Անդրանիկ Պետրոսյան (մանկավարժ)
- Վիքիպեդիայում կան հոդվածներ Պետրոսյան ազգանունով այլ մարդկանց մասին։
- Անվան այլ կիրառումների համար տե՛ս՝ Անդրանիկ Պետրոսյան (այլ կիրառումներ)
Անդրանիկ Մուսայելի Պետրոսյան (1921, Մուշկապատ, Շուշիի գավառ - անհայտ), հայ մանկավարժ։ Հայրենական մեծ պատերազմի մասնակից։
Անդրանիկ Պետրոսյան | |
---|---|
Ծնվել է | 1921 |
Ծննդավայր | Մուշկապատ, Շուշիի գավառ |
Մահացել է | անհայտ |
Քաղաքացիություն | ԽՍՀՄ |
Կրթություն | Երևանի պետական համալսարան |
Մասնագիտություն | մանկավարժ |
Պարգևներ և մրցանակներ |
Կենսագրություն խմբագրել
Անդրանիկ Պետրոսյանը ծնվել է 1921 թվականին, Լեռնային Ղարաբաղի Մարտունու շրջանի Մուշկապատ գյուղում։ Միջնակարգ դպրոցն ավարտել է 1938 թվականին, որից հետո աշխատել է շրջանի մշակույթի տան վարիչ, ֆիզկուլտկոմիտեի նախագահ։ 1941 թվականին աշխատել է Մարտակերտի դպրոցում, որպես ռուսաց լեզվի ուսուցիչ[1]։
Բանակ է զորակոչվել 1941 թվականին։ Ծառայել է գլխավորապես տնտեսական սպասարկման ստորաբաժանումներում, ավտոգնդում և հասել է մինչև Բեռլին, այնուհետև իր զորամասի հետ փոխադրվել է Հեռավոր Արևելք, մասնակցել իմպերիալիստական Ճապոնիայի դեմ մղված կռիվներին, հասնելով մինչև Պորտ-Արտուր[1]։
Պատերազմի ավարտից հետո Պետրոսյանը բնակություն է հաստատել Աշխաբադում։ 1950 թվականին փոխադրվել է Երևան, աշխատել վարչական մարմիններում և միաժամանակ սովորել և ավարտել է Երևանի պետական համալսարանի իրավաբանական բաժինը։ 1960 թվականից Պետրոսյանը վարել է միջնակարգ դպրոցի տնօրենի պաշտոնը[1]։
Մարտական աչքի ընկած ծառայությունների համար Պետրոսյանն արժանացել է կառավարական պարգևների՝ Կարմիր աստղի շքանշանի, «Մարտական ծառայությունների համար» և այլ մեդալների[1]։
Պարգևներ խմբագրել
- Կարմիր աստղի շքանշան
- «Մարտական ծառայությունների համար» մեդալ