Անդրեաս Լուբից
Անդրեաս Գյունտեր Լուբից (գերմ.՝ Andreas Günter Lubitz, դեկտեմբերի 18, 1987 - մարտի 24, 2015) Germanwings ավիաընկերության երկրորդ օդաչուն, նա կանխամտածված ոչնչացրել է A320 օդանավը, ինչի պատճառով ինքնաթիռում գտնված բոլոր 150 մարդիկ զոհվել են։
| Անդրեաս Լուբից Andreas Lubitz | |
|---|---|
| Ծնվել է | 1987 թվականի դեկտեմբերի 18-ին |
| Ծննդավայր |  Մոնտաբաուր |
| Մահացել է | 2015 թվականի մարտի 24-ին |
| Մահվան վայր |  Ֆրանսիա |
| Քաղաքացիություն | Գերմանիա |
| Մասնագիտություն | երկրորդ օդաչու, օդաչու և ուղեկցորդ |
| Աշխատանք | օդաչու |
| Աշխատավայր | Germanwings |
| Ծնողներ | հայր՝ Գյունտեր Լուբից, մայր՝ Ուրսուլա Լուբից |
Կենսագրություն
խմբագրելՄանկություն
խմբագրելԱնդրեաս Լուբիցը ծնվել է Գերմանիայում։ Ընտանիքի հետ ապրում էր տատիկի և պապիկի տանը, այնուհետև 1970-ական թվականներին տեղափոխվում են Ռումինիա։ Միևնույն ժամանակ, իր պապը աշխատել է որպես մանկաբույժ, իսկ տատիկը եղել է դպրոցում ուսուցիչ։ Երբ Անդրեասը արդեն 6 տարեկան էր, ընտանիքի հետ տեղափոխվում է Մոնտաբաուր, և բնակություն են հաստատում մի մեծ տան մեջ։ Հենց այդ վայրում էլ Անդրեասի մանկությունը անցնում է[1]։
Անդրեասի մայրը աշխատել է որպես երաժշտության ուսուցչուհի, իսկ հայրը եղել է գործարար[2]։
Աշխատանքը ավիացիայում
խմբագրել14 տարեկան հասակում Անդրեասը մասնակցել է աերոակումբ Luftorts Club Westerwald նախագծին, որտեղ իրականացնում է բազմաթիվ չվերթներ Schleicher ASK 21 ինքնաթիռով։ Ժամանակի ընթացքում, նա ձեռք է բերում մի փոքրիկ ինքնաթիռ, և ցանկություն է հայտնում, որ ինքնաթիռը տեղափոխեն իր հայրենի քաղաք՝ Մոնտաբաուր[3]։
Անդրեաս Լուբիցը 2008 թվականին ստանում է իր միջնակարգ կրթությունը, ապա ընդունվում է թռիչքների դպրոց Lufthansa ընկերությունում։ Հիմնականում թռիչքների դասընթացները տեղի են ունենում ԱՄՆ-ում։ Ժամանակի ընթացքում Անդրեասը դառնում է օդաչու։ Ադոլֆ Դելեֆը եղել է դպրոցի գլխավոր մենեջերը, նրանք հանդիպել են 2009 թվականին, և Անդրեասը նրան ասել է. «Չափից շատ սթրեսային, ես պատրաստվում եմ վերցնել ընդմիջում»։
Ժամանակի ընթացքում Անդրեասը, մի քանի ամսով ընդհատել է իր ուսուցումը թռիչքային դպրոցում։ Germanwings ավիաընկերությունում, Անդրեաս Լուբիցը աշխատել է 2013 թվականից[4]։ Նրան որակել են որպես օդաչու, և 2014 թվականին նա ճանաչվում է Airbus A320 ինքնաթիռի երկրորդ հրամանատարը[5]։
2014 թվականի դեկտեմբերին Անդրեասը իր մեքենայով վթարի է ենթարկվում, որի հետևանքով ունենում է խնդիրներ տեսողության և ողնաշարի հետ։ Անդրեասը իր առողջական խնդիրները թաքցրել է։ Այնուհետև Անդրեասը խոսել է բժիշկների հետ, և պահանջել է, որպեսզի բուժումը դադարեցնեն, որ նա որքան հնարավոր է շուտ վերադառնա աշխատանքի[6]։
