թիմ (2010)
  • NBA-ի նորեկների մարտահրավերի հանդիպման MVP (2005)
  • NBA All-Rookie առաջին թիմ (2004)
  • All-Pac-10 առաջին թիմ (2004)
Մեդալներ

Օլիմպիական խաղեր
 Ոսկի - Լոնդոն 2012
Ամերիկյան առաջնություն
 Ոսկի - Թուրքիա 2012

Ծնվել է Սպրինգֆիլդում (Իլինոյս նահանգ), որտեղ գտնվող Լանֆիերի ավագ դպրոցում էլ անցկացրել է ավագ դպրոցի բասկետբոլային կարիերան՝ մինչ տեղափոխվելը Արիզոնայի համալսարան։ Համալսարանային առաջնություններում 2 տարի ներկայացնելով «Արիզոնա Ուայլդքեթս» թիմը՝ Իգուադալան 2004 թվականին պաշտոնապես մուտք է գործում NBA-ի դրաֆթ, որտեղ ընտրվում է 9-րդը առաջին ռաունդում՝ «Ֆիլադելֆիա Սեվնթի Սիքսերսի» կողմից։ 2004 թ.-ից մինչև 2012 թվականը Իգուադալան անցկացնում է «Սիքսերսի» կազմում՝ կարիերայի սկզբնամասում լինելով Ալեն Այվերսոնի թիմակիցը։ 2012 թվականի օգոստոսի 10-ին Իգուադալան փոխանակվում է Դենվեր Նագեթսի հետ։ Փոխանակման մեջ ներառված են լինում նաև Էնդրյու Բայնեմը, ով տեղափոխվում է «Ֆիլադելֆիա» և Դուայթ Հովարդը, ով էլ իր հերթին հայտնվում է «Լոս Անջելես Լեյքերսում»։

2015 և 2017 թվականներին, «Գոլդեն սթեյթ Ուորիորսի» կազմում դարձել է NBA չեմպիոն, ընդ որում՝ առաջին տարում արժանացել է գերեզրափակչի ամենաարդյունավետ խաղացողի (MVP) մրցանակին։

Միացյալ Նահանգների բասկետբոլի ազգային հավաքականի անդամ է, որի կազմում դարձել է ոսկե մեդալակիր Լոնդոնի 2012 թվականի ամառային օլիմպիական խաղերում և ՖԻԲԱ-ի 2010 թվականի աշխարհի առաջնությունում։ Եղել է նաև մինչև 18 տարեկանների ազգային հավաքականի անդամ, որի կազմում էլ դարձել է բրոնզե մեդալակիր 2002 թվականի ամերիկյան առաջնությունում։

Արտաքին հղումներԽմբագրել