Անդրեի և Ուոլի մեղվի արկածները

Անդրեի և Ուոլի մեղվի արկածները (անգլ.՝ The adventures of André and Wally B.), ամերիկյան կարճամետրաժ մուլտֆիլմ, որը նկարահանվել է 1984 թվականին Փիքսար ընկերության կողմից և ցուցադրվել Խաղալիքների պատմություն լիամետրաժ մուլտֆիլմի ցուցադրությունից առաջ։ Ռեժիսորն Էլվի Ռեյ Սմիթն է։

Անդրեի և Ուոլի մեղվի արկածները անգլ.՝ The Adventures of André and Wally B.
Տեսակ	կարճամետրաժ մուլտիպլիկացիոն ֆիլմ
Ժանր	մուլտֆիլմ, ընտանեկան ֆիլմ և կինոկատակերգություն
Ռեժիսոր	Alvy Ray Smith?
Սցենարիստ	Alvy Ray Smith?
Պրոդյուսեր	Ջոն Լեսսետեր
Երկիր	ԱՄՆ
Լեզու	անգլերեն
Ընկերություն	Պիքսար
Դիստրիբյուտոր	Lucasfilm և Դիսնեյ+
Տևողություն	2 րոպե
Թվական	հուլիսի 25, 1984
pixar.com/andre-wally-b​(անգլ.)

Առաջին համակարգչային մուլտֆիլմն է մարդկության պատմության մեջ։

Սյուժե

Առավոտյան անտառ։ Նոր արթնացած Անդրե անունով մարդուկին, որը որոշել է զբոսնել ծառերի մոտակայքում, հետապնդում է Ուոլի մեղուն, որն ուզում է խաղալ նրա հետ։ Սակայն Անդրեն չի ցանկանում խաղալ։ Նա մատով է ցույց տալիս Ուոլիի հետին ֆոնը։ Մեղուն շրջվում է, իսկ Անդրեն ծիծաղելով փախչում է։ Ուոլիին դա դուր չի գալիս։ Նա հասնում է Անդրեին և խայթում նրան։ Իրենից գոհ` նա հետ է թռչում, բայց Անդրեն նրա վրա է նետում իր գլխարկը, և մեղուն արագ թռչում է։

Կերպարներ

• Անդրե (անգլ. André), զվարճալի մարդուկ, որն ունի մեծ քիթ, հագին` կարմիր գլխարկ, սպիտակ նախշավոր շապիկ, կարմիր վարտիք, ձեռնոցներ և կոշիկներ։ Նա չի սիրում խաղալ։ Անհրաժեշտության դեպքում հակառակորդի վրա է նետում իր գլխարկը։
• Ուոլի (անգլ. Wally B.), ուրախ մեղու, որը սիրում է խաղալ, բայց չի սիրում, երբ իրեն գրգռում և իրենից փախչում են։ Անհրաժեշտության դեպքում խայթում է նեղացնողին։

Ֆիլմի պատմություն

Ֆիլմի հետ աշխատանքներն սկսել են դեռ 1983 թվականից՝ Փիքսար համակարգչային գրաֆիկների մշակման խմբում։ Խմբի ամունն էր «Lucasfilm Graphics Group», և այն հիմնադրել էր Էդ Քեթմելլը։ Այդ ժամանակ խումբն արդեն աշխատում էր Աստղային պատերազմներ և Աստղային ճանապարհ ֆիլմերի հատուկ էֆեկտների ուղղությամբ։ Բայց կերպարների անիմացիայի մասին խումբը չէր էլ մտածում։ Ամեն ինչ փոխվում է, երբ խմբի անդամ է դառնում երիտասարդ նկարիչ-մուլտիպլիկատոր Ջոն Լասսետերը։ Նա շատ էր հետաքրքրվում համակարգչային տեխնոլոգիաներով, ինչի համար նրան չէին սիրում Դիսնեյ ընկերությունում, որտեղ նա նախկինում աշխատում է։

Դիսնեյի «Գահ» ֆիլմի թողարկումից հետո Լասսետերը խորը տպավորվել է այն տեխնոլոգիաներով, որոնք կարող է համակարգիչը առաջարկել նկարչին։ Սակայն, «Disney» կազմակերպությունը ոչինչ լսել անգամ չէր ցանկանում ծախսատար տեխնոլոգիաների մասին։ «Գահ»-ը անշահութաբեր նախագիծ է որակվել, իսկ «Disney»-ը չէր ցանկանում ռիսկի դիմել։ Դրա համար, Լասսետերն ստիպված էր «Disney»-ից տեղափոխվել «Lucasfilm»:

Ուոլթ Դիսնեյն իր ողջ կյանքի ընթացքում ձգտում էր ավելի շատ չափումներ ավելացնել իր անիմացիայում։ Ես նայում էի դրան և մտածում, որ սա հենց այն է, ինչին այդպես սպասում էր Ուոլթը։

Լասսետերը «Գահ» ֆիլմի մասին.

Ֆիլմն, այնուամենայնիվ, ստեղծվում է։ Լասսետերին աշխատանքի են ընդունում որպես մուլտիպլիկատոր, սակայն սկզբում Լուկասը թերահավատորեն էր վերաբերվում մուլտիպլիկատորին։ Նրան աշխատանքի ընդունելու համար միջնորդում են Էդ Քետմելլը և Ռեյ Սմիթը։ Լասսետերը դառնում է այդ մուլտֆիլմի մուլտիպլիկատորը, իսկ Էլվի Ռեյ Սմիթը՝ ռեժիսորը։ Լասսետերը նաև հորինում է մուլտֆիլմի գլխավոր հերոսների՝ Անդրեի և Ուոլիի անունները, որոնք դրվել են Անդրե Գրեգորիի և Ուոլի Շոունի պատվին. վերջիններս «Իմ ընթրիքն Անդրեի հետ» ֆիլմի հերոսներն են։

Երկու տարի անց Սթիվ Ջոբսը գնում է «Lucasfilm» ընկերությունը։ Ընկերության նոր ղեկավարն է դառնում մուլտֆիլմի ռեժիսոր Էլվի Ռեյ Սմիթը։ Հենց նա է առաջին անգամ մտածել ընկերությանը տալ «Pixar» անվանումը։ Այսպես «Lucasfilm» ընկերության ենթաբաժինը դառնում է անիմացիոն «Փիքսար» ստուդիա։

Ավելի ուշ «Disney»-ը գնել է «Pixar» ընկերությունը։ Լեսսետերը եղել է «Pixar» ընկերության հիմնադիրներից մեկը և դրա առաջին մուլտֆիլմի՝ Խաղալիքների պատմության ռեժիսորը, որի հետ մեկտեղ ցուցադրել է «Անդրեի և Ուոլի մեղվի արկածները» մուլտֆիլմը։

Արտաքին հղումներ

• André and Wally B.(անգլ.) ֆիլմը Internet Movie Database կայքում