Ավիավթար A320
խմբագրել2015 թվականի մարտի 24-ին Դին լե Բեն քաղաքում Airbus A320-211 ինքնաթիռը վթարի է ենթարկվել։ Ինքնաթիռի մեջ գտնվում էր 144 ուղևոր և 6 անձնակազմի անդամներ։ Ինքնաթիռը ընկել է Պրովանսալ Ալպերում, ինչի հետևանքով բոլորը զոհվել են։ Անդրեաս Լուբիցը եղել է ինքնաթիռի երկրորդ հրամանատարը։
Մարտի 26-ին Ֆրանսիայի քննիչները հայտարարում են, որ ինքնաթիռը միտումնավոր ոչնչացվել է Անդրեասի կողմից։ Այդ պահին նա մենակ էր նավախցիկում, և ներսից փակել էր, քանի որ առաջին հրամանատարը դուրս էր եկել նավախցիկից։ Ինքնաթիռի առաջին հրամանատարը թակել է դուռ, սակայն ներսից այն փակ էր։ Հրամանատարը փորձել է կացինով կոտրել դուռը, սակայն ապարդյուն[7]։ Միևնույն ժամանակ Անդրեասը կապ չէր հաստատում դիսպետչերների հետ։ Ըստ արկղերի, Անդրեասի շնչառությունը եղել է նորմալ։
Անդրեասի բուժող բժիշկ հոգեբույժ Մարկուս Հենրիկսոնը հայտարարել է, որ նա գտնվել է խորը դեպրեսիայի մեջ, այդ պատճառով նա ինքնասպան է եղել։ Միևնույն ժամանակ, Մարսելի դատախազը աղետը մեկնաբանել է այսպես, «Ես չեմ կարող օգտագործել «ինքնասպանություն» բառը, եթե իմ հետ մեկտեղ, զոհվելու է 150 մարդ»։ Ավելի ուշ Deutsche Welle հայտարարում է, որ Լուբիցը նախկինում ունեցել է հոգեկան խնդիրներ[8]։
Ծանոթագրություններ
խմբագրել- ↑ «Andreas Lubitz: first picture of Germanwings co-pilot's father emerges» (անգլերեն). The Telegraph. Վերցված է 2015 թ․ ապրիլի 5-ին.
- ↑ «Germanwings investigators find torn-up sicknote in co-pilot's home – as it happened» (անգլերեն). The Guardian. Վերցված է 2015 թ․ ապրիլի 5-ին.
- ↑ «Второй пилот разбившегося во вторник самолета Airbus A320 авиакомпании Germanwings Андреас Лубиц часто проводил отпуск в Альпах. Кроме того, будучи подростком, он много раз был в том самом регионе, в котором упал управляемый им лайнер». "Российская газета". 2015 թ․ մարտի 28. Վերցված է 2015 թ․ ապրիլի 11-ին.
- ↑ «Что известно об Андреасе Лубитце, который управлял разбившимся Airbus A320?». Газета "Аргументы и факты". Վերցված է 2015 թ․ ապրիլի 5-ին.
- ↑ «Медслужба Lufthansa скрыла информацию о болезни Лубица». Российская газета. Վերցված է 2015 թ․ ապրիլի 5-ին.
- ↑ «Bild: Второй пилот А320 лгал врачам о своей работе». Новая газета. 2015 թ․ ապրիլի 2. Արխիվացված է օրիգինալից 2015 թ․ ապրիլի 6-ին. Վերցված է 2015 թ․ ապրիլի 5-ին.
- ↑ «Germanwings plane crash: Co-pilot 'wanted to destroy plane'». BBC (անգլերեն). Վերցված է 2015 թ․ մարտի 26-ին.
- ↑ Рейс 4U9525: «Черный ящик» подтверждает стремление пилота спровоцировать крушение.